Narayaneeyam

Narayaniyam Saptacatvarimsadasakam Lyrics in Kannada | Narayaneyam Dasakam 47

Narayaniyam Saptacatvarimsadasakam in Kannada:

॥ ನಾರಾಯಣೀಯಂ ಸಪ್ತಚತ್ವಾರಿಂಶದಶಕಮ್ ॥

ನಾರಾಯಣೀಯಂ ಸಪ್ತಚತ್ವಾರಿಂಶದಶಕಮ್ (೪೭) – ಉಲೂಖಲಬನ್ಧನಮ್

ಏಕದಾ ದಧಿವಿಮಾಥಕಾರಿಣೀಂ ಮಾತರಂ ಸಮುಪಸೇದಿವಾನ್ ಭವಾನ್ |
ಸ್ತನ್ಯಲೋಲುಪತಯಾ ನಿವಾರಯನ್ನಙ್ಕಮೇತ್ಯ ಪಪಿವಾನ್ಪಯೋಧರೌ || ೪೭-೧ ||

ಅರ್ಧಪೀತಕುಚಕುಡ್ಮಲೇ ತ್ವಯಿ ಸ್ನಿಗ್ಧಹಾಸಮಧುರಾನನಾಂಬುಜೇ |
ದುಗ್ಧಮೀಶ ದಹನೇ ಪರಿಸ್ರುತಂ ಧರ್ತುಮಾಶು ಜನನೀ ಜಗಾಮ ತೇ || ೪೭-೨ ||

ಸಾಮಿಪೀತರಸಭಙ್ಗಸಙ್ಗತ-ಕ್ರೋಧಭಾರಪರಿಭೂತಚೇತಸಾ |
ಮನ್ಥದಣ್ಡಮುಪಗೃಹ್ಯ ಪಾಟಿತಂ ಹನ್ತ ದೇವ ದಧಿಭಾಜನಂ ತ್ವಯಾ || ೪೭-೩ ||

ಉಚ್ಚಲದ್ಧ್ವನಿತಮುಚ್ಚಕೈಸ್ತದಾ ಸನ್ನಿಶಮ್ಯ ಜನನೀ ಸಮಾದೃತಾ |
ತ್ವದ್ಯಶೋವಿಸರವದ್ದದರ್ಶ ಸಾ ಸದ್ಯ ಏವ ದಧಿ ವಿಸ್ತೃತಂ ಕ್ಷಿತೌ || ೪೬-೪ ||

ವೇದಮಾರ್ಗಪರಿಮಾರ್ಗಿತಂ ರುಷಾ ತ್ವಾಮವೀಕ್ಷ್ಯ ಪರಿಮಾರ್ಗಯನ್ತ್ಯಸೌ |
ಸನ್ದದರ್ಶ ಸುಕೃತಿನ್ಯುಲೂಖಲೇ ದೀಯಮಾನನವನೀತಮೋತವೇ || ೪೬-೫ ||

ತ್ವಾಂ ಪ್ರಗೃಹ್ಯ ಬತ ಭೀತಿಭಾವನಾಭಾಸುರಾನನಸರೋಜಮಾಶು ಸಾ |
ರೋಷರೂಷಿತಮುಖೀ ಸಖೀಪುರೋ ಬನ್ಧನಾಯ ರಶನಾಮುಪಾದದೇ || ೪೭-೬ ||

ಬನ್ಧುಮಿಚ್ಛತಿ ಯಮೇವ ಸಜ್ಜನಸ್ತಂ ಭವನ್ತಮಯಿ ಬನ್ಧುಮಿಚ್ಛತಿ |
ಸಾ ನಿಯುಜ್ಯ ರಶನಾಗುಣಾನ್ಬಹೂನ್ ದ್ವ್ಯಙ್ಗುಲೋನಮಖಿಲಂ ಕಿಲೈಕ್ಷತ || ೪೭-೭ ||

ವಿಸ್ಮಿತೋತ್ಸ್ಮಿತಸಖೀಜನೇಕ್ಷಿತಾಂ ಸ್ವಿನ್ನಸನ್ನವಪುಷಂ ನಿರೀಕ್ಷ್ಯ ತಾಮ್ |
ನಿತ್ಯಮುಕ್ತವಪುರಪ್ಯಹೋ ಹರೇ ಬನ್ಧಮೇವ ಕೃಪಯಾನ್ವಮನ್ಯಥಾಃ || ೪೭-೮ ||

ಸ್ಥೀಯತಾಂ ಚಿರಮುಲೂಖಲೇ ಖಲೇತ್ಯಾಗತಾ ಭವನಮೇವ ಸಾ ಯದಾ |
ಪ್ರಾಗುಲೂಖಲಬಿಲಾನ್ತರೇ ತದಾ ಸರ್ಪಿರರ್ಪಿತಮದನ್ನವಾಸ್ಥಿತಾಃ || ೪೭-೯ ||

ಯದ್ಯಪಾಶಸುಗಮೋ ವಿಭೋ ಭವಾನ್ ಸಂಯತಃ ಕಿಮು ಸಪಾಶಯಾಽನಯಾ |
ಏವಮಾದಿ ದಿವಿಜೈರಭಿಷ್ಟುತೋ ವಾತನಾಥ ಪರಿಪಾಹಿ ಮಾಂ ಗದಾತ್ || ೪೭-೧೦ ||

ಇತಿ ಸಪ್ತಚತ್ವಾರಿಂಶದಶಕಂ ಸಮಾಪ್ತಮ್ |

Also Read:

Narayaniyam Saptacatvarimsadasakam Lyrics in English | Kannada | Telugu | Tamil

Add Comment

Click here to post a comment