Seethala Ashtakam Lyrics in Malayalam:
॥ ശീതലാഷ്ടകം ॥
അസ്യ ശ്രീശീതലാസ്തോത്രസ്യ മഹാദേവ ഋഷിഃ ।
അനുഷ്ടുപ് ഛന്ദഃ । ശീതലാ ദേവതാ ।
ലക്ഷ്മീര്‍ബീജം । ഭവാനീ ശക്തിഃ ।
സര്‍വവിസ്ഫോടകനിവൃത്യര്‍ഥേ ജപേ വിനിയോഗഃ ॥
ഈശ്വര ഉവാച ।
വന്ദേഽഹം ശീതലാം ദേവീം രാസഭസ്ഥാം ദിഗംബരാം ।
മാര്‍ജനീകലശോപേതാം ശൂര്‍പാലങ്കൃതമസ്തകാം ॥ 1 ॥
വന്ദേഽഹം ശീതലാം ദേവീം സര്‍വരോഗഭയാപഹാം।
യാമാസാദ്യ നിവര്‍തേത വിസ്ഫോടകഭയം മഹത് ॥ 2 ॥
ശീതലേ ശീതലേ ചേതി യോ ബ്രൂയദ്ദാഹപീഡിതഃ ।
വിസ്ഫോടകഭയം ഘോരം ക്ഷിപ്രം തസ്യ പ്രണശ്യതി ॥ 3 ॥
യസ്ത്വാമുദകമധ്യേ തു ധ്യാത്വാ സമ്പൂജയേന്നരഃ ।
വിസ്ഫോടകഭയം ഘോരം ഗൃഹേ തസ്യ ന ജായതേ ॥ 4 ॥
ശീതലേ ജ്വരദഗ്ധസ്യ പൂതിഗന്ധയുതസ്യ ച ।
പ്രണഷ്ടചക്ഷുഷഃ പുംസസ്ത്വാമാഹുര്‍ജീവനൌഷധം ॥ 5 ॥
ശീതലേ തനുജാന്‍ രോഗാന്‍ നൃണാം ഹരസി ദുസ്ത്യജാന്‍ ।
വിസ്ഫോടകവിദീര്‍ണാനാം ത്വമേകാഽമൃതവര്‍ഷിണീ ॥ 6 ॥
ഗലഗണ്ഡഗ്രഹാ രോഗാ യേ ചാന്യേ ദാരുണാ നൃണാം ।
ത്വദനുധ്യാനമാത്രേണ ശീതലേ യാന്തി സങ്ക്ഷയം ॥ 7 ॥
ന മന്ത്രോ നൌഷധം തസ്യ പാപരോഗസ്യ വിദ്യതേ ।
ത്വാമേകാം ശീതലേ ധാത്രീം നാന്യാം പശ്യാമി ദേവതാം ॥ 8 ॥
മൃണാലതന്തുസദൃശീം നാഭിഹൃന്‍മധ്യസംസ്ഥിതാം ।
യസ്ത്വാം സഞ്ചിന്തയേദ്ദേവി തസ്യ മൃത്യുര്‍ന ജായതേ ॥ 9 ॥
അഷ്ടകം ശീതലാദേവ്യാ യോ നരഃ പ്രപഠേത്സദാ ।
വിസ്ഫോടകഭയം ഘോരം ഗൃഹേ തസ്യ ന ജായതേ ॥ 10 ॥
ശ്രോതവ്യം പഠിതവ്യം ച ശ്രദ്ധാഭാക്തിസമന്വിതൈഃ ।
ഉപസര്‍ഗവിനാശായ പരം സ്വസ്ത്യയനം മഹത് ॥ 11 ॥
ശീതലേ ത്വം ജഗന്‍മാതാ ശീതലേ ത്വം ജഗത്പിതാ ।
ശീതലേ ത്വം ജഗദ്ധാത്രീ ശീതലായൈ നമോ നമഃ ॥ 12 ॥
രാസഭോ ഗര്‍ദഭശ്ചൈവ ഖരോ വൈശാഖനന്ദനഃ ।
ശീതലാവാഹനശ്ചൈവ ദൂര്‍വാകന്ദനികൃന്തനഃ ॥ 13 ॥
ഏതാനി ഖരനാമാനി ശീതലാഗ്രേ തു യഃ പഠേത് ।
തസ്യ ഗേഹേ ശിശൂനാം ച ശീതലാരുങ് ന ജായതേ ॥ 14 ॥
ശീതലാഷ്ടകമേവേദം ന ദേയം യസ്യകസ്യചിത് ।
ദാതവ്യം ച സദാ തസ്മൈ ശ്രദ്ധാഭക്തിയുതായ വൈ ॥ 15 ॥
॥ ഇതി ശ്രീസ്കന്ദപുരാണേ ശീതലാഷ്ടകം സമ്പൂര്‍ണം ॥
