ശ്രീഗണേശസ്തവരാജഃ Lyrics in Malayalam:
ഗണേശാഷ്ടകം ച ।
ശ്രീഗണേശായ നമഃ । ശ്രീഭഗവാനുവാച ।
ഗണേശസ്യ സ്തവം വക്ഷ്യേ കലൌ ഝടിതി സിദ്ധിദം ।
ന ന്യാസോ ന ച സംസ്കാരോ ന ഹോമോ ന ച തര്‍പണം ॥ 1॥
ന മാര്‍ജനം ച പഞ്ചാശത്സഹസ്രജപമാത്രതഃ ।
സിദ്ധ്യത്യര്‍ചനതഃ പഞ്ചശത-ബ്രാഹ്മണഭോജനാത് ॥ 2॥
അസ്യ ശ്രീഗണേശസ്തവരാജമന്ത്രസ്യ ഭഗവാന്‍ സദാശിവ ഋഷിഃ,
അനുഷ്ടുപ് ഛന്ദഃ, ശ്രീമഹാഗണപതിര്‍ദേവതാ,
ശ്രീമഹാഗണപതിപ്രീത്യര്‍ഥേ ജപേ വിനിയോഗഃ ।
വിനായകൈക-ഭാവനാ-സമര്‍ചനാ-സമര്‍പിതം
പ്രമോദകൈഃ പ്രമോദകൈഃ പ്രമോദ-മോദ-മോദകം ।
യദര്‍പിതം സദര്‍പിതം നവാന്നധാന്യനിര്‍മിതം
ന കണ്ഡിതം ന ഖണ്ഡിതം ന ഖണ്ഡമണ്ഡനം കൃതം ॥ 1॥
സജാതികൃദ്-വിജാതികൃത-സ്വനിഷ്ഠഭേദവര്‍ജിതം
നിരഞ്ജനം ച നിര്‍ഗുണം നിരാകൃതിം ഹ്യനിഷ്ക്രിയം
സദാത്മകം ചിദാത്മകം സുഖാത്മകം പരം പദം
ഭജാമി തം ഗജാനനം സ്വമായയാത്തവിഗ്രഹം ॥2।
ഗണാധിപ! ത്വമഷ്ടമൂര്‍തിരീശസൂനുരീശ്വര-
സ്ത്വമംബരം ച ശംബരം ധനഞ്ജയഃ പ്രഭഞ്ജനഃ ।
ത്വമേവം ദീക്ഷിതഃ ക്ഷിതിര്‍നിശാകരഃ പ്രഭാകര-
ശ്ചരാഽചര-പ്രചാര-ഹേതുരന്തരായ-ശാന്തികൃത് ॥ 3॥
അനേകദം തമാല-നീലമേകദന്ത-സുന്ദരം
ഗജാനനം നമോഽഗജാനനാഽമൃതാബ്ധി-ചന്ദിരം ।
സമസ്ത-വേദവാദസത്കലാ-കലാപ-മന്ദിരം
മഹാന്തരായ-കൃത്തമോഽര്‍കമാശ്രിതോഽന്ദരൂം പരം ॥ 4॥
സരത്നഹേമ-ഘണ്ടികാ-നിനാദ-നുപുരസ്വനൈ-
മൃദങ്ഗ-താലനാദ-ഭേദസാധനാനുരൂപതഃ ।
ധിമി-ദ്ധിമി-ത്തഥോംഗ-ഥോങ്ഗ-ഥൈയി-ഥൈയിശബ്ദതോ
വിനായകഃ ശശാങ്കശേഖരഃ പ്രഹൃഷ്യ നൃത്യതി ॥ 5॥
സദാ നമാമി നായകൈകനായകം വിനായകം
കലാകലാപ-കല്‍പനാ-നിദാനമാദിപരൂഷം ।
ഗണേശ്വരം ഗുണേശ്വരം മഹേശ്വരാത്മസംഭവം
സ്വപാദപദ്മ-സേവിനാ-മപാര-വൈഭവപ്രദം ॥ 6॥
ഭജേ പ്രചണ്ഡ-തുന്ദിലം സദന്ദശൂകഭൂഷണം
സനന്ദനാദി-വന്ദിതം സമസ്ത-സിദ്ധസേവിതം ।
സുരാഽസുരൌഘയോഃ സദാ ജയപ്രദം ഭയപ്രദം
സമസ്തവിഘ്ന-ഘാതിനം സ്വഭക്ത-പക്ഷപാതിനം ॥ 7॥
കരാംബുജാത-കങ്കണഃ പദാബ്ജ-കിങ്കിണോഗണോ
ഗണേശ്വരോ ഗുണാര്‍ണവഃ ഫണീശ്വരാങ്ഗഭൂഷണഃ ।
ജഗത്ത്രയാന്തരായ-ശാന്തികാരകോഽസ്തു താരകോ
ഭവാര്‍ണവസ്ഥ-ഘോരദുര്‍ഗഹാ ചിദേകവിഗ്രഹഃ ॥ 8॥
യോ ഭക്തിപ്രവണശ്ചരാ-ഽചര-ഗുരോഃ സ്തോത്രം ഗണേശാഷ്ടകം
ശുദ്ധഃ സംയതചേതസാ യദി പഠേന്നിത്യം ത്രിസന്ധ്യം പുമാന്‍ ।
തസ്യ ശ്രീരതുലാ സ്വസിദ്ധി-സഹിതാ ശ്രീശാരദാ സര്‍വദാ
സ്യാതാം തത്പരിചാരികേ കില തദാ കാഃ കാമനാനാം കഥാഃ ॥ 9॥
॥ ഇതി ശ്രീരുദ്രയാമലോക്തോ ഗണേശസ്തവരാജഃ സമ്പൂര്‍ണഃ ॥
