Sarva Deva Krutha Sri Lakshmi Stotram in English:
॥ śrī lakṣmī stōtra (sarvadēvakr̥taṁ) ॥
śrī lakṣmī stōtram (sarvadēva kr̥taṁ)
dēvā ūcuḥ-
kṣamasva bhagavatyamba kṣamāśīlē parātparē |
śuddhasattvasvarūpē ca kōpādiparivarjitē || 1 ||
upamē sarvasādhvīnāṁ dēvīnāṁ dēvapūjitē |
tvayā vinā jagatsarvaṁ mr̥tatulyaṁ ca niṣphalam || 2 ||
sarvasampatsvarūpā tvaṁ sarvēṣāṁ sarvarūpiṇī |
rāsēśvaryadhidēvī tvaṁ tvatkalāḥ sarvayōṣitaḥ || 3 ||
kailāsē pārvatī tvaṁ ca kṣīrōdē sindhukanyakā |
svargē ca svargalakṣmīstvaṁ martyalakṣmīśca bhūtalē || 4 ||
vaikuṇṭhē ca mahālakṣmīḥ dēvadēvī sarasvatī |
gaṅgā ca tulasī tvaṁ ca sāvitrī brahmalōkataḥ || 5 ||
kr̥ṣṇaprāṇādhidēvī tvaṁ gōlōkē rādhikā svayam |
rāsē rāsēśvarī tvaṁ ca br̥ndāvana vanē vanē || 6 ||
kr̥ṣṇapriyā tvaṁ bhāṇḍīrē candrā candanakānanē |
virajā campakavanē śataśr̥ṅgē ca sundarī || 7 ||
padmāvatī padmavanē mālatī mālatīvanē |
kundadantī kundavanē suśīlā kētakīvanē || 8 ||
kadambamālā tvaṁ dēvī kadambakānanē:’pi ca |
rājalakṣmīḥ rājagēhē gr̥halakṣmīrgr̥hē gr̥hē || 9 ||
ityuktvā dēvatāssarvāḥ munayō manavastathā |
rurudurnamravadanāḥ śuṣkakaṇṭhōṣṭha tālukāḥ || 10 ||
iti lakṣmīstavaṁ puṇyaṁ sarvadēvaiḥ kr̥taṁ śubham |
yaḥ paṭhētprātarūtthāya sa vai sarvaṁ labhēddhruvam || 11 ||
abhāryō labhatē bhāryāṁ vinītāṁ susutāṁ satīṁ |
suśīlāṁ sundarīṁ ramyāmatisupriyavādinīm || 12 ||
putrapautravatīṁ śuddhāṁ kulajāṁ kōmalāṁ varām |
aputrō labhatē putraṁ vaiṣṇavaṁ cirajīvinam || 13 ||
paramaiśvaryayuktaṁ ca vidyāvantaṁ yaśasvinam |
bhraṣṭarājyō labhēdrājyaṁ bhraṣṭaśrīrlabhatē śriyam || 14 ||
hatabandhurlabhēdbandhuṁ dhanabhraṣṭō dhanaṁ labhēt |
kīrtihīnō labhētkīrtiṁ pratiṣṭhāṁ ca labhēddhruvam || 15 ||
sarvamaṅgaladaṁ stōtram śōkasantāpanāśanam |
harṣānandakaraṁ śaśvaddharmamōkṣasuhr̥tpradam || 16 ||
iti sarva dēva kr̥ta śrī lakṣmī stōtram ||
Also Read:
Sarva Deva Krutha Sri Lakshmi Stotram Lyrics in English | Hindi | Kannada | Telugu | Tamil
