Templesinindiainfo

Best Spiritual Website

Shri Bhogapuresha Ashtakam Lyrics in Gujarati | શ્રીભોગાપુરેશાષ્ટકમ્

શ્રીભોગાપુરેશાષ્ટકમ્ Lyrics in Gujarati:

શ્રીમદ્ભોગાપુરેશો ભવતુ ભવગુરુર્ભૂતયે મે દયાલુઃ
જ્ઞાનં ભક્તિં વિરક્તિં પ્રદિત શમદમાદ્યઙ્ગજાતં સુખાય ।
સ્તોતું વાઽઽરાધિતું ત્વાં ન ચ મમ સુમતિઃ કલ્યદીનેન્દ્રિયેશૈઃ
સન્માર્ગાદ્ભ્રાન્તિતોઽયં પુરુગુણ દયયા પાહિ ભોગાપુરેશ ॥ ૧॥

મૂઢોઽહં જ્ઞાનહીનસ્તવ પદયુગલે ભક્તિહીનો દુરાત્મા-
થાપિ ત્વામેવ જાને ગુરુવર વચસા સ્વામિનં નાપરં વા ।
તસ્માદસ્મત્કૃતાગઃ ક્ષમય કુરુ કૃપાં સત્ત્વસિન્ધો હનૂમન્
દાસ્યં મે દેહિ નિત્યં દશરથતનયપ્રીત ભોગાપુરેશ ॥ ૨॥

ત્વદ્ધૃત્પદ્માન્તરઙ્ગે સકલગુણગણાલઙ્કૃતાઙ્ગો વિદોષઃ
સ્વામી વેદાન્તવેદ્યો મમ મનસિ તથા વર્તતાં શ્રીમનોજ્ઞઃ ।
શ્રીમદ્ભોગાપુરેશાનિલતનય હિતં મામકં વેત્સિ સર્વં
કિં મે વિજ્ઞાપનીયં સકલમપિ સદા જાનતઃ પૂર્ણશક્તેઃ ॥ ૩॥

રક્ષઃપુત્રપ્રણાશો જલનિધિતરણં દ્રોણગિર્યાહૃતિશ્ચે-
ત્યાદ્યં દુઃસાધ્યકર્મ ત્વયિ કૃતવતિ મે સંશયં યાતિ ચેતઃ ।
યદ્યસ્મન્માનસસ્થપ્રબલતરમહાકામમુખ્યારિનાશો
ભૂયાચ્છીઘ્રં ત્વયાયં સકલમપિ બલં વેદ્મિ તે સત્યમેવ ॥ ૪॥

સર્વાત્મપ્રેરકેશાદ્ભુતબલનિખિલપ્રાણિવૃન્દપ્રવિષ્ટા-
નેકૈ રૂપૈ રમેશં પરિચરસિ હરે વેત્તિ કસ્તે મહત્ત્વમ્ ।
વત્સાનુક્રોશદૃષ્ટિર્ભવતુ મયિ ચિરં સંસૃતિવ્યાધિરુગ્ણે
શ્રીમદ્ભોગાપુરેશાભયદ વિરતિવિજ્ઞાનભક્ત્યાદિપૂર્ણ ॥ ૫॥

ભગ્ને બિમ્બે કદાચિત્ પુનરપિ ગુરુસત્પાણિલબ્ધપ્રતિષ્ઠઃ
સાન્નિધ્યં વ્યઞ્જિતું યો નિહિતદ્યુતિમહાદીપતપ્તો વ્યતાનીત્ ।
સર્વત્રાદ્ધા પતઙ્ગાન્ મુહુરથ સુજનૈઃ પ્રાર્થિતઃ સઞ્જહાર
શ્રીમદ્ભોગાપુરેશં તમખિલફલદં સમ્ભજે પૂર્વજ્યેષ્ઠમ્ ॥ ૬॥

દુર્બુદ્ધિં દુર્વિકારં હર હર હનુમન્ પાપજાલં મદીયં
ત્વત્સેવૈકોપયુક્તાં શ્રિયમપિ દિશ મે યોગ્યતાં નાતિલઙ્ઘ્ય ।
ભૂયો વૃદ્ધિર્યથા સ્યાત્તવ પદયુગલદ્વન્દ્વભક્તેરજસ્રં
નર્તે ત્વાં મે ગતિઃ સ્યાદિતિ ધૃતમનસા પાલય સ્વપ્રપન્નમ્ ॥ ૭॥

ઇષ્ટાનિષ્ટાપ્તિનાશપ્રકટિતનિજસદ્ભક્તિવર્ગાત્મશક્તિઃ
સ્વસ્વાન્તધ્યાતસીતારમણસુચરણો મુક્તિવિઘ્નેભસિંહઃ ।
સ્મૃત્યાશેષાઘહર્તાભિલષિતફલદઃ શેષરુદ્રાદિવન્દ્યઃ
પાયાદ્ભોગાપુરેશશ્ચરણસુરશિરોરત્નમસ્માન્ સુદીનાન્ ॥ ૮॥

શ્રીમદ્ભોગાપુરેશસ્તુતિમિતિ કૃતવાન્ ભક્તિપૂતાન્તરાત્મા
પ્રાણશ્લોકાષ્ટકેન ત્રિદશમુનિસમાદિષ્ટમન્ત્રાઙ્ગજન્મા ।
યસ્તાં ભક્ત્યા સમેતઃ શુચિરિહ પઠતે નિત્યમસ્યાખિલેષ્ટં
દત્વાનિષ્ટં ચ હન્તિ પ્રથિતસુમહિમા પ્રાણિવૃન્દપ્રણેતા ॥ ૯॥

ઇતિ શ્રીભોગાપુરેશાષ્ટકમ્ ।

Shri Bhogapuresha Ashtakam Lyrics in Gujarati | શ્રીભોગાપુરેશાષ્ટકમ્

Leave a Reply

Your email address will not be published. Required fields are marked *

Scroll to top