Margasahaya Linga Stuti in Gujarati:
॥ શ્રીમાર્ગસહાયલિઙ્ગસ્તુતી ॥
॥ શ્રીમદ્ અપ્પય્યદીક્ષિતેન્દ્રૈઃ વિરચિતા ॥
પયો-નદીતીર નિવાસલિઙ્ગં બાલાર્ક-કોટિ પ્રતિમં ત્રિનેત્રમ્ ।
પદ્માસનેનાર્ચિત દિવ્યલિઙ્ગં વન્દામહે માર્ગસહાયલિઙ્ગમ્ ॥ ૧ ॥
ગઙ્ગાતરઙ્ગોલ્લસદુત્તમાઙ્ગં ગજેન્દ્ર-ચર્માંબર ભૂષિતાઙ્ગમ્ ।
ગૌરી-મુખાંભોજ-વિલોલ-ભૃઙ્ગં વન્દામહે માર્ગસહાયલિઙ્ગમ્ ॥ ૨ ॥
સુકઙ્કણીભૂત મહાભુજઙ્ગં સંજ્ઞાન-સંપૂર્ણ-નિજાન્તરઙ્ગમ્ ।
સૂર્યેન્દુ-બિંબાનલ-ભૂષિતાઙ્ગં વન્દામહે માર્ગસહાયલિઙ્ગમ્ ॥ ૩ ॥
ભક્તપ્રિયં ભાવવિલોલભૃઙ્ગં ભક્તાનુકૂલામલ ભૂષિતાઙ્ગમ્ ।
ભાવૈક-લોક્યાન્તરમાદિલિઙ્ગં વન્દામહે માર્ગસહાયલિઙ્ગમ્ ॥ ૪ ॥
સામપ્રિયં સૌમ્ય મહેશલિઙ્ગં સામપ્રદં સૌમ્ય-કટાક્ષલિઙ્ગમ્ ।
વામાઙ્ગ-સૌન્દર્ય-વિલોલિતાઙ્ગં વન્દામહે માર્ગસહાયલિઙ્ગમ્ ॥ ૫ ॥
પઞ્ચાક્ષરી-ભૂત-સહસ્રલિઙ્ગં પઞ્ચામૃતસ્નાન-પરાયણાઙ્ગમ્ ।
પઞ્ચામૃતાંભોજ-વિલોલ-ભૃઙ્ગં વન્દામહે માર્ગસહાયલિઙ્ગમ્ ॥ ૬ ॥
વન્દે સુરારાધિત-પાદપદ્મં શ્રીશ્યામવલ્લી-રમણં મહેશમ્ ।
વન્દે મહામેરુ-શરાસનં શિવં વન્દા સદા માર્ગસહાયલિઙ્ગમ્ ॥ ૭ ॥
॥ ઇતિ શ્રી માર્ગસહાયલિઙ્ગ સ્તુતિઃ સંપૂર્ણા ॥
॥ ૐ તત્સત્ ॥
Also Read:
Marga Sahaya Linga Stuti of Appayya Deekshitar Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil