ശ്രീദക്ഷിണാമൂര്‍ത്യഷ്ടകം 2 Lyrics in Malayalam:
പായയ ജനമിമമമൃതം ദുര്ലഭമിതരസ്യ ലോകസ്യ ।
നതജനപാരനദീക്ഷിത മേധാധീദക്ഷിണാമൂര്‍തേ ॥ 1॥
സ്തോതും വാ നേതും വാ ജഡവിഷയാസക്തഹൃന്ന ശക്രോമി ।
നൈസര്‍ഗികീ കുരു കൃപാം മയി വടതടവാസ ദക്ഷിണാമൂര്‍തേ ॥ 2॥
സ്ഫുരതു മമ ഹൃദി തനുസ്തേ പുസ്തകമുദ്രാക്ഷമാലികാകുംഭാന്‍ ।
ദധതീ ചന്ദ്രാര്‍ധലസച്ഛീര്‍ഷാ ശ്രീദക്ഷിണാമൂര്‍തേ ॥ 3॥
സഹമാന ദക്ഷിണാനന സഹമാനവിഹീനമത്കമന്തുതതീഃ ।
സഹമാനത്വം ത്യജ വാ യുക്തം കുര്‍വത്ര യദ്വിഭാതി തവ ॥ 4॥
മേധാപ്രജ്ഞേ ജന്‍മമൂകോഽപി ലോകഃ പ്രാപ്നോത്യങ്ഘ്രിം പൂജയന്യസ്യ ലോകേ ।
തം പാദാംഭോജാതനംരാമരാലിം മേധാപ്രജ്ഞാദക്ഷിണാമൂര്‍തിമീഡേ ॥ 5॥
ഗങ്ഗാനിര്‍ഝരിണീ ഹിമാദ്രികുഹരാദ്യദ്വത്സുധാംശോഃ പ്രഭാ
നിര്‍ഗച്ഛത്യതിവേഗതഃ കമപി ച ത്യക്ത്വാ പ്രയത്നം മുഹുഃ ।
തദ്വദ്യത്പദഭക്തവക്ത്രകുഹരാദ്വാണീ ജവാന്നിസരേത്
തം വന്ദേ മുനിവൃന്ദവന്ദ്യചരണം ശ്രീദക്ഷിണാസ്യം മുദാ ॥ 6॥
അപ്പിത്താര്‍കശശാങ്കനേത്രമഗജാസംലിങ്ഗിതാങ്ഗം കൃപാ-
വാരാശിം വിധിവിഷ്ണുമുഖ്യദിവിജൈഃ സംസേവിതാങ്ഘ്രിം മുദാ ।
നന്ദീശപ്രമുഖൈര്‍ഗണൈഃ പരിവൃതം നാഗാസ്യഷഡ്വക്ത്രയു-
ക്പാര്‍ശ്വം നീലഗലം നമാമി വടഭൂരുണ്‍മൂലവാസം ശിവം ॥ 7॥
ശീതാംശുപ്രതിമാനകാന്തിവപുഷം പീതാംബുരാശ്യാദിഭി-
ര്‍മൌനീന്ദ്രൈഃ പരിചിന്ത്യമാനമനിശം മോദാദ്ധൃദംഭോരുഹേ ।
ശാന്താനങ്ഗകടാക്ഷിഭാസിനിടിലം കാന്താര്‍ധകായം വിഭും
വന്ദേ ചിത്രചരിത്രമിന്ദുമുകുടം ന്യഗ്രോധമൂലാശ്രയം ॥ 8॥
ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ശ്രീദക്ഷിണാമൂര്‍ത്യഷ്ടകം സമ്പൂര്‍ണം ।
