ശ്രീദേവരാജാഷ്ടകം Lyrics in Malayalam:
ദേവരാജാഷ്ടകം
(കാഞ്ച്യാം വരദരാജ ക്ഷേത്രേ)
നമസ്തേ ഹസ്തിശൈലേശ ശ്രീമന്നംബുജലോചന ।
ശരണം ത്വാം പ്രപന്നോഽസ്മി പ്രണതാര്‍തിഹരാച്യുത ॥ 1॥
സമസ്തപ്രാണിസന്ത്രാണപ്രവീണകരുണോല്‍ബണാഃ ।
വിലസന്തു കടാക്ഷാസ്തേ മയ്യസ്മിന്‍ ജഗതാം പതേ ॥ 2॥
നിന്ദിതാചാരകരണം നിവൃത്തം കൃത്യകര്‍മണഃ ।
പാപീയാംസമമര്യാദം പാഹി മാം വരദ പ്രഭോ ॥ 3॥
സംസാരമരുകാന്താരേ ദുര്‍വ്യാധിവ്യാഘ്രഭീഷിണേ ।
വിഷയക്ഷുദ്രഗുല്‍മാഢ്യേ തൃഷാപാദപശാലിനി ॥ 4॥
പുത്രദാരഗൃഹക്ഷേത്രമൃഗതൃഷ്ണാംബുപുഷ്കലേ ।
കൃത്യാകൃത്യവിവേകാന്ധം പരിഭ്രാന്തമിതസ്തതഃ ॥ 5॥
അജസ്രം ജാതതൃഷ്ണാര്‍തമവസന്നാങ്ഗമക്ഷമം ।
ക്ഷീണശക്തിബലാരോഗ്യം കേവലം ക്ലേശസംശ്രയം ॥ 6॥
സന്തപ്തം വിവിധൈര്‍ദുഃഖൈര്‍ദുര്‍വചൈരേവമാദിഭിഃ ।
ദേവരാജ ദയാസിന്ധോ ദേവദേവ ജഗത്പതേ ॥ 7॥
ത്വദീക്ഷണസുധാസിന്ധുവീചിവിക്ഷേപശീകരൈഃ ।
കാരുണ്യമാരുതാനീതൈശ്ശീതലൈരഭിഷിഞ്ച മാം ॥ 8॥
ഇതി ശ്രീകാഞ്ചീപൂര്‍ണവിരചിതം ദേവരാജാഷ്ടകം സമ്പൂര്‍ണം ।