Rati Devi Kruta Shiva Stotram in English:
॥ śrī śiva stōtram (ratidēvi kr̥tam) ॥
namaśśivāyāstu nirāmayāya
namaśśivāyāstu manōmayāya |
namaśśivāyāstu surārcitāya
tubhyaṁ sadā bhaktakr̥pāvarāya || 1 ||
namō bhavāyāstu bhavōdbhavāya
namō:’stu tē dhvastamanōbhavāya |
namō:’stu tē gūḍhamahāvratāya
namassvamāyāgahanāśrayāya || 2 ||
namō:’stu śarvāya namaśśivāya
namō:’stu siddhāya purāntakāya |
namō:’stu kālāya namaḥ kalāya
namō:’stu tē jñānavarapradāya || 3 ||
namō:’stu tē kālakalātigāya
namō nisargāmalabhūṣaṇāya |
namō:’stvamēyāndhakamardanāya
namaśśaraṇyāya namō:’guṇāya || 4 ||
namō:’stu tē bhīmaguṇānugāya
namō:’stu nānābhuvanādikartrē |
namō:’stu nānājagatāṁ vidhātrē
namō:’stu tē citraphalaprayōktrē || 5 ||
sarvāvasānē hyavināśanētrē
namō:’stu citrādhvarabhāgabhōktrē |
namō:’stu karmaprabhavasya dhātrē
namassa dhātrē bhavasaṅgahartrē || 6 ||
anantarūpāya sadaiva tubhya-
masahyakōpāya namō:’stu tubhyam |
śaśāṅkacihnāya namō:’stu tubhya-
mamēyamānāya namō:’stu tubhyam || 7 ||
vr̥ṣēndrayānāya purāntakāya
namaḥ prasiddhāya mahauṣadhāya |
namō:’stu bhaktābhimatapradāya
namō:’stu sarvārtiharāya tubhyam || 8 ||
carācarācāravicāravarya-
mācāryamutprēkṣitabhūtasargam |
tvāmindumauliṁ śaraṇaṁ prapannā
priyāpramēyaṁ mahatāṁ mahēśam || 9 ||
prayaccha mē kāmayaśassamr̥ddhiṁ
punaḥ prabhō jīvatu kāmadēvaḥ ||
vaidhavyahartrē bhagavannamastē
priyaṁ vinā tvāṁ priyajīvitēṣu || 10 ||
tvattō paraḥ kō bhuvanēṣvihāsti
prabhuḥ priyāyāḥ prabhavaḥ priyāṇām |
tvamēva caikō bhuvanasya nāthō
dayālurunmīlitabhaktabhītiḥ || 11 ||
iti śrīmatsyapurāṇē ratidēvīkr̥ta śivastōtram |
Also Read:
Rati Devi Krita Shiva Stotram in Sanskrit | English | Kannada | Telugu | Tamil
