ପଠିତସିଦ୍ଧସାରସ୍ଵତସ୍ତଵଃ Lyrics in Oriya:
ଵ୍ୟାପ୍ତାନନ୍ତସମସ୍ତଲୋକନିକରୈଙ୍କାରା ସମସ୍ତା ସ୍ଥିରା-
ୟାରାଧ୍ୟା ଗୁରୁଭିର୍ଗୁରୋରପି ଗୁରୁଦେଵୈସ୍ତୁ ୟା ଵନ୍ଦ୍ୟତେ ।
ଦେଵାନାମପି ଦେଵତା ଵିତରତାତ୍ ଵାଗ୍ଦେଵତା ଦେଵତା
ସ୍ଵାହାନ୍ତଃ କ୍ଷିପ ଓଂ ୟତଃ ସ୍ତଵମୁଖଂ ୟସ୍ୟାଃ ସ ମନ୍ତ୍ରୋ ଵର ॥ ୧॥
ଓଂ ହ୍ରୀଂ ଶ୍ରୀପ୍ରଥମା ପ୍ରସିଦ୍ଧମହିମା ସନ୍ତପ୍ତଚିତ୍ତେ ହି ୟା
ସୈଂ ଐଂ ମଧ୍ୟହିତା ଜଗତ୍ତ୍ରୟହିତା ସର୍ଵଜ୍ଞନାଥାହିତା ।
ଶ୍ରୀଁ କ୍ଲୀଁ ବ୍ଲୀଁ ଚରମା ଗୁଣାନୁପରମା ଜାୟେତ ୟସ୍ୟା ରମା
ଵିଦ୍ୟୈଷା ଵଷଡିନ୍ଦ୍ରଗୀଃପତିକରୀ ଵାଣୀଂ ସ୍ତୁଵେ ତାମହମ୍ ॥ ୨॥
ଓଂ କର୍ଣେ ! ଵରକର୍ଣଭୂଷିତତନୁଃ କର୍ଣେଽଥ କର୍ଣେଶ୍ଵରୀ
ହ୍ରୀଂସ୍ଵାହାନ୍ତପଦାଂ ସମସ୍ତଵିପଦାଂ ଛେତ୍ତ୍ରୀ ପଦଂ ସମ୍ପଦାମ୍ ।
ସଂସାରାର୍ଣଵତାରିଣୀ ଵିଜୟତେ ଵିଦ୍ୟାଵଦାତେ ଶୁଭେ
ୟସ୍ୟାଃ ସା ପଦଵୀ ସଦା ଶିଵପୁରେ ଦେଵୀଵତଂସୀକୃତା ॥ ୩॥
ସର୍ଵାଚାରଵିଚାରିଣୀ ପ୍ରତରିଣୀ ନୌର୍ଵାଗ୍ଭଵାବ୍ଧୌ ନୄଣାଂ
ଵୀଣାଵେଣୁଵରକ୍ଵଣାତିସୁଭଗା ଦୁଃଖାଦ୍ରିଵିଦ୍ରାଵଣୀ ।
ସା ଵାଣୀ ପ୍ରଵଣା ମହାଗୁଣଗଣା ନ୍ୟାୟପ୍ରଵୀଣାଽମଲଂ
ଶେତେ ୟସ୍ତରଣୀ ରଣୀଷୁ ନିପୁଣା ଜୈନୀ ପୁନାତୁ ଧ୍ରୁଵମ୍ ॥ ୪॥
ଓଂ ହ୍ରୀଂ ବୀଜମୁଖା ଵିଧୂତଵିମୁଖା ସଂସେଵିତା ସନ୍ମୁଖା
ଐଂ କ୍ଲୀଁ ସୌଁ ସହିତା ସୁରେନ୍ଦ୍ରମହିତା ଵିଦ୍ଵଜ୍ଜନେଭ୍ୟୋ ହିତା ।
ଵିଦ୍ୟା ଵିସ୍ଫୁରତି ସ୍ଫୁଟଂ ହିତରତିର୍ୟସ୍ୟା ଵିଶୁଦ୍ଧା ମତିଃ
ସା ବ୍ରାହ୍ମୀ ଜିନଵକ୍ତ୍ରଵଜ୍ରଲଲନେ ଲୀନା ତୁ ଲୀଲାନୁ ମାମ୍ ॥ ୫॥
ଓଂ ଅର୍ହନ୍ମୁଖପଦ୍ମଵାସିନି ଶୁଭେ ! ଜ୍ଵାଲାସହସ୍ରାଂଶୁଭେ
ପାପପ୍ରକ୍ଷୟକାରିଣି ! ଶ୍ରୁତଧରେ ! ପାପଂ ଦହତ୍ୟା ଶୁଭେ ।
କ୍ଷାଁ କ୍ଷୀଁ କ୍ଷୂଁ ଵରବୀଜଦୁଗ୍ଧଵଲେ ! ଵଂ ଵଂ ଵହଂ ସ୍ଵାଵହା
ଶ୍ରୀଵାଗ୍ଦେଵ୍ୟମୃତୋଦ୍ଭଵେ ! ୟଦି ଭଵେ ମେ ମାନସେ ସା ଭଵେ ॥ ୬॥
ହସ୍ତେ ଶର୍ମଦପୁସ୍ତିକାଂ ଵିଦଧତୀ ସତ୍ପାତ୍ରକଂ ଚାପରଂ
ଲୋକାନାଂ ସୁଖଦଂ ପ୍ରଭୂତଵରଦଂ ସଜ୍ଜ୍ଞାନମୁଦ୍ରଂ ପରମ୍ ।
ତୁଭ୍ୟଂ ବାଲମୃଣାଲକନ୍ଦଲଲସଲ୍ଲୀଲାଵିଲୋଲଂ କରଂ
ପ୍ରଖ୍ୟାତା ଶ୍ରୁତଦେଵତା ଵିଦଧତୀ ସୂକ୍ଷ୍ମଂ ନୃଣାଂ ସୂନୃତମ୍ ! ॥ ୭॥
ହଂସୋ ହଂସୋତିଗର୍ଵଂ ଵହତି ହି ଵିଧୃତା ୟନ୍ମୟୈଷା ମୟୈଷା
ୟନ୍ତ୍ରଂ ୟନ୍ତ୍ରଂ ୟଦେତତ୍ ସ୍ଫୁଟତି ସିତତରାଂ ସୈଵ ୟକ୍ଷାଵୟକ୍ଷା ।
ସାଧ୍ଵୀ ସାଧ୍ଵୀ ଶିଵାର୍ୟା ପ୍ରଵିଧୃତଭୁଵନା ଦୁର୍ଧରା ୟା ଧରାୟା
ଦେଵୀ ଦେଵୀଜନାର୍ଥ୍ୟା ରମତୁ ମମ ସଦା ମାନସେ ମାନସେ ସା ॥ ୮॥
ସ୍ପଷ୍ଟପାଠଂ ପଠତ୍ୟେତତ୍ ଧ୍ୟାନେନ ପଟୁନାଷ୍ଟକମ୍ ।
ଅଜସ୍ରଂ ୟୋ ଜନସ୍ତସ୍ୟ ଭଵନୟୁତ୍ତମସମ୍ପଦଃ ॥ ୯॥
॥ ଇତି ସାଧ୍ଵୀଶିଵାର୍ୟାଵିରଚିତଂ ପଠିତସିଦ୍ଧସାରସ୍ଵତସ୍ତଵଃ ସମ୍ପୂର୍ଣଃ ॥
