శ్రీబదరీనాథాష్టకమ్ Lyrics in Telugu:
భూ-వైకుణ్ఠ-కృతం వాసం దేవదేవం జగత్పతిమ్।
చతుర్వర్గ-ప్రదాతారం శ్రీబదరీశం నమామ్యహమ్ ॥ ౧॥
తాపత్రయ-హరం సాక్షాత్ శాన్తి-పుష్టి-బల-ప్రదమ్।
పరమానన్ద-దాతారం శ్రీబదరీశం నమామ్యహమ్ ॥ ౨॥
సద్యః పాపక్షయకరం సద్యః కైవల్య-దాయకమ్।
లోకత్రయ-విధాతారం శ్రీబదరీశం నమామ్యహమ్ ॥ ౩॥
భక్త-వాఞ్ఛా-కల్పతరుం కరుణారస-విగ్రహమ్।
భవాబ్ధి-పార-కర్తారం శ్రీబదరీశం నమామ్యహమ్ ॥ ౪॥
సర్వదేవ-స్తుతం సశ్వత్ సర్వ-తీర్థాస్పదం విభుమ్।
లీలయోపాత్త-వపుషం శ్రీబదరీశం నమామ్యహమ్ ॥ ౫॥
అనాదినిధనం కాలకాలం భీమయమచ్యుతమ్।
సర్వాశ్చర్యమయం దేవం శ్రీబదరీశం నమామ్యహమ్ ॥ ౬॥
గన్దమాదన-కూటస్థం నర-నారాయణాత్మకమ్।
బదరీఖణ్డ-మధ్యస్థం శ్రీబదరీశం నమామ్యహమ్ ॥ ౭॥
శత్రూదాసీన-మిత్రాణాం సర్వజ్ఞం సమదర్శినమ్।
బ్రహ్మానన్ద-చిదాభాసం శ్రీబదరీశం నమామ్యహమ్ ॥ ౮॥
శ్రీబద్రీశాష్టకమిదం యః పటేత్ ప్రయతః శుచిః।
సర్వ-పాప-వినిర్ముక్తః స శాన్తిం లభతే పరామ్ ॥ ౯॥
॥ ఓం తత్సత్॥
