Shonadri Natha Ashtakam Lyrics in English:
śivāya rudrāya śivārcitāya mahānubhāvāya maheśvarāya ।
somāya sūkṣmāya sureśvarāya śoṇādrināthāya namaḥśivāya || 1 ||
dikpālanāthāya vibhāvanāya candrārdhacūḍāya sanātanāya ।
saṃsāraduḥkhārṇavatāraṇāya śoṇādrināthāya namaḥśivāya || 2 ||
jagannivāsāya jagaddhitāya senānināthāya jayapradāya ।
pūrṇāya puṇyāya purātanāya śoṇādrināthāya namaḥśivāya || 3 ||
vāgīśavandyāya varapradāya umārdhadehāya gaṇeśvarāya ।
candrārkavaiśvānaralocanāya śoṇādrināthāya namaḥśivāya || 4 ||
rathādhirūḍhāya rasādharāya vedāśvayuktāya vidhistutāya ।
candrārkacakrāya śaśiprabhāya śoṇādrināthāya namaḥśivāya || 5 ||
viriñcisārathyavirājitāya girīndracāpāya girīśvarāya ।
phālāgninetrāya phaṇīśvarāya śoṇādrināthāya namaḥśivāya || 6 ||
govindabāṇāya guṇatrayāya viśvasya nāthāya vṛṣadhvajāya ।
purasya vidhvaṃsanadīkṣitāya śoṇādrināthāya namaḥśivāya || 7 ||
jarādivarjyāya jaṭādharāya acintyarūpāya haripriyāya ।
bhaktasya pāpaughavināśanāya śoṇādrināthāya namaḥśivāya || 8 ||
stutiṃ śoṇācaleśasya paṭhatāṃ sarvasiddhidam ।
sarvasampatpradaṃ puṃsāṃ sevantāṃ sarvato janāḥ || 9 ||
|| śubhamastu ||
