శ్రీదత్తాత్రేయాష్టకమ్ Lyrics in Telugu:
శ్రీదత్తాత్రేయాయ నమః ।
ఆదౌ బ్రహ్మమునీశ్వరం హరిహరం సత్త్వం-రజస్తామసం
బ్రహ్మాణ్డం చ త్రిలోకపావనకరం త్రైమూర్తిరక్షాకరమ్ ।
భక్తానామభయార్థరూపసహితం సోఽహం స్వయం భావయన్
సోఽహం దత్తదిగమ్బరం వసతు మే చిత్తే మహత్సున్దరమ్ ॥ ౧॥
విశ్వం విష్ణుమయం స్వయం శివమయం బ్రహ్మామునీన్ద్రోమయం
బ్రహ్మేన్ద్రాదిసురాగణార్చితమయం సత్యం సముద్రోమయమ్ ।
సప్తం లోకమయం స్వయం జనమయం మధ్యాదివృక్షోమయం
సోఽహం దత్తదిగమ్బరం వసతు మే చిత్తే మహత్సున్దరమ్ ॥ ౨॥
ఆదిత్యాదిగ్రహా స్వధాఋషిగణం వేదోక్తమార్గే స్వయం
వేదం శాస్త్ర-పురాణపుణ్యకథితం జ్యోతిస్వరూపం శివమ్ ।
ఏవం శాస్త్రస్వరూపయా త్రయగుణైస్త్రైలోక్యరక్షాకరం
సోఽహం దత్తదిగమ్బరం వసతు మే చిత్తే మహత్సున్దరమ్ ॥ ౩॥
ఉత్పత్తి-స్థితి-నాశకారణకరం కైవల్యమోక్షప్రదం
కైలాసాదినివాసినం శశిధరం రుద్రాక్షమాలాగలమ్ ।
హస్తే చాప-ధనుఃశరాశ్చ ముసలం ఖట్వాఙ్గచర్మాధరం
సోఽహం దత్తదిగమ్బరం వసతు మే చిత్తే మహత్సున్దరమ్ ॥ ౪॥
శుద్ధం చిత్తమయం సువర్ణమయదం బుద్ధిం ప్రకాశోమయం
భోగ్యం భోగమయం నిరాహతమయం ముక్తిప్రసన్నోమయమ్ ।
దత్తం దత్తమయం దిగమ్బరమయం బ్రహ్మాణ్డసాక్షాత్కరం
సోఽహం దత్తదిగమ్బరం వసతు మే చిత్తే మహత్సున్దరమ్ ॥ ౫॥
సోఽహంరూపమయం పరాత్పరమయం నిఃసఙ్గనిర్లిప్తకం
నిత్యం శుద్ధనిరఞ్జనం నిజగురుం నిత్యోత్సవం మఙ్గలమ్ ।
సత్యం జ్ఞానమనన్తబ్రహ్మహృదయం వ్యాప్తం పరోదైవతం
సోఽహం దత్తదిగమ్బరం వసతు మే చిత్తే మహత్సున్దరమ్ ॥ ౬॥
కాషాయం కరదణ్డధారపురుషం రుద్రాక్షమాలాగలం
భస్మోద్ధూలితలోచనం కమలజం కోల్హాపురీభిక్షణమ్ ।
కాశీస్నానజపాదికం యతిగురుం తన్మాహురీవాసితం
సోఽహం దత్తదిగమ్బరం వసతు మే చిత్తే మహత్సున్దరమ్ ॥ ౭॥
కృష్ణాతీరనివాసినం నిజపదం భక్తార్థసిద్ధిప్రదం
ముక్తిం దత్తదిగమ్బరం యతిగురుం నాస్తీతి లోకాఞ్జనమ్ ।
సత్యం సత్యమసత్యలోకమహిమా ప్రాప్తవ్యభాగ్యోదయం
సోఽహం దత్తదిగమ్బరం వసతు మే చిత్తే మహత్సున్దరమ్ ॥ ౮॥
ఇతి శ్రీమచ్ఛఙ్కరాచార్యవిరచితం శ్రీదత్తాష్టకం సమ్పూర్ణమ్ ।
శ్రీగురుదత్తాత్రేయార్పణమస్తు ।
