Ashtaka

Shri Dayananda Ashtakam Lyrics in Telugu | శ్రీదయానన్దాష్టకమ్

శ్రీదయానన్దాష్టకమ్ Lyrics in Telugu:

ఓం
శ్రీరామజయమ్ ।
ఓం సద్గురుశ్రీత్యాగరాజస్వామినే నమో నమః ।

అథ శ్రీదయానన్దాష్టకమ్ ।
సరస్వతీకృపాపాత్రం దయానన్దసరస్వతీమ్ ।
యతిశ్రేష్ఠగురుం వన్దే దయార్ద్రాక్షం స్మితాననమ్ ॥ ౧॥

వేదాన్తసారసద్బోధం లోకసేవనసువ్రతమ్ ।
దయానన్దగురుం వన్దే దయార్ద్రాక్షకృపాకరమ్ ॥ ౨॥

గీతాసారోపదేశం చ గీతసత్కవితాప్రియమ్ ।
దయానన్దగురుం వన్దే దయాఙ్కితసుభాషితమ్ ॥ ౩॥

అద్వైతబోధకం వన్దే విశిష్టాద్వైతబోధకమ్ ।
దయానన్దగురుం వన్దే దయార్ద్రాననసాన్త్వనమ్ ॥ ౪॥

దయాకూటం తపస్కూటం విద్యాకూటవిరాజకమ్ ।
దయానన్దగురుం వన్దే దయాదిసుగుణాశ్రయమ్ ॥ ౫॥

గఙ్గాతీరప్రబోధం చ గఙ్గాపారతపస్స్థలమ్ ।
దయానన్దగురుం వన్దే దయాగఙ్గాస్రవాస్రవమ్ ॥ ౬॥

పరమార్థగురుం వన్దే తత్త్వబోధనతల్లజమ్ ।
శ్రీదయానన్దశిష్యార్యం శాన్తసత్త్వగుణాస్పదమ్ ॥ ౭॥

భారతశ్రేష్ఠరత్నం చ సర్వలోకసుకీర్తితమ్ ।
దయానన్దగురుం వన్దే అష్టకశ్లోకకీర్తితమ్ ॥ ౮॥

గీతస్తోత్రప్రమోదాయ జ్ఞానాచార్యాయ మఙ్గలమ్ ।
వేదశాస్త్రప్రవీణాయ దయానన్దాయ మఙ్గలమ్ ॥

త్యాగరాజగురుస్వామిశిష్యాపుష్పాభిలేఖనమ్ ।
దయానన్దగురుస్తోత్రం పఠనీయం శుభప్రదమ్ ॥

ఇతి సద్గురుశ్రీత్యాగరాజస్వామినః శిష్యయా భక్తయా పుష్పయా కృతం
శ్రీదయానన్దాష్టకం గురౌ సమర్పితమ్ ।
ఓం శుభమస్తు ।

Add Comment

Click here to post a comment