Templesinindiainfo

Best Spiritual Website

Shri Gandharvasamprarthanashtakam Lyrics in Bengali | শ্রীগান্ধর্বাসংপ্রার্থনাষ্টকম্

শ্রীগান্ধর্বাসংপ্রার্থনাষ্টকম্ Lyrics in Bengali:

শ্রীগান্ধর্বাসংপ্রার্থনাষ্টকম্
শ্রীশ্রীগান্ধর্বিকায়ৈ নমঃ ।
বৃন্দাবনে বিহরতোরিহ কিলেকুঞ্জে
মত্তদ্বিপপ্রবরকৌতুকবিভ্রমেণ ।
সন্দর্শয়স্ব য়ুবয়োর্বদনারবিন্দ
দ্বন্দ্বং বিধেহি ময়ি দেবি কৃপাং প্রসীদ ॥ ১॥

হা দেবি কাকুভরগদ্গদয়াদ্য বাচা
য়াচে নিপত্য ভুবি দণ্ডবদুদ্ভটার্তিঃ ।
অস্য প্রসাদমবুধস্য জনস্য কৃত্বা
গান্ধর্বিকে নিজগণে গণনাং বিধেহি ॥ ২॥

শ্যামে রমারমণসুন্দরতাবরিষ্ঠ
সৌন্দর্যমোহিতসমস্তজগজ্জনস্য ।
শ্যামস্য বামভুজবদ্ধতনুং কদাহং
ত্বামিন্দিরাবিরলরূপভরাং ভজামি ॥ ৩॥

ত্বাং প্রচ্ছদেন মুদিরচ্ছবিনা পিধায়
মঞ্জীরমুক্তচরণাং চ বিধায় দেবি ।
কুঞ্জে ব্রজেন্দ্রতনয়েন বিরাজমানে
নক্তং কদা প্রমুদিতামভিসারয়িষ্যে ॥ ৪॥

কুঞ্জে প্রসূনকুলকল্পিতকেলিতল্পে
সংবিষ্টয়োর্মধুরনর্মবিলাসভাজোঃ ।
লোকত্রয়াভরণয়োশ্চরণাম্বুজানি
সংবাহয়িষ্যতি কদা য়ুবয়োর্জনোঽয়ম্ ॥ ৫॥

ত্বত্কুণ্ডরোধসি বিলাসপরিশ্রমেণ
স্বেদাম্বুচুম্বিবদনাম্বুরুহশ্রিয়ো বাম্ ।
বৃন্দাবনেশ্বরি কদা তরুমূলভাজো
সংবীজয়ামি চমরীচয়চামরেণ ॥ ৬॥

লীনাং নিকুঞ্জকুহরে ভবতীং মুকুন্দে
চিত্রৈব সূচিতবতীং রুচিরাক্ষি নাহম্ ।
ভুগ্নাং ভ্রুবং ন রচয়েতি মৃষারুষাং ত্বাং
অগ্রে ব্রজেন্দ্রতনয়স্য কদা নু নেষ্যে ॥ ৭॥

বাগ্যুদ্ধকেলিকুতুকে ব্রজরাজসূনুং
জিত্বোন্মদামধিকদর্পবিকাসিজল্পাম্ ।
ফুল্লাভিরালিভিরনল্পমুদীর্যমাণ
স্তোত্রাং কদা নু ভবতীমবলোকয়িষ্যে ॥ ৮॥

য়ঃ কোঽপি সুষ্ঠু বৃষভানুকুমারিকায়াঃ
সংপ্রার্থনাষ্টকমিদং পঠতি প্রপন্নঃ ।
সা প্রেয়সা সহ সমেত্য ধৃতপ্রমোদা
তত্র প্রসাদলহরীমুররীকরোতি ॥ ৯॥

ইতি শ্রীরূপগোস্বামিবিরচিতস্তবমালায়াং
শ্রীগান্ধর্বাসংপ্রার্থনাষ্টকং সম্পূর্ণম্ ।

Shri Gandharvasamprarthanashtakam Lyrics in Bengali | শ্রীগান্ধর্বাসংপ্রার্থনাষ্টকম্

Leave a Reply

Your email address will not be published. Required fields are marked *

Scroll to top