Templesinindiainfo

Best Spiritual Website

Shri Dinabandhvashtakam Lyrics in Gujarati | શ્રીદીનબન્ધ્વષ્ટકમ્

શ્રીદીનબન્ધ્વષ્ટકમ્ Lyrics in Gujarati:

યસ્માદિદં જગદુદેતિ ચતુર્મુખાદ્યં યસ્મિન્નવસ્થિતમશેષમશેષમૂલે ।
યત્રોપયાતિ વિલયં ચ સમસ્તમન્તે દૃગ્ગોચરો ભવતુ મેઽદ્ય સ દીનબન્ધુઃ ॥ ૧॥

ચક્રં સહસ્રકરચારુ કરારવિન્દે ગુર્વી ગદા દરવરશ્ચ વિભાતિ યસ્ય ।
પક્ષીન્દ્રપૃષ્ઠપરિરોપિતપાદપદ્મો દૃગ્ગોચરો ભવતુ મેઽદ્ય સ દીનબન્ધુઃ ॥ ૨॥

યેનોદ્ધૃતા વસુમતી સલિલે નિમગ્ના નગ્ના ચ પાણ્ડવવધૂઃ સ્થગિતા દુકૂલૈઃ ।
સમ્મોચિતો જલચરસ્ય મુખાદ્ગજેન્દ્રો દૃગ્ગોચરો ભવતુ મેઽદ્ય સ દીનબન્ધુઃ ॥ ૩॥

યસ્યાર્દ્રદૃષ્ટિવશતસ્તુ સુરાઃ સમૃદ્ધિમ્ કોપેક્ષણેન દનુજા વિલયં વ્રજન્તિ ।
ભીતાશ્ચરન્તિ ચ યતોઽર્કયમાનિલાદ્યાઃ દૃગ્ગોચરો ભવતુ મેઽદ્ય સ દીનબન્ધુઃ ॥ ૪॥

ગાયન્તિ સામકુશલા યમજં મખેષુ ધ્યાયન્તિ ધીરમતયો યતયો વિવિક્તે ।
પશ્યન્તિ યોગિપુરુષાઃ પુરુષં શરીરે દૃગ્ગોચરો ભવતુ મેઽદ્ય સ દીનબન્ધુઃ ॥ ૫॥

આકારરૂપગુણયોગવિવર્જિતોઽપિ ભક્તાનુકમ્પનનિમિત્તગૃહીતમૂર્તિઃ ।
યઃ સર્વગોઽપિ કૃતશેષશરીરશય્યો દૃગ્ગોચરો ભવતુ મેઽદ્ય સ દીનબન્ધુઃ ॥ ૬॥

યસ્યાઙ્ઘ્રિપઙ્કજમનિદ્રમુનીન્દ્રવૃન્દૈ- રારાધ્યતે ભવદવાનલદાહશાન્ત્યૈ ।
સર્વાપરાધમવિચિન્ત્ય મમાખિલાત્મા દૃગ્ગોચરો ભવતુ મેઽદ્ય સ દીનબન્ધુઃ ॥ ૭॥

યન્નામકીર્તનપરઃ શ્વપચોઽપિ નૂનં હિત્વાખિલં કલિમલં ભુવનં પુનાતિ ।
દગ્ધ્વા મમાઘમખિલં કરુણેક્ષણેન દૃગ્ગોચરો ભવતુ મેઽદ્ય સ દીનબન્ધુઃ ॥ ૮॥

દીનબન્ધ્વષ્ટકં પુણ્યં બ્રહ્માનન્દેન ભાષિતમ્ ।
યઃ પઠેત્ પ્રયતો નિત્યં તસ્ય વિષ્ણુઃ પ્રસીદતિ ॥ ૯॥

ઇતિ શ્રીપરમહંસસ્વામિબ્રહ્માનન્દવિરચિતં શ્રીદીનબન્ધ્વષ્ટકં સમ્પૂર્ણમ્॥

Shri Dinabandhvashtakam Lyrics in Gujarati | શ્રીદીનબન્ધ્વષ્ટકમ્

Leave a Reply

Your email address will not be published. Required fields are marked *

Scroll to top