പരിവൃഢാഷ്ടകം Lyrics in Malayalam:
കലിന്ദോദ്ഭൂതായാസ്തടമനുചരന്തീ പശുപജാം
രഹസ്യേകാം ദൃഷ്ട്വാ നവസുഭഗവക്ഷോജയുഗലാം ।
ദൃഢം നീവീഗ്രന്ധി ശ്ലഥയതി മൃഗാക്ഷ്യാ ഹടതരം
രതിപ്രാദുര്ഭാവോ ഭവതു സതതം ശ്രീപരിവൃഢേ ॥ 1॥
സമായാതേ സ്വസ്മിന്സുരനിലയസാംയം ഗതവതി
വ്രജേ വൈശിഷ്ട്യം യോ നിജപദഗതാബ്ജാങ്കുശയവൈഃ ।
അകാര്ഷീത്തസ്മിന്മേ യദുകുലസമുദ്ഭാസിതമണൌ
രതിപ്രാദുര്ഭാവോ ഭവതു സതതം ശ്രീപരിവഢേ ॥ 2॥
ഹിഹീഹീഹീകാരാന് പ്രതിപശു വനേ കുര്വതി സദാ
നമദ്ഭഹ്മേശേന്ദ്രപ്രഭൃതിഷു ച മൌനം ധൃതവതി ।
മൃഗാക്ഷീഭിഃ സ്വേക്ഷാനവകുവലയൈരര്ചിതപദേ
രതിപ്രാദുര്ഭാവോ ഭവതു സതതം ശ്രീപരിവൃഢേ ॥ 3॥
സകൃത്സ്മൃത്വാ കുംഭീ യമിഹ പരമം ലോകമഗമ-
ച്ചിരം ധ്യാത്വാ ധാതാ സമാധിഗതവാന്യം ന തപസാ ।
വിഭൌ തസ്മിന്മഹ്യം സജലജലദാലീനിഭതനൌ
രതിപ്രാദുര്ഭാവോ ഭവതു സതതം ശ്രീപരിവൃഢേ ॥ 4॥
പരാ കാഷ്ഠാ പ്രേംണാം പശുപതരുണീനാം ക്ഷിതിഭുജാം
സുദൃക്താനാം ത്രാസാസ്പദമഖിലഭാഗ്യം യദുപതേഃ ।
വിഭുര്യസ്തസ്മിന്മേ ദരവികചജംബാലജമുഖേ
രതിപ്രാദുര്ഭാവോ ഭവതു സതതം ശ്രീപരിവൃഢേ ॥ 5॥
ദരപ്രാദുര്ഭൂതദ്വിജഗണമഹഃ പൂരിതവനേ
ചരം കുഹ്വാം രാകാരുചിരതരശോഭാധികരുചി ।
ഹരിര്യസ്തസ്മിംസ്ത്രീഗണപരിവൃതോ നൃത്യതി സദാ
രതിപ്രാദുര്ഭാവോ ഭവതു സതതം ശ്രീപരിവൃഢേ ॥ 6॥
സ്ഫുരദ്ഗുഞ്ജാപുഞ്ജാകലിതനിജപാദാബ്ജവിലുഠത്-
സ്രജി ശ്യാമാകാമാസ്പദപദയുഗേ മേചകരുചി ।
വരാങ്ഗേ ശൃങ്ഗാരം ദധതി ശിഖിനാം പിച്ഛപടലൈഃ
രതിപ്രാദുര്ഭാവോ ഭവതു സതതം ശ്രീപരിവൃഢേ ॥ 7॥
ദുരന്തം ദുഃഖാബ്ധിം ഹസിതസുധയാ ശോഷയതി യോ
യദാസ്യേന്ദുര്ഗോപീനയനനലിനാനന്ദകരണം ।
അനങ്ഗഃ സാങ്ഗത്വം വ്രജതി മമ തസ്മിന് മുരരിപൌ
രതിപ്രാദുര്ഭാവോ ഭവതു സതതം ശ്രീപരിവൃഢേ ॥ 8॥
ഇദം യഃ സ്തോത്രം ശ്രീപരിവൃഢസമീപേ പഠതി വാ
ശൃണോതി ശ്രദ്ധാവാന് രതിപതിപിതുഃ പാദയുഗലേ ।
രതിം പ്രേപ്സുഃ ശശ്വത്കുവലയദലശ്യാമലതനൌ
രതിഃ പ്രാദുര്ഭൂതാ ഭവതി ന ചിരാത്തസ്യ സുദൃഢാ ॥ 9॥
ഇതി ശ്രീവല്ലഭാചാര്യകൃതം ശ്രീപരിവൃഢാഷ്ടകം സമാപ്തം ।