Templesinindiainfo

Best Spiritual Website

Nigraha Ashtakam Lyrics in Telugu | నిగ్రహాష్టకమ్

నిగ్రహాష్టకమ్ Lyrics in Telugu:

శ్రీమదప్పయ్యదీక్షితవిరచితమ్ ।

మార్గే సహాయం భగవన్తమేవ
విశ్వస్య విశ్వాధిక నిర్గతోఽస్మి ।
శాస్త్రం ప్రమాణం యది సా విపత్స్యా-
త్తస్యైవ మన్దో మయి యాం చికీర్షేత్ ॥ ౧॥

కాన్తారే ప్రాన్తరే వా మదకుశలకృతౌ సాన్తరం సాన్తరఙ్గం
మహ్యం ద్రుహ్యన్తమన్తం గమయతు భగవానన్తకస్యాన్తకారీ ।
క్షిప్రం విప్రాధమస్య క్షిపతు తదుదరస్యేవ మాయావివర్తా
నార్తాన్బన్ధూనబన్ధూనివ మమ శిశిరాభ్యన్తరాన్సన్తనోతు ॥ ౨॥

సహస్రం వర్తన్తాం పథిపథి పరే సాహసకృతం
ప్రవర్తన్తాం బాధం మయి వివిధమప్యారచయితుమ్ ।
న లక్షీకుర్వేఽహం నలినజలిపి ప్రాప్తమపి తన-
మమ స్వామీ చామీకరశిఖరచాపోఽస్తి పురతః ॥ ౩॥

సఙ్కల్ప్య స్థాణుశాస్త్రప్రచరణవిహతిః స్వేన కార్యా భువీతి
శ్మశ్రూణి స్వైరమశ్రూణ్యపి ఖలు మహతాం స్పర్ధయా వర్ధయన్తమ్ ।
క్షుద్రం విద్రావయేయుర్ఝటితి వృషపతిక్రోధనిఃశ్వాసలేశాః
శాస్త్రం శైలాదిభృత్యాస్తనుయురఖిలభూమణ్డలవ్యాప్తమేతత్ ॥ ౪॥

క్వచిదవయవే దగ్ధుం కశ్చిద్బలాదనుచిన్తయన్
నిరసనమితో దేశాత్కర్తుం మహేశ్వరమాశ్రితాన్ ।
ప్రమథపరిషద్రోశైర్దగ్ధాఽఖిలావయవః స్వయం
నిరసనమితో లోకాదేవ క్షణేన సమశ్నుతామ్ ॥ ౫॥

కాలప్రతీక్షా నహి తస్య కార్యా
పులస్త్యపుత్రాఽఽదివదన్తకారే ।
త్వదాశ్రితద్రోహకృతోద్యమానాం
సద్యః పతేదేవ హి మూర్ధ్ని దణ్డః ॥ ౬॥

కణ్ఠే రుద్రాక్షమాలాం భసితమతిసితం ఫాలదేశే చ పశ్యన్
నశ్యన్నేవ క్రుధం యస్తదపహృతమతిః సత్సు కుర్వీత గుర్వీమ్ ।
తత్ఫాలాత్తూర్ణమాయుర్లిఖితమసుగణం చాపి తత్కణ్ఠదేశాత్
క్రుద్ధాస్తే హ్యుద్ధరేయుర్నిజపదకమలాఙ్గుష్ఠలీలావిలాసాత్ ॥ ౭॥

సకలభువనకర్తా సామ్బమూర్తిః శివశ్చేత్
సకలమపి పురాణం సాగమం చేత్ప్రమాణమ్ ।
యది భవతి మహత్వం భస్మరుద్రాక్షభాజాం
కిమితి న మృతిరస్మద్రోహిణః స్యాదకాణ్డే ॥ ౮॥

ఇతి శ్రీభారద్వాజకులజలధికౌస్తుభశ్రీమదద్వైతవిద్యాచార్య
శ్రీమదప్పయ్యదీక్షితకృతం చక్రాఙ్కితనిగ్రహాష్టకం సమ్పూర్ణమ్ ॥

శ్రీరస్తు । శుభమస్తు ।

Nigraha Ashtakam Lyrics in Telugu | నిగ్రహాష్టకమ్

Leave a Reply

Your email address will not be published. Required fields are marked *

Scroll to top