ଶ୍ରୀଦାନନିର୍ଵର୍ତନକୁଣ୍ଡାଷ୍ଟକମ୍ Lyrics in Oriya:
ସ୍ଵଦୟିତଗିରିକଚ୍ଛେ ଗଵ୍ୟଦାନାର୍ଥମୁଚ୍ଚୈଃ
କପଟକଲହକେଲିଂ କୁର୍ଵତୋର୍ନଵ୍ୟୟୂନୋଃ ।
ନିଜଜନକୃତଦର୍ପୈଃ ଫୁଲ୍ଲତୋରୀକ୍ଷକେଽସ୍ମି-
ନ୍ସରସି ଭଵତୁ ଵାସୋ ଦାନନିର୍ଵର୍ତନେ ନଃ ॥ ୧॥
ନିଭୃତମଜନି ୟସ୍ମାଦ୍ଦାନନିର୍ଵୃତ୍ତିରସ୍ମି-
ନତ ଇଦମଭିଧାନଂ ପ୍ରାପ ୟତ୍ତତ୍ସଭାୟାମ୍ ।
ରସଵିମୁଖନିଗୂଢେ ତତ୍ର ତଜ୍ଞୈକଵେଦ୍ୟେ
ସରସି ଭଵତୁ ଵାସୋ ଦାନନିର୍ଵର୍ତନେ ନଃ ॥ ୨॥
ଅଭିନଵମଧୁଗନ୍ଧୋନ୍ମତ୍ତରୋଲମ୍ବସଙ୍ଘ
ଧ୍ଵନିଲଲିତସରୋଜଵ୍ରାତସୌରଭ୍ୟଶୀତେ ।
ନଵମଧୁରଖଗାଲୀକ୍ଷ୍ଵେଲିସଞ୍ଚାରକାମ୍ରେ
ସରସି ଭଵତୁ ଵାସୋ ଦାନନିର୍ଵର୍ତନେ ନଃ ॥ ୩॥
ହିମକୁସୁମସୁଵାସସ୍ଫାରପାନୀୟପୂରେ
ରସପରିଲସଦାଲୀଶାଲିନୋର୍ନଵ୍ୟୟୂନୋଃ ।
ଅତୁଲସଲିଲଖେଲାଲବ୍ଧସୌଭାଗ୍ୟଫୁଲ୍ଲେ
ସରସି ଭଵତୁ ଵାସୋ ଦାନନିର୍ଵର୍ତନେ ନଃ ॥ ୪॥
ଦରଵିକସିତପୁଷ୍ପୈର୍ଵାସିତାନ୍ତର୍ଦିଗନ୍ତଃ
ଖଗମଧୁପନିନାଦୈର୍ମୋଦିତପ୍ରାଣିଜାତଃ ।
ପରିତୌପରି ୟସ୍ୟ କ୍ଷ୍ମାରୁହା ଭାନ୍ତି ତସ୍ମି-
ନ୍ସରସି ଭଵତୁ ଵାସୋ ଦାନନିର୍ଵର୍ତନେ ନଃ ॥ ୫॥
ନିଜନିଜନଵକୁଞ୍ଜେ ଗୁଞ୍ଜିରୋଲମ୍ବପୁଞ୍ଜେ
ପ୍ରଣୟିନଵସଖୀଭିଃ ସଂପ୍ରଵେଶ୍ୟ ପ୍ରିୟୌ ତୌ ।
ନିରୁପମନଵରଙ୍ଗସ୍ତନ୍ୟତେ ୟତ୍ର ତସ୍ମି-
ନ୍ସରସି ଭଵତୁ ଵାସୋ ଦାନନିର୍ଵର୍ତନେ ନଃ ॥ ୬॥
ସ୍ଫଟିକସମମତୁଚ୍ଛଂ ୟସ୍ୟ ପାନୀୟମଚ୍ଛଂ
ଖଗନରପଶୁଗୋଭିଃ ସମ୍ପିବନ୍ତୀଭିରୁଚ୍ଚୈଃ ।
ନିଜନିଜଗୁଣଵୃଦ୍ଧିର୍ଲଭ୍ୟତେ ଦ୍ରାଗମୁସ୍ମି-
ନ୍ସରସି ଭଵତୁ ଵାସୋ ଦାନନିର୍ଵର୍ତନେ ନଃ ॥ ୭॥
ସୁରଭିମଧୁରଶୀତଂ ୟତ୍ପୟଃ ପ୍ରତ୍ୟହଂ ତାଃ
ସଖିଗଣପରିଵୀତୋ ଵ୍ୟାହରନ୍ପାୟୟନ୍ଗାଃ ।
ସ୍ଵୟମଥ ପିବତି ଶ୍ରୀଗୋପଚନ୍ଦ୍ରୋଽପି ତସ୍ମି-
ନ୍ସରସି ଭଵତୁ ଵାସୋ ଦାନନିର୍ଵର୍ତନେ ନଃ ॥ ୮॥
ପଠତି ସୁମତିରେତଦ୍ଦାନନିର୍ଵର୍ତନାଖ୍ୟଂ
ପ୍ରଥିତମହିମକୁଣ୍ଡସ୍ୟାଷ୍ଟକଂ ୟୋ ୟତାତ୍ମା ।
ସ ଚ ନିୟତନିଵାସଂ ସୁଷ୍ଠୁ ସଂଲଭ୍ୟ କାଲେ
କଲୟତି କିଲ ରାଧାକୃଷ୍ଣୟୋର୍ଦାନଲୀଲାମ୍ ॥ ୯॥
ଇତି ଶ୍ରୀରଘୁନାଥଦାସଗୋସ୍ଵାମିଵିରଚିତସ୍ତଵାଵଲ୍ୟାଂ
ଶ୍ରୀଦାନନିର୍ଵର୍ତନକୁଣ୍ଡାଷ୍ଟକଂ ସମ୍ପୂର୍ଣମ୍ ।