ശ്രീഭുജങ്ഗപ്രയാതാഷ്ടകം Lyrics in Malayalam:
സുധാധാമനൈജാധരാധാരവേണും കരാഗ്രൈരുദഗ്രൈരതിവ്യഗ്രശീലൈഃ ।
സദാ പൂരയംശ്ചാരയന്‍ഗോവരൂഥാന്‍പുരഃ പ്രാദുരാസ്താം മമാഭീരവീരഃ ॥ 1॥
യശോദായശോദാനദക്ഷാംബുജാക്ഷ പ്രതീപപ്രമാദ പ്രഹാണപ്രവീണ ।
നിജാപാങ്ഗസങ്ഗോദ്ഭവാനങ്ഗഗോപാങ്ഗനാപാങ്ഗനൃത്യാങ്ഗണീഭൂതദേഹ ॥ 2॥
സദാ രാധികാരാധികാസാധകാര്‍ഥ പ്രതാപപ്രസാദപ്രഭോ കൃഷ്ണദേവ ।
അനങ്ഗീകൃതാനങ്ഗസേവ്യന്തരങ്ഗ പ്രവിഷ്ടപ്രതാപാഘഹൃന്‍മേ പ്രസീദ ॥ 3॥
രമാകാന്ത ശാന്ത പ്രതീപാന്ത മേഽതഃ സ്ഥിരീഭൂതപാദാംബുജസ്ത്വം ഭവാശു ।
സദാ കൃഷ്ണകൃഷ്ണേതി നാമ ത്വദീയം വിഭോ ഗൃഹ്ണതോ ഹേ യശോദാകിശോര ॥ 4॥
സ്ഫുരദ്രങ്ഗഭൂമിഷ്ഠമഞ്ചോപവിഷ്ടോച്ഛലച്ഛത്രപക്ഷേ ഭയഞ്ചാനിനീഷോ ।
അലിവ്രാതജുഷ്ടോത്തമസ്രഗ്ധര ശ്രീമനോമന്ദിര ത്വം ഹരേ മേ പ്രസീദ ॥ 5॥
സ്വരസ്മേര കസ്മാത്ത്വമസ്മാന്‍സ്വതോ ന സ്മരസ്യംബുജസ്മേരനേത്രനുകമ്പിന്‍ ।
സ്മിതോദ്ഭാവിതാനങ്ഗഗോപാങ്ഗനാങ്ഗോല്ലസത്സ്വാങ്ഗസത്സങ്ഗ ലംഭേശ പാഹി ॥ 6॥
രമാരാമ രാമാമനോഹാരിവേഷോദ്ധതക്ഷോണിപാലാഘപാപക്ഷയേശ ।
ദരോത്ഫുല്ലപങ്കേരുഹസ്മരേഹാസപ്രപന്നാര്‍തിഹന്നന്ദസൂനോ പ്രസീദ ॥ 7॥
കുരങ്ഗീദൃശാമങ്ഗസങ്ഗേന ശശ്വന്നിജാനന്ദദാനന്ദകന്ദാതികാല ।
കലിദോദ്ഭവോദ്ഭൂതപങ്കേരുഹാക്ഷ സ്വഭക്താനുരക്താക്തപാദ പ്രസാദ ॥ 8॥
ഭുജങ്ഗപ്രയാതാഷ്ടകേനാനുയാതോ ഭുജങ്ഗേ ശയാനം ഹരിം സംസ്തവീതി ।
രതിസ്തസ്യ കൃഷ്ണേ ഭവത്യാശു നിത്യാ കിമന്യൈഃ ഫലൈര്‍ഫല്‍ഗുഭിഃ സേവകസ്യ ॥ 9॥
ഇതി ശ്രീവിട്ഠലേശ്വരരചിതം ഭുജങ്ഗപ്രയാതാഷ്ടകം സമ്പൂര്‍ണം ॥
