ଶ୍ରୀଭଵମଙ୍ଗଲାଷ୍ଟକମ୍ Lyrics in Oriya:
ଶ୍ରୀରଙ୍ଗଂ କରିଶୈଲମଞ୍ଜନଗିରୀଂ ଶେଷାଦ୍ରିସିଂହାଚଲଂ
ଶ୍ରୀକୂର୍ମଂ ପୁରୁଷୋତ୍ତମଂ ଚ ବଦରୀନାରାୟଣଂ ନୈମିଷମ୍ ।
ଶ୍ରୀମଦ୍ଵାରଵତୀପ୍ରୟାଗମଥୁରାୟୋଧ୍ୟାଗୟାପୁଷ୍କରଂ
ଶାଲଗ୍ରାମଗିରିଂ ନିଷେଵ୍ୟ ରମତେ ରାମାନୁଜୋଽୟଂ ମୁନିଃ ॥ ୧॥
ସର୍ଵେଷାଂ କୃତିନାଂ ଚରନ୍ତି ଗୁରଵଃ କୈଙ୍କର୍ୟନିଷ୍ଠା ହରେଃ
ଶ୍ରୀରାମାନୁଜୟୋଗିନାୟକମଣିଃ ଶ୍ରୀପାଦପଦ୍ମାଲୟାଃ ।
ଭୋଗ୍ୟାଷ୍ଟାକ୍ଷରମନ୍ତ୍ରରତ୍ନଚରମଶ୍ଲୋକାନୁସନ୍ଧାୟିନୋ
ଵନ୍ଦ୍ୟା ଭାଗଵତୋତ୍ତମାଃ ପ୍ରତିଦିନଙ୍କୁର୍ଵନ୍ତୁ ନୋ ମଙ୍ଗଲମ୍ ॥ ୨॥
ସ ଶ୍ରୀମାନ୍ପରମଃପୁମାନଥ ଚତୁର୍ଵ୍ୟୂହାଵତାରସ୍ତତୋ
ଜାତା ଵ୍ୟୂହପରମ୍ପରାଃ ସୁରଚିତାଃ ଶ୍ରୀକେଶଵାଦ୍ୟାଃ ପରାଃ ।
ଏକାମ୍ଭୋନିଧିଶେଷଭୋଗଶୟନନ୍ୟଗ୍ରୋଧପତ୍ରାଶ୍ରୟ-
କ୍ଷୀରୋଦନ୍ଵଦନନ୍ତତଲ୍ପସୁଖଦାଃ କୁର୍ଵନ୍ତୁ ନୋ ମଙ୍ଗଲମ୍ ॥ ୩॥
ଶ୍ରୀରାମାନୁଜୟୋଗିପୂର୍ଣୟମୁନାଵାସ୍ତଵ୍ୟମାଲାଧରାଃ
ନାଥଃ କାରିତନୂଜସୈନ୍ୟପରମାଃ ଶ୍ରୀମାଂଶ୍ଚ ନାରାୟଣଃ ।
ଚଣ୍ଡାଦ୍ୟାଃ କୁମୁଦାଦୟଃ ପରିଜନା ନିତ୍ୟାଶ୍ଚ ମୁକ୍ତାଶ୍ଚ ୟେ
ଶ୍ରୀଵୈକୁଣ୍ଠନିଵାସିନୋଽମରଵରାଃ କୁର୍ଵନ୍ତୁ ନୋ ମଙ୍ଗଲମ୍ ॥ ୪॥
ମତ୍ସ୍ୟଃ-କୂର୍ମ-ଵରାହ-ମାନଵହରିଃ ଶ୍ରୀଵାମନୋ-ଭାର୍ଗଵଃ
ଶ୍ରୀରାମୋ-ବଲଦେଵଦେଵକିସୁତୌ-କଲ୍କୀ ଦଶୈତେ କ୍ରମାତ୍ ।
ଅନ୍ତର୍ୟାମ୍ୟଥ ୟୋଗିନାଂ ହୃଦୟଗୋପ୍ୟର୍ଚ୍ଚାଵତାରାଃ ଶୁଭାଃ
ଶ୍ରୀରଙ୍ଗାଦିସମସ୍ତଧାମନିଲୟାଃ କୁର୍ଵନ୍ତୁ ନୋ ମଙ୍ଗଲମ୍ ॥ ୫॥
