Ashtaka

Shri Bhairav Ashtakam 2 Lyrics in Malayalam | ശ്രീഭൈരവാഷ്ടകം 2

ശ്രീഭൈരവാഷ്ടകം 2 Lyrics in Malayalam:

॥ ശ്രീഗണേശായ നമഃ ॥

॥ ശ്രീഉമാമഹേശ്വരാഭ്യാം നമഃ ॥

॥ ശ്രീഗുരവേ നമഃ ॥

॥ ശ്രീഭൈരവായ നമഃ ॥

ശ്രീഭൈരവോ രുദ്രമഹേശ്വരോ യോ മഹാമഹാകാല അധീശ്വരോഽഥ ।
യോ ജീവനാഥോഽത്ര വിരാജമാനഃ ശ്രീഭൈരവം തം ശരണം പ്രപദ്യേ ॥ 1॥

പദ്മാസനാസീനമപൂര്‍വരൂപം മഹേന്ദ്രചര്‍മോപരി ശോഭമാനം ।
ഗദാഽബ്ജ പാശാന്വിത ചക്രചിഹ്നം ശ്രീഭൈരവം തം ശരണം പ്രപദ്യേ ॥ 2॥

യോ രക്തഗോരശ്ച ചതുര്‍ഭുജശ്ച പുരഃ സ്ഥിതോദ്ഭാസിത പാനപാത്രഃ ।
ഭുജങ്ഗഭൂയോഽമിതവിക്രമോ യഃ ശ്രീഭൈരവം തം ശരണം പ്രപദ്യേ ॥ 3॥

രുദ്രാക്ഷമാലാ കലികാങ്ഗരൂപം ത്രിപുണ്ഡ്രയുക്തം ശശിഭാല ശുഭ്രം ।
ജടാധരം ശ്വാനവരം മഹാന്തം ശ്രീഭൈരവം തം ശരണം പ്രപദ്യേ ॥ 4॥

യോ ദേവദേവോഽസ്തി പരഃ പവിത്രഃ ഭുക്തിഞ്ച മുക്തിം ച ദദാതി നിത്യം ।
യോഽനന്തരൂപഃ സുഖദോ ജനാനാം ശ്രീഭൈരവം തം ശരണം പ്രപദ്യേ ॥ 5॥

യോ ബിന്ദുനാഥോഽഖിലനാദനാഥഃ ശ്രീഭൈരവീചക്രപനാഗനാഥഃ ।
മഹാദ്ഭൂതോ ഭൂതപതിഃ പരേശഃ ശ്രീഭൈരവം തം ശരണം പ്രപദ്യേ ॥ 6॥

യേ യോഗിനോ ധ്യാനപരാ നിതാന്തം സ്വാന്തഃസ്ഥമീശം ജഗദീശ്വരം വൈ ।
പശ്യന്തി പാരം ഭവസാഗരസ്യ ശ്രീഭൈരവം തം ശരണം പ്രപദ്യേ ॥ 7॥

ധര്‍മധ്വജം ശങ്കരരൂപമേകം ശരണ്യമിത്ഥം ഭുവനേഷു സിദ്ധം ।
ദ്വിജേന്ദ്രപൂജ്യം വിമലം ത്രിനേത്രം ശ്രീഭൈരവം തം ശരണം പ്രപദ്യേ ॥ 8॥

ഭൈരവാഷ്ടകമേതദ് യഃ ശ്രദ്ധാ ഭക്തി സമന്വിതഃ ।
സായം പ്രാതഃ പഠേന്നിത്യം സ യശസ്വീ സുഖീ ഭവേത് ॥ 9॥

॥ ശ്രീഗാര്‍ഗ്യമുനിവിരചിതം ഭൈരവാഷ്ടകം സമ്പൂര്‍ണം ॥