ശ്രീബാലകൃഷ്ണാഷ്ടകം Lyrics in Malayalam:
യത്കൃപാദൃഷ്ടിസദ്വൃഷ്ടിസിക്താ ഭക്താ നിരന്തരം ।
ഭവന്തി സുഖിനഃ സ്നിഗ്ധാസ്തം ശ്രീബാലഹരിം ഭജേ ॥ 1॥
പ്രതിപക്ഷക്ഷയാത്ക്ഷോണ്യാമങ്ക്ഷു ജാതം മഹദ്യശഃ ।
യത്കൃപാലേശമാത്രേണ തം ശ്രീബാലഹരിം ഭജേ ॥ 2॥
സ്വീയവിശ്ലേഷജക്ലേശോ നഷ്ടഃ പുഷ്ടഃ സുഖോദിതഃ ।
യത്കൃപാലേശമാത്രേണ തം ശ്രീബാലഹരിം ഭജേ ॥ 3॥
സുസ്ഥിരം സുദൃഢം പൂര്‍ണം പ്രിയം പ്രാപ്യേത സത്വരം ।
യത്കൃപാലേശമാത്രേണ തം ശ്രീബാലഹരിം ഭജേ ॥ 4॥
സുസമ്പദാ സത്കലയാ സദ്വിദ്യാവൃദ്ധിഗാമിനീ ।
യത്കൃപാലേശമാത്രേണ തം ശ്രീബാലഹരിം ഭജേ ॥ 5॥
അനന്യാഽഹൈതുകീ പൂര്‍ണാ സ ഭക്തിഃ സുദൃഢാ ഭവേത് ।
യത്കൃപാലേശമാത്രേണ തം ശ്രീബാലഹരിം ഭജേ ॥ 6॥
ഇയത്താരഹിതോ നിത്യ ആനന്ദഃ പ്രാപ്യതേഽനിശം ।
യത്കൃപാലേശമാത്രേണ തം ശ്രീബാലഹരി ഭജേ ॥ 7॥
ശ്രീവല്ലഭേശപാദാബ്ജേ രതിഃ സ്യാദ്വിമലാ പരാ ।
യത്കൃപാലേശമാത്രേണ തം ശ്രീബാലഹരിം ഭജേ ॥ 8॥
അഷ്ടകം ശ്രീബാലഹരേരിദം മങ്ഗലകൃത്പ്രിയം ।
പഠേദ്വാ ശൃണുയാദ്ഭക്ത്യാ ഫലം വിന്ദേത്സ വാഞ്ഛിതം ॥ 9॥
ഇതി ശ്രീമദ്വല്ലഭാചാര്യചരണൈകതാന-
ശ്രീമദ്ഗോകുലോത്സവാത്മജശ്രീജീവനേശജീവിരചിതം
ശ്രീബാലകൃഷ്ണാഷ്ടകം സമാപ്തം ।
