Margasahaya Linga Stuti in Bengali:
॥ শ্রীমার্গসহায়লিঙ্গস্তুতী ॥
॥ শ্রীমদ্ অপ্পয়্যদীক্ষিতেন্দ্রৈঃ বিরচিতা ॥
পয়ো-নদীতীর নিবাসলিঙ্গং বালার্ক-কোটি প্রতিমং ত্রিনেত্রম্ ।
পদ্মাসনেনার্চিত দিব্যলিঙ্গং বন্দামহে মার্গসহায়লিঙ্গম্ ॥ ১ ॥
গঙ্গাতরঙ্গোল্লসদুত্তমাঙ্গং গজেন্দ্র-চর্মাংবর ভূষিতাঙ্গম্ ।
গৌরী-মুখাংভোজ-বিলোল-ভৃঙ্গং বন্দামহে মার্গসহায়লিঙ্গম্ ॥ ২ ॥
সুকঙ্কণীভূত মহাভুজঙ্গং সংজ্ঞান-সংপূর্ণ-নিজান্তরঙ্গম্ ।
সূর্যেন্দু-বিংবানল-ভূষিতাঙ্গং বন্দামহে মার্গসহায়লিঙ্গম্ ॥ ৩ ॥
ভক্তপ্রিয়ং ভাববিলোলভৃঙ্গং ভক্তানুকূলামল ভূষিতাঙ্গম্ ।
ভাবৈক-লোক্যান্তরমাদিলিঙ্গং বন্দামহে মার্গসহায়লিঙ্গম্ ॥ ৪ ॥
সামপ্রিয়ং সৌম্য মহেশলিঙ্গং সামপ্রদং সৌম্য-কটাক্ষলিঙ্গম্ ।
বামাঙ্গ-সৌন্দর্য-বিলোলিতাঙ্গং বন্দামহে মার্গসহায়লিঙ্গম্ ॥ ৫ ॥
পঞ্চাক্ষরী-ভূত-সহস্রলিঙ্গং পঞ্চামৃতস্নান-পরায়ণাঙ্গম্ ।
পঞ্চামৃতাংভোজ-বিলোল-ভৃঙ্গং বন্দামহে মার্গসহায়লিঙ্গম্ ॥ ৬ ॥
বন্দে সুরারাধিত-পাদপদ্মং শ্রীশ্যামবল্লী-রমণং মহেশম্ ।
বন্দে মহামেরু-শরাসনং শিবং বন্দা সদা মার্গসহায়লিঙ্গম্ ॥ ৭ ॥
॥ ইতি শ্রী মার্গসহায়লিঙ্গ স্তুতিঃ সংপূর্ণা ॥
॥ ওঁ তৎসৎ ॥
Also Read:
Marga Sahaya Linga Stuti of Appayya Deekshitar Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