ଶ୍ରୀଭୂମିର୍ଵିମଲାଦୟୋ ନଵସୁଧାପଦ୍ମାଧୃତାଃ ଶକ୍ତୟୋ
ଵେଦା ଵେଦଵତୀ ଧରାପି ଚ ମହାଲକ୍ଷ୍ମୀ ସୁକେଶାଲୟା ।
ଦେଵୀ ଭାର୍ଗଵଭାମିନୀ ଜନକଜା ସା ରେଵତୀ ରୁକ୍ମିଣୀ
ଵେଦାଦ୍ୟାଃପ୍ରଭୟାନ୍ଵିତା ଦଶ ରମାଃ କୁର୍ଵନ୍ତୁ ନୋ ମଙ୍ଗଲମ୍ ॥ ୬॥
ଶତ୍ରୁଧ୍ଵଂସି ସୁଦର୍ଶନଂ ସୁଖକରଂ ଶ୍ରୀପାଞ୍ଚଜନ୍ୟସ୍ସଦା
ବାଣାଃ ଶାର୍ଙ୍ଗମମହର୍ଷଜନକଂ କୌମୌଦକୀ ନନ୍ଦକଃ ।
ସତ୍ପଦ୍ମଂ ମୁସଲଂ ହଲଂ ଚ ପରଶୁର୍ଦିଵ୍ୟାୟୁଧାନି ପ୍ରଭୋଃ
ସେନାଧୀଶଖଗେଶଭୋଗିପତୟଃ କୁର୍ଵନ୍ତୁ ନୋ ମଙ୍ଗଲମ୍ ॥ ୭॥
ହଂସୋ ଧର୍ମନିଦର୍ଶନୋ ହରିମୁଖୋ ୟଜ୍ଞଶ୍ଚ ଧନ୍ଵନ୍ତରିଃ
ପାଥୋଽଜୋମିଥୁନୋଦିତୋହରିରଲଙ୍କାରଃ ପୃଥିଵ୍ୟାଃ ପୃଥୁଃ ।
ଆଦ୍ୟୋ ଵେଦମୁଖଶ୍ଚ ଜନ୍ମନିଲୟୋ ନାରାୟଣୋ ଵୈ ଵିରାଟ୍
ଶ୍ଵେତଦ୍ଵୀପନିଵାସିଜୀଵହୃଦୟଃ କୁର୍ଵନ୍ତୁ ନୋ ମଙ୍ଗଲମ୍ ॥ ୮॥
ଵିଷ୍ଵକ୍ସେନମୁନିର୍ହ୍ୟନନ୍ତମୁନୟଃ ଶ୍ରୀସମ୍ପ୍ରଦାୟାଦିମା
ୟେଽନ୍ୟେ ଭୂତଭଵିଷ୍ୟଦୃଶ୍ୟସମୟେ ଶ୍ରୀରଙ୍ଗଭୂଭୂଷଣାଃ ।
ୟେ ଵୈ ଭାଗଵତାଃ ସୁଖା ଦଶଗଣା ଭୃତ୍ୟା ନରା ଵାନରାଃ
ଶ୍ଵେତଦ୍ଵୀପନିଵାସିନୋ ନରଵରାଃକୁର୍ଵନ୍ତୁ ନୋ ମଙ୍ଗଲମ୍ ॥ ୯॥
ଇତ୍ୟୁକ୍ତଂ ଭଵମଙ୍ଗଲାଷ୍ଟକମିଦଂ ସୁଶ୍ଲୋକସଙ୍କୀର୍ତନଂ
ଶ୍ରୀମଦ୍ଭାଗଵତପ୍ରସାଦଜନକଂ ଶ୍ରୀଵେଙ୍କଟେଶେନ ୟତ୍ ।
ଭକ୍ତା ୟେ ପ୍ରପଠନ୍ତି ଶୁଦ୍ଧମନସଃ ପ୍ରୋତ୍ଫୁଲ୍ଲହୃତ୍ପଙ୍କଜା-
ସ୍ତେଷାଂଵାଞ୍ଛିତମଙ୍ଗଲମ୍ପ୍ରକୁରୁତେ ଭକ୍ତିପ୍ରିୟୋ ମାଧଵଃ ॥ ୧୦॥
ଇତି ଶ୍ରୀଭଵମଙ୍ଗଲାଷ୍ଟକଂ ସମ୍ପୂର୍ଣମ୍ ॥
