సఙ్కష్టహరణం గణేశాష్టకమ్ అథవా వక్రతుణ్డస్తోత్రమ్ Lyrics in Telugu:
శ్రీగణేశాయ నమః ।
ఓం అస్య శ్రీసఙ్కష్టహరణస్తోత్రమన్త్రస్య శ్రీమహాగణపతిర్దేవతా,
సంకష్టహరణార్థ జపే వినియోగః ।
ఓం ఓం ఓంకారరూపం త్ర్యహమితి చ పరం యత్స్వరూపం తురీయం var ఓంకారరూపం హిమకరరుచిరం
త్రైగుణ్యాతీతనీలం కలయతి మనసస్తేజ-సిన్దూర-మూర్తిమ్ ।
యోగీన్ద్రైర్బ్రహ్మరన్ధ్రైః సకల-గుణమయం శ్రీహరేన్ద్రేణ సఙ్గం
గం గం గం గం గణేశం గజముఖమభితో వ్యాపకం చిన్తయన్తి ॥ ౧॥
వం వం వం విఘ్నరాజం భజతి నిజభుజే దక్షిణే న్యస్తశుణ్డం
క్రం క్రం క్రం క్రోధముద్రా-దలిత-రిపుబలం కల్పవృక్షస్య మూలే ।
దం దం దం దన్తమేకం దధతి మునిముఖం కామధేన్వా నిషేవ్యం
ధం ధం ధం ధారయన్తం ధనదమతిఘియం సిద్ధి-బుద్ధి-ద్వితీయమ్ ॥ ౨॥
తుం తుం తుం తుఙ్గరూపం గగనపథి గతం వ్యాప్నువన్తం దిగన్తాన్
క్లీం క్లీం క్లీం కారనాథం గలితమదమిలల్లోల-మత్తాలిమాలమ్ ।
హ్రీం హ్రీం హ్రీం కారపిఙ్గం సకలమునివర-ధ్యేయముణ్డం చ శుణ్డం
శ్రీం శ్రీం శ్రీం శ్రీం శ్రయన్తం నిఖిల-నిధికులం నౌమి హేరమ్బబిమ్బమ్ ॥ ౩॥
లౌం లౌం లౌం కారమాద్యం ప్రణవమివ పదం మన్త్రముక్తావలీనాం
శుద్ధం విఘ్నేశబీజం శశికరసదృశం యోగినాం ధ్యానగమ్యమ్ ।
డం డం డం డామరూపం దలితభవభయం సూర్యకోటిప్రకాశం
యం యం యం యజ్ఞనాథం జపతి మునివరో బాహ్యమభ్యన్తరం చ ॥ ౪॥
హుం హుం హుం హేమవర్ణం శ్రుతి-గణిత-గుణం శూర్పకణం కృపాలుం
ధ్యేయం సూర్యస్య బిమ్బం హ్యురసి చ విలసత్ సర్పయజ్ఞోపవీతమ్ ।
స్వాహా హుం ఫట్ నమోఽన్తైష్ఠ-ఠఠఠ-సహితైః పల్లవైః సేవ్యమానం
మన్త్రాణాం సప్తకోటి-ప్రగుణిత-మహిమాధారమీశం ప్రపద్యే ॥ ౫॥
పూర్వం పీఠం త్రికోణం తదుపరి-రుచిరం షట్కపత్రం పవిత్రం
యస్యోర్ధ్వం శుద్ధరేఖా వసుదల కమలం వా స్వతేజశ్చతుస్రమ్ ।
మధ్యే హుఙ్కార బీజం తదను భగవతః స్వాఙ్గషట్కం షడస్రే
అష్టౌ శక్తీశ్చ సిద్ధీర్బహులగణపతిర్విష్టరశ్చాఽష్టకం చ ॥ ౬॥
ధర్మాద్యష్టౌ ప్రసిద్ధా దశదిశి విదితా వా ధ్వజాల్యః కపాలం
తస్య క్షేత్రాదినాథం మునికులమఖిలం మన్త్రముద్రామహేశమ్ ।
ఏవం యో భక్తియుక్తో జపతి గణపతిం పుష్ప-ధూపా-ఽక్షతాద్యై-
ర్నైవేద్యైర్మోదకానాం స్తుతియుత-విలసద్-గీతవాదిత్ర-నాదైః ॥ ౭॥
రాజానస్తస్య భృత్యా ఇవ యువతికులం దాసవత్ సర్వదాస్తే
లక్ష్మీః సర్వాఙ్గయుక్తా శ్రయతి చ సదనం కిఙ్కరాః సర్వలోకాః ।
పుత్రాః పుత్ర్యః పవిత్రా రణభువి విజయీ ద్యూతవాదేఽపి వీరో
యస్యేషో విఘ్నరాజో నివసతి హృదయే భక్తిభాగ్యస్య రుద్రః ॥ ౮॥
॥ ఇతి సఙ్కష్టహరణం గణేశాష్టకం అథవా వక్రతుణ్డస్తోత్రం సమ్పూర్ణమ్ ॥
