Murari Pancharatnam in Kannada:
॥ ಮುರಾರಿ ಪಂಚರತ್ನಂ ॥
ಯತ್ಸೇವನೇನ ಪಿತೃಮಾತೃಸಹೋದರಾಣಾಂ
ಚಿತ್ತಂ ನ ಮೋಹಮಹಿಮಾ ಮಲಿನಂ ಕರೋತಿ |
ಇತ್ಥಂ ಸಮೀಕ್ಷ್ಯ ತವ ಭಕ್ತಜನಾನ್ಮುರಾರೇ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೧ ||
ಯೇ ಯೇ ವಿಲಗ್ನಮನಸಃ ಸುಖಮಾಪ್ತುಕಾಮಾಃ
ತೇ ತೇ ಭವಂತಿ ಜಗದುದ್ಭವಮೋಹಶೂನ್ಯಾಃ |
ದೃಷ್ಟ್ವಾ ವಿನಷ್ಟಧನಧಾನ್ಯಗೃಹಾನ್ಮುರಾರೇ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೨ ||
ವಸ್ತ್ರಾಣಿ ದಿಗ್ವಲಯಮಾವಸತಿಃ ಶ್ಮಶಾನೇ
ಪಾತ್ರಂ ಕಪಾಲಮಪಿ ಮುಂಡವಿಭೂಷಣಾನಿ |
ರುದ್ರೇ ಪ್ರಸಾದಮಚಲಂ ತವ ವೀಕ್ಷ್ಯ ಶೌರೇ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೩ ||
ಯತ್ಕೀರ್ತಿಗಾಯನಪರಸ್ಯ ವಿಧಾತೃಸೂನೋಃ
ಕೌಪೀನಮೈಣಮಜಿನಂ ವಿಪುಲಾಂ ವಿಭೂತಿಮ್ |
ಸ್ವಸ್ಯಾರ್ಥ ದಿಗ್ಭ್ರಮಣಮೀಕ್ಷ್ಯ ತು ಸಾರ್ವಕಾಲಂ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೪ ||
ಯದ್ವೀಕ್ಷಣೇ ಧೃತಧಿಯಾಮಶನಂ ಫಲಾದಿ
ವಾಸೋಽಪಿ ನಿರ್ಜಿನವನೇ ಗಿರಿಕಂದರಾಸು |
ವಾಸಾಂಸಿ ವಲ್ಕಲಮಯಾನಿ ವಿಲೋಕ್ಯ ಚೈವಂ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೫ ||
ಸ್ತೋತ್ರಂ ಪಾದಾಂಬುಜಸ್ಯೈತಚ್ಛ್ರೀಶಸ್ಯ ವಿಜಿತೇಂದ್ರಿಯಃ |
ಪಠಿತ್ವಾ ತತ್ಪದಂ ಯಾತಿ ಶ್ಲೋಕಾರ್ಥಜ್ಞಸ್ತು ಯೋ ನರಃ || ೬ ||
ಇತಿ ಮುರಾರಿ ಪಂಚರತ್ನಮ್ |
Also Read:
Murari Pancharatnam Lyrics in Hindi | English | Kannada | Telugu | Tamil
