Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Shri Dananirvartanakundashtakam Lyrics in Telugu | శ్రీదాననిర్వర్తనకుణ్డాష్టకమ్

Shri Dananirvartanakundashtakam Lyrics in Telugu | శ్రీదాననిర్వర్తనకుణ్డాష్టకమ్

64 Views

శ్రీదాననిర్వర్తనకుణ్డాష్టకమ్ Lyrics in Telugu:

స్వదయితగిరికచ్ఛే గవ్యదానార్థముచ్చైః
కపటకలహకేలిం కుర్వతోర్నవ్యయూనోః ।
నిజజనకృతదర్పైః ఫుల్లతోరీక్షకేఽస్మి-
న్సరసి భవతు వాసో దాననిర్వర్తనే నః ॥ ౧॥

నిభృతమజని యస్మాద్దాననిర్వృత్తిరస్మి-
నత ఇదమభిధానం ప్రాప యత్తత్సభాయామ్ ।
రసవిముఖనిగూఢే తత్ర తజ్ఞైకవేద్యే
సరసి భవతు వాసో దాననిర్వర్తనే నః ॥ ౨॥

అభినవమధుగన్ధోన్మత్తరోలమ్బసఙ్ఘ
ధ్వనిలలితసరోజవ్రాతసౌరభ్యశీతే ।
నవమధురఖగాలీక్ష్వేలిసఞ్చారకామ్రే
సరసి భవతు వాసో దాననిర్వర్తనే నః ॥ ౩॥

హిమకుసుమసువాసస్ఫారపానీయపూరే
రసపరిలసదాలీశాలినోర్నవ్యయూనోః ।
అతులసలిలఖేలాలబ్ధసౌభాగ్యఫుల్లే
సరసి భవతు వాసో దాననిర్వర్తనే నః ॥ ౪॥

దరవికసితపుష్పైర్వాసితాన్తర్దిగన్తః
ఖగమధుపనినాదైర్మోదితప్రాణిజాతః ।
పరితౌపరి యస్య క్ష్మారుహా భాన్తి తస్మి-
న్సరసి భవతు వాసో దాననిర్వర్తనే నః ॥ ౫॥

నిజనిజనవకుఞ్జే గుఞ్జిరోలమ్బపుఞ్జే
ప్రణయినవసఖీభిః సంప్రవేశ్య ప్రియౌ తౌ ।
నిరుపమనవరఙ్గస్తన్యతే యత్ర తస్మి-
న్సరసి భవతు వాసో దాననిర్వర్తనే నః ॥ ౬॥

స్ఫటికసమమతుచ్ఛం యస్య పానీయమచ్ఛం
ఖగనరపశుగోభిః సమ్పిబన్తీభిరుచ్చైః ।
నిజనిజగుణవృద్ధిర్లభ్యతే ద్రాగముస్మి-
న్సరసి భవతు వాసో దాననిర్వర్తనే నః ॥ ౭॥

సురభిమధురశీతం యత్పయః ప్రత్యహం తాః
సఖిగణపరివీతో వ్యాహరన్పాయయన్గాః ।
స్వయమథ పిబతి శ్రీగోపచన్ద్రోఽపి తస్మి-
న్సరసి భవతు వాసో దాననిర్వర్తనే నః ॥ ౮॥

పఠతి సుమతిరేతద్దాననిర్వర్తనాఖ్యం
ప్రథితమహిమకుణ్డస్యాష్టకం యో యతాత్మా ।
స చ నియతనివాసం సుష్ఠు సంలభ్య కాలే
కలయతి కిల రాధాకృష్ణయోర్దానలీలామ్ ॥ ౯॥

ఇతి శ్రీరఘునాథదాసగోస్వామివిరచితస్తవావల్యాం
శ్రీదాననిర్వర్తనకుణ్డాష్టకం సమ్పూర్ణమ్ ।

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *