Ashtaka

Mangala Ashtakam Lyrics in Oriya | ମଙ୍ଗଲାଷ୍ଟକମ୍

ମଙ୍ଗଲାଷ୍ଟକମ୍ Lyrics in Oriya:

ବ୍ରହ୍ମାଵିଷ୍ଣୁର୍ଗିରୀଶଃ ସୁରପତିରନଲଃ ପ୍ରେତରାଡ୍ୟାତୁନାଥ-
ସ୍ତୋୟାଧୀଶଶ୍ଚ ଵାୟୁର୍ଧନଦଗୁହଗଣେଶାର୍କଚନ୍ଦ୍ରାଶ୍ଚ ରୁଦ୍ରାଃ ।
ଵିଶ୍ଵାଦିତ୍ୟାଶ୍ଵିସଧ୍ୟା ଵସୁପିତୃମରୁତସ୍ସିଦ୍ଧଵିଦ୍ୟାଶ୍ଚ ୟକ୍ଷା
ଗନ୍ଧର୍ଵାଃ କିନ୍ନରାଦ୍ୟାଖିଲଗଗନଚରା ମଙ୍ଗଲଂ ମେ ଦିଶନ୍ତୁ ॥ ୧॥

ଵାଣୀ ଲକ୍ଷ୍ମୀ ଧରିତ୍ରୀ ହିମଗିରିତନୟା ଚଣ୍ଡିକା ଭଦ୍ରକାଲୀ
ବ୍ରହ୍ମାଦ୍ୟା ମାତୃସଙ୍ଘା ଅଦିତିଦିତିସତୀତ୍ୟାଦୟୋ ଦକ୍ଷପୁତ୍ର୍ୟଃ ।
ସାଵିତ୍ରୀ ଜହ୍ନୁକନ୍ୟା ଦିନକରତନୟାରୁନ୍ଧତୀ ଦେଵପତ୍ନ୍ୟଃ
ପୌଲୋମାଦ୍ୟାସ୍ତଥାନ୍ୟାଃ ଖଚରୟୁଵତୟୋ ମଙ୍ଗଲଂ ମେ ଦିଶନ୍ତୁ ॥ ୨॥

ମତ୍ସ୍ୟଃ କୂର୍ମୋ ଵରାହୋ ନୃହରିରଥ ଵଟୁର୍ଭାର୍ଗଵୋ ରାମଚନ୍ଦ୍ର-
ସ୍ସୀରୀ କୃଷ୍ଣଶ୍ଚ ଖଡ୍ଗୀ ସକପିଲନରନାରାୟଣାତ୍ରେୟଵୈଦ୍ୟାଃ ।
ଅନ୍ୟେ ନାନାଵତାରାଃ ନରକଵିଜୟିନଶ୍ଚକ୍ରମୁଖ୍ୟାୟୁଧାନି
ତତ୍ପତ୍ନ୍ୟସ୍ତତ୍ସୁତାଶ୍ଚାପ୍ୟଖିଲହରିକୁଲା ମଙ୍ଗଲଂ ମେ ଦିଶନ୍ତୁ ॥ ୩॥

ଵିଶ୍ଵାମିତ୍ରୋ ଵସିଷ୍ଠଃ କଲଶଭଵ ଉତଥ୍ୟୋଽଙ୍ଗିରାଃ କାଶ୍ୟପଶ୍ଚ
ଵ୍ୟାସଃ କଣ୍ଵୋ ମରୀଚୀ କ୍ରତୁଭୃଗୁପୁଲହା ଶୌନକୋଽତ୍ରିଃ ପୁଲସ୍ତ୍ୟଃ ।
ଅନ୍ୟେ ସର୍ଵେ ମୁନୀନ୍ଦ୍ରାଃ କୁଜବୁଧଗୁରୁଶୁକ୍ରାର୍କଜାଦ୍ୟା ଗ୍ରହା ୟେ
ନକ୍ଷତ୍ରାଣି ପ୍ରଜେଶାଃ ଫଣିଗଣମନଵୋ ମଙ୍ଗଲଂ ମେ ଦିଶନ୍ତୁ ॥ ୪॥

