Ashtaka

Shri Dakshinamurti Ashtakam Lyrics in Telugu | శ్రీదక్షిణామూర్త్యష్టకం

శ్రీదక్షిణామూర్త్యష్టకం Lyrics in Telugu:

అగణితగుణగణమప్రమేమాద్యం
సకలజగత్స్థితిసమ్యమాదిహేతుమ్ ।
ఉపరతమనోయోగిహృన్మన్దిరమ్తం
సతతమహం దక్షిణామూర్తిమీడే ॥ ౧॥

నిరవధిసుఖమిష్టదాతారమీడ్యం
నతజనమనస్తాపభేదైకదక్షమ్ ।
భవవిపినదవాగ్నినామధేయం
సతతమహం దక్షిణామూర్తిమీడే ॥ ౨॥

త్రిభువనగురుమాగమైకప్రమాణం
త్రిజగత్కారణసూత్రయోగమాయమ్ ।
రవిశతభాస్వరమీహితప్రధానం
సతతమహం దక్షిణామూర్తిమీడే ॥ ౩॥

అవిరతభవభావనాదిదూరం
పదపద్మద్వయభావినామదూరమ్ ।
భవజలధిసుతారణమఙ్ఘ్రిపోతం
సతతమహం దక్షిణామూర్తిమీడే ॥ ౪॥

కృతనిలయమనిశం వటాకమూలే
నిగమశిఖావ్రాతబోధితైకరూపమ్ ।
ధృతముద్రాఙ్గుళిగమ్యచారురూపం
సతతమహం దక్షిణామూర్తిమీడే ॥ ౫॥

ద్రుహిణసుతపూజితాఙ్ఘ్రిపద్మం
పదపద్మానతమోక్షదానదక్షమ్ ।
కృతగురుకులవాసయోగిమిత్రం
సతతమహం దక్షిణామూర్తిమీడే ॥ ౬॥

యతివరహృదయే సదా విభాన్తం
రతిపతిశతకోటిసున్దరాఙ్గమాద్యమ్ ।
పరహితనిరతాత్మనం సుసేవ్యం
సతతమహం దక్షిణామూర్తిమీడే ॥ ౭॥

స్మితధవళవికాసితాననాబ్జం
శ్రుతిసులభం వృషభాధిరూఢగాత్రమ్ ।
సితజలజసుశోభిదేహకాన్తిం
సతతమహం దక్షిణామూర్తిమీడే ॥ ౮॥

వృషభకృతమిదమిష్టసిద్ధిదం
గురువరదేవసన్నిధౌ పఠేద్యః ।
సకలదురితదుఃఖవర్గహానిం
వ్రజతి చిరం జ్ఞానవాన్ శమ్భులోకమ్ ॥ ౯॥

ఇతి శ్రీదక్షిణామూర్త్యష్టకం సమ్పూర్ణమ్ ।

Ads