Ninnu Ponichedana Sita Rama Lyrics:
మధ్యమావతి – చాపు (-త్రిపుట)
పల్లవి:
నిను బోనిచ్చెదనా సీతారామ
నిన్ను బోనిచ్చెదనా సీతారామ ని ॥
అను పల్లవి:
నిన్ను బోనిచ్చెదనా నన్ను రక్షింపక ఏ
మైనగాని నా కనులాన శ్రీరామా ని ॥
చరణము(లు):
రట్టు చేసెద నిన్ను అరికట్టుదునింక మొర
బెట్టుకోరా దిక్కు గలిగితే రామ ని ॥
గట్టిగ నీ పదకమలము లెప్పుడు
పట్టి నా మదిలో గట్టియుందును శ్రీరామా ని ॥
పడిపడి మీ వెంటబడి తిరుగ నెంతో
జడియను నీవెందు జరిగెదవురా రామ ని ॥
తడయక నీ తల్లితండ్రులు వచ్చినగాని
విడిచిపెట్టిన నీకొడుకునురా శ్రీరామా ని ॥
మా వాడని మొగమాటము లేక నే
సేవజేసి రవ్వ సేయుదురా రామ ని ॥
నీవు భద్రాచల నిలయుడవై నన్ను
కావవయ్యా రామదాస పోషక శ్రీరామా ని ॥
Ninnu Ponichedana Lyrics in Telugu | Ramadasu Keerthana