Narayaneeyam

Narayaniyam Astacatvarimsadasakam Lyrics in Kannada | Narayaneyam Dasakam 48

Narayaniyam Astacatvarimsadasakam in Kannada:

॥ ನಾರಾಯಣೀಯಂ ಅಷ್ಟಚತ್ವಾರಿಂಶದಶಕಮ್ ॥

ನಾರಾಯಣೀಯಂ ಅಷ್ಟಚತ್ವಾರಿಂಶದಶಕಮ್ (೪೮) – ನಳಕೂಬರ-ಮಣಿಗ್ರೀವಯೋಃ ಶಾಪಮೋಕ್ಷಮ್ |

ಮುದಾ ಸುರೌಘೈಸ್ತ್ವಮುದಾರಸಮ್ಮದೈ-
ರುದೀರ್ಯ ದಾಮೋದರ ಇತ್ಯಭಿಷ್ಟುತಃ |
ಮೃದೂದರಃ ಸ್ವೈರಮುಲೂಖಲೇ ಲಗ-
ನ್ನದೂರತೋ ದ್ವೌ ಕಕುಭಾವುದೈಕ್ಷಥಾಃ || ೪೮-೧ ||

ಕುಬೇರಸೂನುರ್ನಲಕೂಬರಾಭಿಧಃ
ಪರೋ ಮಣಿಗ್ರೀವ ಇತಿ ಪ್ರಥಾಂ ಗತಃ |
ಮಹೇಶಸೇವಾಧಿಗತಶ್ರಿಯೋನ್ಮದೌ
ಚಿರಂ ಕಿಲ ತ್ವದ್ವಿಮುಖಾವಖೇಲತಾಮ್ || ೪೮-೨ ||

ಸುರಾಪಗಾಯಾಂ ಕಿಲ ತೌ ಮದೋತ್ಕಟೌ
ಸುರಾಪಗಾಯದ್ಬಹುಯೌವತಾವೃತೌ |
ವಿವಾಸಸೌ ಕೇಲಿಪರೌ ಸ ನಾರದೋ
ಭವತ್ಪದೈಕಪ್ರವಣೋ ನಿರೈಕ್ಷತ || ೪೮-೩ ||

ಭಿಯಾ ಪ್ರಿಯಾಲೋಕಮುಪಾತ್ತವಾಸಸಂ
ಪುರೋ ನಿರೀಕ್ಷ್ಯಾಪಿ ಮದಾನ್ಧಚೇತಸೌ |
ಇಮೌ ಭವದ್ಭಕ್ತ್ಯುಪಶಾನ್ತಿಸಿದ್ಧಯೇ
ಮುನಿರ್ಜಗೌ ಶಾನ್ತಿಮೃತೇ ಕುತಃ ಸುಖಮ್ || ೪೮-೪ ||

ಯುವಾಮವಾಪ್ತೌ ಕಕುಭಾತ್ಮತಾಂ ಚಿರಂ
ಹರಿಂ ನಿರೀಕ್ಷ್ಯಾಥ ಪದಂ ಸ್ವಮಾಪ್ನುತಮ್ |
ಇತೀರಿತೌ ತೌ ಭವದೀಕ್ಷಣಸ್ಪೃಹಾಂ
ಗತೌ ವ್ರಜಾನ್ತೇ ಕಕುಭೌ ಬಭೂವತುಃ || ೪೮-೫ ||

ಅತನ್ದ್ರಮಿನ್ದ್ರದ್ರುಯುಗಂ ತಥಾವಿಧಂ
ಸಮೇಯುಷಾ ಮನ್ಥರಗಾಮಿನಾ ತ್ವಯಾ |
ತಿರಾಯಿತೋಲೂಖಲರೋಧನಿರ್ಧುತೌ
ಚಿರಾಯ ಜೀರ್ಣೌ ಪರಿಪಾತಿತೌ ತರೂ || ೪೮-೬ ||

ಅಭಾಜಿ ಶಾಖಿದ್ವಿತಯಂ ಯದಾ ತ್ವಯಾ
ತದೈವ ತದ್ಗರ್ಭತಲಾನ್ನಿರೇಯುಷಾ |
ಮಹಾತ್ವಿಷಾ ಯಕ್ಷಯುಗೇನ ತತ್ಕ್ಷಣಾ-
ದಭಾಜಿ ಗೋವಿನ್ದ ಭವಾನಪಿ ಸ್ತವೈಃ || ೪೮-೭ ||

ಇಹಾನ್ಯಭಕ್ತೋಽಪಿ ಸಮೇಷ್ಯತಿ ಕ್ರಮಾತ್
ಭವನ್ತಮೇತೌ ಖಲು ರುದ್ರಸೇವಕೌ |
ಮುನಿಪ್ರಸಾದಾದ್ಭವದಙ್ಘ್ರಿಮಾಗತೌ
ಗತೌ ವೃಣಾನೌ ಖಲು ಭಕ್ತಿಮುತ್ತಮಾಮ್ || ೪೮-೮ ||

ತತಸ್ತರೂದ್ದಾರಣದಾರುಣಾರವ-
ಪ್ರಕಮ್ಪಿಸಮ್ಪಾತಿನಿ ಗೋಪಮಣ್ಡಲೇ |
ವಿಲಜ್ಜಿತತ್ವಜ್ಜನನೀಮುಖೇಕ್ಷಿಣಾ
ವ್ಯಮೋಕ್ಷಿ ನನ್ದೇನ ಭವಾನ್ವಿಮೋಕ್ಷದಃ || ೪೮-೯ ||

ಮಹೀರುಹೋರ್ಮಧ್ಯಗತೋ ಬತಾರ್ಭಕೋ
ಹರೇಃ ಪ್ರಭಾವಾದಪರಿಕ್ಷತೋಽಧುನಾ |
ಇತಿ ಬ್ರುವಾಣೈರ್ಗಮಿತೋ ಗೃಹಂ ಭವಾನ್
ಮರುತ್ಪುರಾಧೀಶ್ವರ ಪಾಹಿ ಮಾಂ ಗದಾತ್ || ೪೮-೧೦ ||

ಇತಿ ಅಷ್ಟಚತ್ವಾರಿಂಶದಶಕಂ ಸಮಾಪ್ತಮ್ |

Also Read:

Narayaniyam Astacatvarimsadasakam Lyrics in English | Kannada | Telugu | Tamil

Add Comment

Click here to post a comment