সঙ্কষ্টহরণং গণেশাষ্টকম্ অথবা বক্রতুণ্ডস্তোত্রম্ Lyrics in Bengali:
শ্রীগণেশায় নমঃ ।
ওঁ অস্য শ্রীসঙ্কষ্টহরণস্তোত্রমন্ত্রস্য শ্রীমহাগণপতির্দেবতা,
সংকষ্টহরণার্থ জপে বিনিয়োগঃ ।
ওঁ ওঁ ওঁকাররূপং ত্র্যহমিতি চ পরং য়ত্স্বরূপং তুরীয়ং var ওঁকাররূপং হিমকররুচিরং
ত্রৈগুণ্যাতীতনীলং কলয়তি মনসস্তেজ-সিন্দূর-মূর্তিম্ ।
য়োগীন্দ্রৈর্ব্রহ্মরন্ধ্রৈঃ সকল-গুণময়ং শ্রীহরেন্দ্রেণ সঙ্গং
গং গং গং গং গণেশং গজমুখমভিতো ব্যাপকং চিন্তয়ন্তি ॥ ১॥
বং বং বং বিঘ্নরাজং ভজতি নিজভুজে দক্ষিণে ন্যস্তশুণ্ডং
ক্রং ক্রং ক্রং ক্রোধমুদ্রা-দলিত-রিপুবলং কল্পবৃক্ষস্য মূলে ।
দং দং দং দন্তমেকং দধতি মুনিমুখং কামধেন্বা নিষেব্যং
ধং ধং ধং ধারয়ন্তং ধনদমতিঘিয়ং সিদ্ধি-বুদ্ধি-দ্বিতীয়ম্ ॥ ২॥
তুং তুং তুং তুঙ্গরূপং গগনপথি গতং ব্যাপ্নুবন্তং দিগন্তান্
ক্লীং ক্লীং ক্লীং কারনাথং গলিতমদমিলল্লোল-মত্তালিমালম্ ।
হ্রীং হ্রীং হ্রীং কারপিঙ্গং সকলমুনিবর-ধ্যেয়মুণ্ডং চ শুণ্ডং
শ্রীং শ্রীং শ্রীং শ্রীং শ্রয়ন্তং নিখিল-নিধিকুলং নৌমি হেরম্ববিম্বম্ ॥ ৩॥
লৌং লৌং লৌং কারমাদ্যং প্রণবমিব পদং মন্ত্রমুক্তাবলীনাং
শুদ্ধং বিঘ্নেশবীজং শশিকরসদৃশং য়োগিনাং ধ্যানগম্যম্ ।
ডং ডং ডং ডামরূপং দলিতভবভয়ং সূর্যকোটিপ্রকাশং
য়ং য়ং য়ং য়জ্ঞনাথং জপতি মুনিবরো বাহ্যমভ্যন্তরং চ ॥ ৪॥
হুং হুং হুং হেমবর্ণং শ্রুতি-গণিত-গুণং শূর্পকণং কৃপালুং
ধ্যেয়ং সূর্যস্য বিম্বং হ্যুরসি চ বিলসত্ সর্পয়জ্ঞোপবীতম্ ।
স্বাহা হুং ফট্ নমোঽন্তৈষ্ঠ-ঠঠঠ-সহিতৈঃ পল্লবৈঃ সেব্যমানং
মন্ত্রাণাং সপ্তকোটি-প্রগুণিত-মহিমাধারমীশং প্রপদ্যে ॥ ৫॥
পূর্বং পীঠং ত্রিকোণং তদুপরি-রুচিরং ষট্কপত্রং পবিত্রং
য়স্যোর্ধ্বং শুদ্ধরেখা বসুদল কমলং বা স্বতেজশ্চতুস্রম্ ।
মধ্যে হুঙ্কার বীজং তদনু ভগবতঃ স্বাঙ্গষট্কং ষডস্রে
অষ্টৌ শক্তীশ্চ সিদ্ধীর্বহুলগণপতির্বিষ্টরশ্চাঽষ্টকং চ ॥ ৬॥
ধর্মাদ্যষ্টৌ প্রসিদ্ধা দশদিশি বিদিতা বা ধ্বজাল্যঃ কপালং
তস্য ক্ষেত্রাদিনাথং মুনিকুলমখিলং মন্ত্রমুদ্রামহেশম্ ।
এবং য়ো ভক্তিয়ুক্তো জপতি গণপতিং পুষ্প-ধূপা-ঽক্ষতাদ্যৈ-
র্নৈবেদ্যৈর্মোদকানাং স্তুতিয়ুত-বিলসদ্-গীতবাদিত্র-নাদৈঃ ॥ ৭॥
রাজানস্তস্য ভৃত্যা ইব য়ুবতিকুলং দাসবত্ সর্বদাস্তে
লক্ষ্মীঃ সর্বাঙ্গয়ুক্তা শ্রয়তি চ সদনং কিঙ্করাঃ সর্বলোকাঃ ।
পুত্রাঃ পুত্র্যঃ পবিত্রা রণভুবি বিজয়ী দ্যূতবাদেঽপি বীরো
য়স্যেষো বিঘ্নরাজো নিবসতি হৃদয়ে ভক্তিভাগ্যস্য রুদ্রঃ ॥ ৮॥
॥ ইতি সঙ্কষ্টহরণং গণেশাষ্টকং অথবা বক্রতুণ্ডস্তোত্রং সম্পূর্ণম্ ॥