ତାର୍କ୍ଷ୍ୟୋଽନନ୍ତୋ ହନୂମାନ୍ ବଲିରପି ସନକାଦ୍ୟାଃ ଶୁକୋ ନାରଦଶ୍ଚ
ପ୍ରହ୍ଲାଦଃ ପାଣ୍ଡୁପୁତ୍ରା ନୃଗନଲନହୁଷାଃ ଵିଷ୍ଣୁରାତୋଽମ୍ବରୀଷଃ ।
ଭୀଷ୍ମାକ୍ରୂରୋଦ୍ଧଵୋଶୀନରଭରତହରିଶ୍ଚନ୍ଦ୍ରରୁକ୍ମାଙ୍ଗଦାଦ୍ୟାଃ
ଅନ୍ୟେ ସର୍ଵେ ନରେନ୍ଦ୍ରା ରଵିଶଶିକୁଲଜା ମଙ୍ଗଲଂ ମେ ଦିଶନ୍ତୁ ॥ ୫॥

ଆକୂତ୍ୟାଦ୍ୟାଶ୍ଚ ତିସ୍ରଃ ସକଲମୁନିକଲତ୍ରାଣି ଦାରା ମନୂନାଂ
ତାରା କୁନ୍ତୀ ଚ ପାଞ୍ଚାଲ୍ୟଥ ନଲଦୟିତା ରୁକ୍ମିଣୀ ସତ୍ୟଭାମା ।
ଦେଵକ୍ୟାଦ୍ୟାଶ୍ଚ ସର୍ଵା ୟଦୁକୁଲଵନିତା ରାଜଭାର୍ୟାସ୍ତଥାନ୍ୟାଃ
ଗୋପ୍ୟଶ୍ଚାରିତ୍ରୟୁକ୍ତାଃ ସକଲୟୁଵତୟୋ ମଙ୍ଗଲଂ ମେ ଦିଶନ୍ତୁ ॥ ୬॥

ଵିପ୍ରା ଗାଵଶ୍ଚ ଵେଦାଃ ସ୍ମୃତିରପି ତୁଲସୀ ସର୍ଵତୀର୍ଥାନି ଵିଦ୍ୟାଃ
ନାନାଶାସ୍ତ୍ରେତିହାସା ଅପି ସକଲପୁରାଣାନି ଵର୍ଣାଶ୍ରମାଶ୍ଚ ।
ସାଙ୍ଖ୍ୟଂ ଜ୍ଞାନଂ ଚ ୟୋଗାଵପି ୟମନିୟମୌ ସର୍ଵକର୍ମାଣି କାଲାଃ
ସର୍ଵେ ଧର୍ମାଶ୍ଚ ସତ୍ୟାଦ୍ୟଵୟଵସହିତା ମଙ୍ଗଲଂ ମେ ଦିଶନ୍ତୁ ॥ ୭॥

ଲୋକା ଦ୍ଵୀପାଃ ସମୁଦ୍ରାଃ କ୍ଷିତିଧରପତୟୋ ମେରୁକୈଲାସମୁଖ୍ୟାଃ
କାଵେରୀନର୍ମଦାଦ୍ୟାଃ ଶୁଭଜଲସରିତଃ ସ୍ଵର୍ଦ୍ରୁମା ଦିଗ୍ଗଜେନ୍ଦ୍ରାଃ ।
ମେଘା ଜ୍ୟୋତୀଂଷିନାନାନରମୃଗପକ୍ଷ୍ୟାଦୟଃ ପ୍ରାଣିନୋଽନ୍ୟେ
ସର୍ଵୌଷଧ୍ୟଶ୍ଚ ଵୃକ୍ଷାଃ ସକଲତୃଣଲତା ମଙ୍ଗଲଂ ମେ ଦିଶନ୍ତୁ ॥ ୮॥

ଭକ୍ତ୍ୟା ସଂୟୁକ୍ତଚିତ୍ତାଃ ପ୍ରତିଦିଵସମିମାନ୍ ମଙଗଲସ୍ତୋତ୍ରମୁଖ୍ୟାନ୍
ଅଷ୍ଟୌ ଶ୍ଲୋକାନ୍ ପ୍ରଭାତେ ଦିଵସପରିଣତୌ ୟେ ଚ ମର୍ତ୍ୟାଃ ପଠନ୍ତି ।
ତେ ନିତ୍ୟଂ ପୂର୍ଣକାମା ଇହ ଭୁଵି ସୁଖିନଶ୍ଚାର୍ଥଵନ୍ତୋଽପି ଭୂତ୍ଵା
ନିର୍ମୁକ୍ତା ସର୍ଵପାପୈର୍ଵୟସି ଚ ଚରମେ ଵିଷ୍ଣୁଲୋକଂ ପ୍ରୟାନ୍ତି ॥ ୯॥

ଇତି ମଙ୍ଗଲାଷ୍ଟକସ୍ତୋତ୍ରଂ ସମାପ୍ତମ୍ ॥

Add Comment

Click here to post a comment