ଶ୍ରୀଭୈରଵାଷ୍ଟକମ୍ ୨ Lyrics in Oriya:
॥ ଶ୍ରୀଗଣେଶାୟ ନମଃ ॥
॥ ଶ୍ରୀଉମାମହେଶ୍ଵରାଭ୍ୟାଂ ନମଃ ॥
॥ ଶ୍ରୀଗୁରଵେ ନମଃ ॥
॥ ଶ୍ରୀଭୈରଵାୟ ନମଃ ॥
ଶ୍ରୀଭୈରଵୋ ରୁଦ୍ରମହେଶ୍ଵରୋ ୟୋ ମହାମହାକାଲ ଅଧୀଶ୍ଵରୋଽଥ ।
ୟୋ ଜୀଵନାଥୋଽତ୍ର ଵିରାଜମାନଃ ଶ୍ରୀଭୈରଵଂ ତଂ ଶରଣଂ ପ୍ରପଦ୍ୟେ ॥ ୧॥
ପଦ୍ମାସନାସୀନମପୂର୍ଵରୂପଂ ମହେନ୍ଦ୍ରଚର୍ମୋପରି ଶୋଭମାନମ୍ ।
ଗଦାଽବ୍ଜ ପାଶାନ୍ଵିତ ଚକ୍ରଚିହ୍ନଂ ଶ୍ରୀଭୈରଵଂ ତଂ ଶରଣଂ ପ୍ରପଦ୍ୟେ ॥ ୨॥
ୟୋ ରକ୍ତଗୋରଶ୍ଚ ଚତୁର୍ଭୁଜଶ୍ଚ ପୁରଃ ସ୍ଥିତୋଦ୍ଭାସିତ ପାନପାତ୍ରଃ ।
ଭୁଜଙ୍ଗଭୂୟୋଽମିତଵିକ୍ରମୋ ୟଃ ଶ୍ରୀଭୈରଵଂ ତଂ ଶରଣଂ ପ୍ରପଦ୍ୟେ ॥ ୩॥
ରୁଦ୍ରାକ୍ଷମାଲା କଲିକାଙ୍ଗରୂପଂ ତ୍ରିପୁଣ୍ଡ୍ରୟୁକ୍ତଂ ଶଶିଭାଲ ଶୁଭ୍ରମ୍ ।
ଜଟାଧରଂ ଶ୍ଵାନଵରଂ ମହାନ୍ତଂ ଶ୍ରୀଭୈରଵଂ ତଂ ଶରଣଂ ପ୍ରପଦ୍ୟେ ॥ ୪॥
ୟୋ ଦେଵଦେଵୋଽସ୍ତି ପରଃ ପଵିତ୍ରଃ ଭୁକ୍ତିଞ୍ଚ ମୁକ୍ତିଂ ଚ ଦଦାତି ନିତ୍ୟମ୍ ।
ୟୋଽନନ୍ତରୂପଃ ସୁଖଦୋ ଜନାନାଂ ଶ୍ରୀଭୈରଵଂ ତଂ ଶରଣଂ ପ୍ରପଦ୍ୟେ ॥ ୫॥
ୟୋ ବିନ୍ଦୁନାଥୋଽଖିଲନାଦନାଥଃ ଶ୍ରୀଭୈରଵୀଚକ୍ରପନାଗନାଥଃ ।
ମହାଦ୍ଭୂତୋ ଭୂତପତିଃ ପରେଶଃ ଶ୍ରୀଭୈରଵଂ ତଂ ଶରଣଂ ପ୍ରପଦ୍ୟେ ॥ ୬॥
ୟେ ୟୋଗିନୋ ଧ୍ୟାନପରା ନିତାନ୍ତଂ ସ୍ଵାନ୍ତଃସ୍ଥମୀଶଂ ଜଗଦୀଶ୍ଵରଂ ଵୈ ।
ପଶ୍ୟନ୍ତି ପାରଂ ଭଵସାଗରସ୍ୟ ଶ୍ରୀଭୈରଵଂ ତଂ ଶରଣଂ ପ୍ରପଦ୍ୟେ ॥ ୭॥
ଧର୍ମଧ୍ଵଜଂ ଶଙ୍କରରୂପମେକଂ ଶରଣ୍ୟମିତ୍ଥଂ ଭୁଵନେଷୁ ସିଦ୍ଧମ୍ ।
ଦ୍ଵିଜେନ୍ଦ୍ରପୂଜ୍ୟଂ ଵିମଲଂ ତ୍ରିନେତ୍ରଂ ଶ୍ରୀଭୈରଵଂ ତଂ ଶରଣଂ ପ୍ରପଦ୍ୟେ ॥ ୮॥
ଭୈରଵାଷ୍ଟକମେତଦ୍ ୟଃ ଶ୍ରଦ୍ଧା ଭକ୍ତି ସମନ୍ଵିତଃ ।
ସାୟଂ ପ୍ରାତଃ ପଠେନ୍ନିତ୍ୟଂ ସ ୟଶସ୍ଵୀ ସୁଖୀ ଭଵେତ୍ ॥ ୯॥
॥ ଶ୍ରୀଗାର୍ଗ୍ୟମୁନିଵିରଚିତଂ ଭୈରଵାଷ୍ଟକଂ ସମ୍ପୂର୍ଣମ୍ ॥