Ramapatya Ashtakam Text in Gujarati:
॥ રમાપત્યષ્ટકમ્ ॥
શ્રીગણેશાય નમઃ ॥
જગદાદિમનાદિમજં પુરુષં શરદમ્બરતુલ્યતનું વિતનુમ્ ।
ધૃતકઞ્જરથાઙ્ગગદં વિગદં પ્રણમામિ રમાધિપતિં તમહમ્ ॥ ૧॥
કમલાનનકઞ્જરતં વિરતં હૃદિ યોગિજનૈઃ કલિતં લલિતમ્ ।
કુજનૈઃ સુજનૈરલભં સુલભં પ્રણમામિ રમાધિપતિં તમહમ્ ॥ ૨॥
મુનિવૃન્દહૃદિસ્થપદં સુપદં નિખિલાધ્વરભાગભુજં સુભુજમ્ ।
હૃતવાસવમુખ્યમદં વિમદં પ્રણમામિ રમાધિપતિં તમહમ્ ॥ ૩॥
હૃતદાનવદૃપ્તબલં સુબલં સ્વજનાસ્તસમસ્તમલં વિમલમ્ ।
સમપાસ્ત ગજેન્દ્રદરં સુદરં પ્રણમામિ રમાધિપતિં તમહમ્ ॥ ૪॥
પરિકલ્પિતસર્વકલં વિકલં સકલાગમગીતગુણં વિગુણમ્ ।
ભવપાશનિરાકરણં શરણં પ્રણમામિ રમાધિપતિં તમહમ્ ॥ ૫॥
મૃતિજન્મજરાશમનં કમનં શરણાગતભીતિહરં દહરમ્ ।
પરિતુષ્ટરમાહૃદયં સુદયં પ્રણમામિ રમાધિપતિં તમહમ્ ॥ ૬॥
સકલાવનિબિમ્બધરં સ્વધરં પરિપૂરિતસર્વદિશં સુદૃશમ્ ।
ગતશોકમશોકકરં સુકરં પ્રણમામિ રમાધિપતિં તમહમ્ ॥ ૭॥
મથિતાર્ણવરાજરસં સરસં ગ્રથિતાખિલલોકહૃદં સુહૃદમ્ ।
પ્રથિતાદ્ભુતશક્તિગણં સુગણં પ્રણમામિ રમાધિપતિં તમહમ્ ॥ ૮॥
સુખરાશિકરં ભવબન્ધહરં પરમાષ્ટકમેતદનન્યમતિઃ ।
પઠતીહ તુ યોઽનિશમેવ નરો લભતે ખલુ વિષ્ણુપદં સ પરમ્ ॥ ૯॥
ઇતિ શ્રીપરમહંસસ્વામિબ્રહ્માનન્દવિરચિતં શ્રીરમાપત્યષ્ટકં સમ્પૂર્ણમ્ ॥