Pashupati Ashtakam in Telugu:
॥ పశుపతి అష్టకమ్ ॥
శివాయ నమః ॥
పశుపతియష్టకమ్ |
పశుపతీన్దుపతిం ధరణీపతిం భుజగలోకపతిం చ సతీపతిమ్ |
ప్రణతభక్తజనార్తిహరం పరం భజత రే మనుజా గిరిజాపతిమ్ ॥ ౧ ॥
న జనకో జననీ న చ సోదరో న తనయో న చ భూరిబలం కులమ్ |
అవతి కోఽపి న కాలవశం గతం భజత రే మనుజా గిరిజాపతిమ్ ॥ ౨ ॥
మురజడిణ్డిమవాద్యవిలక్షణం మధురపఞ్చమనాదవిశారదమ్ |
ప్రమథభూతగణైరపి సేవితం భజత రే మనుజా గిరిజాపతిమ్ ॥ ౩ ॥
శరణదం సుఖదం శరణాన్వితం శివ శివేతి శివేతి నతం నృణామ్ |
అభయదం కరుణావరుణాలయం భజత రే మనుజా గిరిజాపతిమ్ ॥ ౪ ॥
నరశిరోరచితం మణికుణ్డలం భుజగహారముదం వృషభధ్వజమ్ |
చితిరజోధవలీకృతవిగ్రహం భజత రే మనుజా గిరిజాపతిమ్ ॥ ౫ ॥
మఖవినాశకరం శిశిశేఖరం సతతమధ్వరభాజిఫలప్రదమ్ |
ప్రళయదగ్ధసురాసురమానవం భజత రే మనుజా గిరిజాపతిమ్ ॥ ౬ ॥
మదమపాస్య చిరం హృది సంస్థితం మరణజన్మజరామయపీడితమ్ |
జగదుదీక్ష్య సమీపభయాకులం భజత రే మనుజా గిరిజాపతిమ్ ॥ ౭ ॥
హరివిరఞ్చిసురాధిపపూజితం యమజనేశధనేశనమస్కౄతమ్ |
త్రినయనం భువనత్రితయాధిపం భజత రే మనుజా గిరిజాపతిమ్ ॥ ౮ ॥
పశుపతేరిదమష్టకమద్భుతం విరచితం పృథివీపతిసూరిణా |
పఠతి సంశ్రృణుతే మనుజః సదా శివపురీం వసతే లభతే ముదమ్ ॥ ౯ ॥
ఇతి శ్రీపశుపత్యష్టకమ్ సంపూర్ణమ్ ॥
Also Read:
Pashupati Ashtakam Lyrics in English | Marathi | Gujarati | Bengali | Kannada | Malayalam | Telugu
