ଶ୍ରୀଭୁଵନେଶ୍ଵର୍ୟଷ୍ଟକମ୍ Lyrics in Oriya:
ଅଥ ଶ୍ରୀଭୁଵନେଶ୍ଵର୍ୟଷ୍ଟକମ୍ ।
ଶ୍ରୀଦେଵ୍ୟୁଵାଚ –
ପ୍ରଭୋ ଶ୍ରୀଭୈରଵଶ୍ରେଷ୍ଠ ଦୟାଲୋ ଭକ୍ତଵତ୍ସଲ ।
ଭୁଵନେଶୀସ୍ତଵମ୍ ବ୍ରୂହି ୟଦ୍ୟହନ୍ତଵ ଵଲ୍ଲଭା ॥ ୧॥
ଈଶ୍ଵର ଉଵାଚ –
ଶୃଣୁ ଦେଵି ପ୍ରଵକ୍ଷ୍ୟାମି ଭୁଵନେଶ୍ୟଷ୍ଟକଂ ଶୁଭମ୍ ।
ୟେନ ଵିଜ୍ଞାତମାତ୍ରେଣ ତ୍ରୈଲୋକ୍ୟମଙ୍ଗଲମ୍ଭଵେତ୍ ॥ ୨॥
ଊଂ ନମାମି ଜଗଦାଧାରାଂ ଭୁଵନେଶୀଂ ଭଵପ୍ରିୟାମ୍ ।
ଭୁକ୍ତିମୁକ୍ତିପ୍ରଦାଂ ରମ୍ୟାଂ ରମଣୀୟାଂ ଶୁଭାଵହାମ୍ ॥ ୩॥
ତ୍ଵଂ ସ୍ଵାହା ତ୍ଵଂ ସ୍ଵଧା ଦେଵି ! ତ୍ଵଂ ୟଜ୍ଞା ୟଜ୍ଞନାୟିକା ।
ତ୍ଵଂ ନାଥା ତ୍ଵଂ ତମୋହର୍ତ୍ରୀ ଵ୍ୟାପ୍ୟଵ୍ୟାପକଵର୍ଜିତା ॥ ୪॥
ତ୍ଵମାଧାରସ୍ତ୍ଵମିଜ୍ୟା ଚ ଜ୍ଞାନଜ୍ଞେୟଂ ପରଂ ପଦମ୍ ।
ତ୍ଵଂ ଶିଵସ୍ତ୍ଵଂ ସ୍ଵୟଂ ଵିଷ୍ଣୁସ୍ତ୍ଵମାତ୍ମା ପରମୋଽଵ୍ୟୟଃ ॥ ୫॥
ତ୍ଵଂ କାରଣଞ୍ଚ କାର୍ୟଞ୍ଚ ଲକ୍ଷ୍ମୀସ୍ତ୍ଵଞ୍ଚ ହୁତାଶନଃ ।
ତ୍ଵଂ ସୋମସ୍ତ୍ଵଂ ରଵିଃ କାଲସ୍ତ୍ଵଂ ଧାତା ତ୍ଵଞ୍ଚ ମାରୁତଃ ॥ ୬॥
ଗାୟତ୍ରୀ ତ୍ଵଂ ଚ ସାଵିତ୍ରୀ ତ୍ଵଂ ମାୟା ତ୍ଵଂ ହରିପ୍ରିୟା ।
ତ୍ଵମେଵୈକା ପରାଶକ୍ତିସ୍ତ୍ଵମେଵ ଗୁରୁରୂପଧୃକ୍ ॥ ୭॥
ତ୍ଵଂ କାଲା ତ୍ଵଂ କଲାଽତୀତା ତ୍ଵମେଵ ଜଗତାଂଶ୍ରିୟଃ ।
ତ୍ଵଂ ସର୍ଵକାର୍ୟଂ ସର୍ଵସ୍ୟ କାରଣଂ କରୁଣାମୟି ॥ ୮॥
ଇଦମଷ୍ଟକମାଦ୍ୟାୟା ଭୁଵନେଶ୍ୟା ଵରାନନେ ।
ତ୍ରିସନ୍ଧ୍ୟଂ ଶ୍ରଦ୍ଧୟା ମର୍ତ୍ୟୋ ୟଃ ପଠେତ୍ ପ୍ରୀତମାନସଃ ॥ ୯॥
ସିଦ୍ଧୟୋ ଵଶଗାସ୍ତସ୍ୟ ସମ୍ପଦୋ ଵଶଗା ଗୃହେ ।
ରାଜାନୋ ଵଶମାୟାନ୍ତି ସ୍ତୋତ୍ରସ୍ୟାଽସ୍ୟ ପ୍ରଭାଵତଃ ॥ ୧୦॥
ଭୂତପ୍ରେତପିଶାଚାଦ୍ୟା ନେକ୍ଷନ୍ତେ ତାଂ ଦିଶଂ ଗ୍ରହାଃ ।
ୟଂ ୟଂ କାମଂ ପ୍ରଵାଞ୍ଛେତ ସାଧକଃ ପ୍ରୀତମାନସଃ ॥ ୧୧॥
ତଂ ତମାପ୍ନୋତି କୃପୟା ଭୁଵନେଶ୍ୟା ଵରାନନେ ।
ଅନେନ ସଦୃଶଂ ସ୍ତୋତ୍ରଂ ନ ସମଂ ଭୁଵନତ୍ରୟେ ॥ ୧୨॥
ସର୍ଵସମ୍ପତ୍ପ୍ରଦମିଦଂ ପାଵନାନାଞ୍ଚ ପାଵନମ୍ ।
ଅନେନ ସ୍ତୋତ୍ରଵର୍ୟେଣ ସାଧିତେନ ଵରାନନେ ।
ସମପ୍ଦୋ ଵଶମାୟାନ୍ତି ଭୁଵନେଶ୍ୟାଃ ପ୍ରସାଦତଃ ॥ ୧୩॥
ଇତି ଶ୍ରୀରୁଦ୍ରୟାମଲେ ତନ୍ତ୍ରେ ଶ୍ରୀଭୁଵନେଶ୍ଵର୍ୟଷ୍ଟକଂ ସମ୍ପୂର୍ଣମ୍ ।
