శ్రీదీనబన్ధ్వష్టకమ్ Lyrics in Telugu:
యస్మాదిదం జగదుదేతి చతుర్ముఖాద్యం యస్మిన్నవస్థితమశేషమశేషమూలే ।
యత్రోపయాతి విలయం చ సమస్తమన్తే దృగ్గోచరో భవతు మేఽద్య స దీనబన్ధుః ॥ ౧॥
చక్రం సహస్రకరచారు కరారవిన్దే గుర్వీ గదా దరవరశ్చ విభాతి యస్య ।
పక్షీన్ద్రపృష్ఠపరిరోపితపాదపద్మో దృగ్గోచరో భవతు మేఽద్య స దీనబన్ధుః ॥ ౨॥
యేనోద్ధృతా వసుమతీ సలిలే నిమగ్నా నగ్నా చ పాణ్డవవధూః స్థగితా దుకూలైః ।
సమ్మోచితో జలచరస్య ముఖాద్గజేన్ద్రో దృగ్గోచరో భవతు మేఽద్య స దీనబన్ధుః ॥ ౩॥
యస్యార్ద్రదృష్టివశతస్తు సురాః సమృద్ధిమ్ కోపేక్షణేన దనుజా విలయం వ్రజన్తి ।
భీతాశ్చరన్తి చ యతోఽర్కయమానిలాద్యాః దృగ్గోచరో భవతు మేఽద్య స దీనబన్ధుః ॥ ౪॥
గాయన్తి సామకుశలా యమజం మఖేషు ధ్యాయన్తి ధీరమతయో యతయో వివిక్తే ।
పశ్యన్తి యోగిపురుషాః పురుషం శరీరే దృగ్గోచరో భవతు మేఽద్య స దీనబన్ధుః ॥ ౫॥
ఆకారరూపగుణయోగవివర్జితోఽపి భక్తానుకమ్పననిమిత్తగృహీతమూర్తిః ।
యః సర్వగోఽపి కృతశేషశరీరశయ్యో దృగ్గోచరో భవతు మేఽద్య స దీనబన్ధుః ॥ ౬॥
యస్యాఙ్ఘ్రిపఙ్కజమనిద్రమునీన్ద్రవృన్దై- రారాధ్యతే భవదవానలదాహశాన్త్యై ।
సర్వాపరాధమవిచిన్త్య మమాఖిలాత్మా దృగ్గోచరో భవతు మేఽద్య స దీనబన్ధుః ॥ ౭॥
యన్నామకీర్తనపరః శ్వపచోఽపి నూనం హిత్వాఖిలం కలిమలం భువనం పునాతి ।
దగ్ధ్వా మమాఘమఖిలం కరుణేక్షణేన దృగ్గోచరో భవతు మేఽద్య స దీనబన్ధుః ॥ ౮॥
దీనబన్ధ్వష్టకం పుణ్యం బ్రహ్మానన్దేన భాషితమ్ ।
యః పఠేత్ ప్రయతో నిత్యం తస్య విష్ణుః ప్రసీదతి ॥ ౯॥
ఇతి శ్రీపరమహంసస్వామిబ్రహ్మానన్దవిరచితం శ్రీదీనబన్ధ్వష్టకం సమ్పూర్ణమ్॥
