Templesinindiainfo

Best Spiritual Website

Pathita Siddha Sarasvatastavah Lyrics in Bengali | পঠিতসিদ্ধসারস্বতস্তবঃ

পঠিতসিদ্ধসারস্বতস্তবঃ Lyrics in Bengali:

ব্যাপ্তানন্তসমস্তলোকনিকরৈঙ্কারা সমস্তা স্থিরা-
য়ারাধ্যা গুরুভির্গুরোরপি গুরুদেবৈস্তু য়া বন্দ্যতে ।
দেবানামপি দেবতা বিতরতাত্ বাগ্দেবতা দেবতা
স্বাহান্তঃ ক্ষিপ ওঁ য়তঃ স্তবমুখং য়স্যাঃ স মন্ত্রো বর ॥ ১॥

ওঁ হ্রীং শ্রীপ্রথমা প্রসিদ্ধমহিমা সন্তপ্তচিত্তে হি য়া
সৈং ঐং মধ্যহিতা জগত্ত্রয়হিতা সর্বজ্ঞনাথাহিতা ।
শ্রীঁ ক্লীঁ ব্লীঁ চরমা গুণানুপরমা জায়েত য়স্যা রমা
বিদ্যৈষা বষডিন্দ্রগীঃপতিকরী বাণীং স্তুবে তামহম্ ॥ ২॥

ওঁ কর্ণে ! বরকর্ণভূষিততনুঃ কর্ণেঽথ কর্ণেশ্বরী
হ্রীংস্বাহান্তপদাং সমস্তবিপদাং ছেত্ত্রী পদং সম্পদাম্ ।
সংসারার্ণবতারিণী বিজয়তে বিদ্যাবদাতে শুভে
য়স্যাঃ সা পদবী সদা শিবপুরে দেবীবতংসীকৃতা ॥ ৩॥

সর্বাচারবিচারিণী প্রতরিণী নৌর্বাগ্ভবাব্ধৌ নৄণাং
বীণাবেণুবরক্বণাতিসুভগা দুঃখাদ্রিবিদ্রাবণী ।
সা বাণী প্রবণা মহাগুণগণা ন্যায়প্রবীণাঽমলং
শেতে য়স্তরণী রণীষু নিপুণা জৈনী পুনাতু ধ্রুবম্ ॥ ৪॥

ওঁ হ্রীং বীজমুখা বিধূতবিমুখা সংসেবিতা সন্মুখা
ঐং ক্লীঁ সৌঁ সহিতা সুরেন্দ্রমহিতা বিদ্বজ্জনেভ্যো হিতা ।
বিদ্যা বিস্ফুরতি স্ফুটং হিতরতির্যস্যা বিশুদ্ধা মতিঃ
সা ব্রাহ্মী জিনবক্ত্রবজ্রললনে লীনা তু লীলানু মাম্ ॥ ৫॥

ওঁ অর্হন্মুখপদ্মবাসিনি শুভে ! জ্বালাসহস্রাংশুভে
পাপপ্রক্ষয়কারিণি ! শ্রুতধরে ! পাপং দহত্যা শুভে ।
ক্ষাঁ ক্ষীঁ ক্ষূঁ বরবীজদুগ্ধবলে ! বং বং বহং স্বাবহা
শ্রীবাগ্দেব্যমৃতোদ্ভবে ! য়দি ভবে মে মানসে সা ভবে ॥ ৬॥

হস্তে শর্মদপুস্তিকাং বিদধতী সত্পাত্রকং চাপরং
লোকানাং সুখদং প্রভূতবরদং সজ্জ্ঞানমুদ্রং পরম্ ।
তুভ্যং বালমৃণালকন্দললসল্লীলাবিলোলং করং
প্রখ্যাতা শ্রুতদেবতা বিদধতী সূক্ষ্মং নৃণাং সূনৃতম্ ! ॥ ৭॥

হংসো হংসোতিগর্বং বহতি হি বিধৃতা য়ন্ময়ৈষা ময়ৈষা
য়ন্ত্রং য়ন্ত্রং য়দেতত্ স্ফুটতি সিততরাং সৈব য়ক্ষাবয়ক্ষা ।
সাধ্বী সাধ্বী শিবার্যা প্রবিধৃতভুবনা দুর্ধরা য়া ধরায়া
দেবী দেবীজনার্থ্যা রমতু মম সদা মানসে মানসে সা ॥ ৮॥

স্পষ্টপাঠং পঠত্যেতত্ ধ্যানেন পটুনাষ্টকম্ ।
অজস্রং য়ো জনস্তস্য ভবনয়ুত্তমসম্পদঃ ॥ ৯॥

॥ ইতি সাধ্বীশিবার্যাবিরচিতং পঠিতসিদ্ধসারস্বতস্তবঃ সম্পূর্ণঃ ॥

Pathita Siddha Sarasvatastavah Lyrics in Bengali | পঠিতসিদ্ধসারস্বতস্তবঃ

Leave a Reply

Your email address will not be published. Required fields are marked *

Scroll to top