Templesinindiainfo

Best Spiritual Website

Shri Ganesha Stavarajaha Lyrics in Telugu | శ్రీగణేశస్తవరాజః

శ్రీగణేశస్తవరాజః Lyrics in Telugu:

గణేశాష్టకమ్ చ ।

శ్రీగణేశాయ నమః । శ్రీభగవానువాచ ।
గణేశస్య స్తవం వక్ష్యే కలౌ ఝటితి సిద్ధిదమ్ ।
న న్యాసో న చ సంస్కారో న హోమో న చ తర్పణమ్ ॥ ౧॥

న మార్జనం చ పఞ్చాశత్సహస్రజపమాత్రతః ।
సిద్ధ్యత్యర్చనతః పఞ్చశత-బ్రాహ్మణభోజనాత్ ॥ ౨॥

అస్య శ్రీగణేశస్తవరాజమన్త్రస్య భగవాన్ సదాశివ ఋషిః,
అనుష్టుప్ ఛన్దః, శ్రీమహాగణపతిర్దేవతా,
శ్రీమహాగణపతిప్రీత్యర్థే జపే వినియోగః ।

వినాయకైక-భావనా-సమర్చనా-సమర్పితం
ప్రమోదకైః ప్రమోదకైః ప్రమోద-మోద-మోదకమ్ ।
యదర్పితం సదర్పితం నవాన్నధాన్యనిర్మితం
న కణ్డితం న ఖణ్డితం న ఖణ్డమణ్డనం కృతమ్ ॥ ౧॥

సజాతికృద్-విజాతికృత-స్వనిష్ఠభేదవర్జితం
నిరఞ్జనం చ నిర్గుణం నిరాకృతిం హ్యనిష్క్రియమ్
సదాత్మకం చిదాత్మకం సుఖాత్మకం పరం పదం
భజామి తం గజాననం స్వమాయయాత్తవిగ్రహమ్ ॥౨।
గణాధిప! త్వమష్టమూర్తిరీశసూనురీశ్వర-
స్త్వమమ్బరం చ శమ్బరం ధనఞ్జయః ప్రభఞ్జనః ।
త్వమేవం దీక్షితః క్షితిర్నిశాకరః ప్రభాకర-
శ్చరాఽచర-ప్రచార-హేతురన్తరాయ-శాన్తికృత్ ॥ ౩॥

అనేకదం తమాల-నీలమేకదన్త-సున్దరం
గజాననం నమోఽగజాననాఽమృతాబ్ధి-చన్దిరమ్ ।
సమస్త-వేదవాదసత్కలా-కలాప-మన్దిరం
మహాన్తరాయ-కృత్తమోఽర్కమాశ్రితోఽన్దరూం పరమ్ ॥ ౪॥

సరత్నహేమ-ఘణ్టికా-నినాద-నుపురస్వనై-
మృదఙ్గ-తాలనాద-భేదసాధనానురూపతః ।
ధిమి-ద్ధిమి-త్తథోంగ-థోఙ్గ-థైయి-థైయిశబ్దతో
వినాయకః శశాఙ్కశేఖరః ప్రహృష్య నృత్యతి ॥ ౫॥

సదా నమామి నాయకైకనాయకం వినాయకం
కలాకలాప-కల్పనా-నిదానమాదిపరూషమ్ ।
గణేశ్వరం గుణేశ్వరం మహేశ్వరాత్మసమ్భవం
స్వపాదపద్మ-సేవినా-మపార-వైభవప్రదమ్ ॥ ౬॥

భజే ప్రచణ్డ-తున్దిలం సదన్దశూకభూషణం
సనన్దనాది-వన్దితం సమస్త-సిద్ధసేవితమ్ ।
సురాఽసురౌఘయోః సదా జయప్రదం భయప్రదం
సమస్తవిఘ్న-ఘాతినం స్వభక్త-పక్షపాతినమ్ ॥ ౭॥

కరామ్బుజాత-కఙ్కణః పదాబ్జ-కిఙ్కిణోగణో
గణేశ్వరో గుణార్ణవః ఫణీశ్వరాఙ్గభూషణః ।
జగత్త్రయాన్తరాయ-శాన్తికారకోఽస్తు తారకో
భవార్ణవస్థ-ఘోరదుర్గహా చిదేకవిగ్రహః ॥ ౮॥

యో భక్తిప్రవణశ్చరా-ఽచర-గురోః స్తోత్రం గణేశాష్టకం
శుద్ధః సంయతచేతసా యది పఠేన్నిత్యం త్రిసన్ధ్యం పుమాన్ ।
తస్య శ్రీరతులా స్వసిద్ధి-సహితా శ్రీశారదా సర్వదా
స్యాతాం తత్పరిచారికే కిల తదా కాః కామనానాం కథాః ॥ ౯॥

॥ ఇతి శ్రీరుద్రయామలోక్తో గణేశస్తవరాజః సమ్పూర్ణః ॥

Shri Ganesha Stavarajaha Lyrics in Telugu | శ్రీగణేశస్తవరాజః

Leave a Reply

Your email address will not be published. Required fields are marked *

Scroll to top