ଶ୍ରୀଵିଷ୍ଣୁକୃତଂ ଶ୍ରୀଗଣେଶାଷ୍ଟକମ୍ Lyrics in Oriya:
ଗଣେଶନାମାଷ୍ଟକମ୍
ନାମାଷ୍ଟକସ୍ତୋତ୍ରମ୍ ଚ
ଶ୍ରୀଵିଷ୍ଣୁରୁଵାଚ ।
ଗଣେଶମେକଦନ୍ତଞ୍ଚ ହେରମ୍ବଂ ଵିଘ୍ନନାୟକମ୍ ।
ଲମ୍ବୋଦରଂ ଶୂର୍ପକର୍ଣଂ ଗଜଵକ୍ତ୍ରଂ ଗୁହାଗ୍ରଜମ୍ ॥
ନାମାଷ୍ଟକାର୍ଥଂ ପୁତ୍ରସ୍ୟ ଶୃଣୁ ମତୋ ହରପ୍ରିୟେ ।
ସ୍ତୋତ୍ରାଣାଂ ସାରଭୂତଞ୍ଚ ସର୍ଵଵିଘ୍ନହରଂ ପରମ୍ ॥
ଜ୍ଞାନାର୍ଥଵାଚକୋ ଗଶ୍ଚ ଣଶ୍ଚ ନିର୍ଵାଣଵାଚକଃ ।
ତୟୋରୀଶଂ ପରଂ ବ୍ରହ୍ମ ଗଣେଶଂ ପ୍ରଣମାମ୍ୟହମ୍ ॥ ୧॥
ଏକଃ ଶବ୍ଦଃ ପ୍ରଧାନାର୍ଥୋ ଦନ୍ତଶ୍ଚ ବଲଵାଚକଃ ।
ବଲଂ ପ୍ରଧାନଂ ସର୍ଵସ୍ମାଦେକଦନ୍ତଂ ନମାମ୍ୟହମ୍ ॥ ୨॥
ଦୀନାର୍ଥଵାଚକୋ ହେଶ୍ଚ ରମ୍ବଃ ପାଲକଵାଚକଃ ।
ପାଲକଂ ଦୀନଲୋକାନାଂ ହେରମ୍ବଂ ପ୍ରଣମାମ୍ୟହମ୍ ॥ ୩॥ ପରିପାଲକଂ ତଂ ଦୀନାନାଂ
ଵିପତ୍ତିଵାଚକୋ ଵିଘ୍ନୋ ନାୟକଃ ଖଣ୍ଡନାର୍ଥକଃ ।
ଵିପତ୍ଖଣ୍ଡନକାରନ୍ତଂ ପ୍ରଣମେ ଵିଘ୍ନନାୟକମ୍ ॥ ୪॥ ନମାମି
ଵିଷ୍ଣୁଦତ୍ତୈଶ୍ଚ ନୈଵେଦ୍ୟୈର୍ୟସ୍ୟ ଲମ୍ବଂ ପୁରୋଦରମ୍ । ଲମ୍ବୋଦରଂ ପୁରା
ପିତ୍ରା ଦତ୍ତୈଶ୍ଚ ଵିଵିଧୈର୍ଵନ୍ଦେ ଲମ୍ବୋଦରଞ୍ଚ ତମ୍ ॥ ୫॥
ଶୂର୍ପାକାରୌ ଚ ୟତ୍କର୍ଣୌ ଵିଘ୍ନଵାରଣକାରକୌ । ଵିଘ୍ନଵାରଣକାରଣୌ
ସମ୍ପଦୌ ଜ୍ଞାନରୂପୌ ଚ ଶୂର୍ପକର୍ଣଂ ନମାମ୍ୟହମ୍ ॥ ୬॥ ସମ୍ପଦାସ୍ଫାଲରୂପୌ
ଵିଷ୍ଣୁପ୍ରସାଦପୁଷ୍ପଞ୍ଚ ୟନ୍ମୂର୍ଧ୍ନି ମୁନିଦତ୍ତକମ୍ ।
ତଦ୍ଗଜେନ୍ଦ୍ରମୁଖଂ କାନ୍ତଂ ଗଜଵକ୍ତ୍ରଂ ନମାମ୍ୟହମ୍ ॥ ୭॥ ତଦ୍ଗଜେନ୍ଦ୍ରଵକ୍ତ୍ରୟୁକ୍ତଂ
ଗୁହସ୍ୟାଗ୍ରେ ଚ ଜାତୋଽୟମାଵିର୍ଭୂତୋ ହରାଲୟେ । ହରଗୃହେ
ଵନ୍ଦେ ଗୁହାଗ୍ରଜଂ ଦେଵଂ ସର୍ଵଦେଵାଗ୍ରପୂଜିତମ୍ ॥ ୮॥
ଏତନ୍ନାମାଷ୍ଟକଂ ଦୁର୍ଗେ ନାନାଶକ୍ତିୟୁତଂ ପରମ୍ ।
ପୁତ୍ରସ୍ୟ ପଶ୍ୟ ଵେଦେ ଚ ତଦା କୋପଂ ଵୃଥା କୁରୁ ॥
ଏତନ୍ନାମାଷ୍ଟକଂ ସ୍ତୋତ୍ରଂ ନାମାର୍ଥସଂୟୁତଂ ଶୁଭମ୍ ।
ତ୍ରିସନ୍ଧ୍ୟଂ ୟଃ ପଠେନ୍ନିତ୍ୟଂ ସ ସୁଖୀ ସର୍ଵତୋ ଜୟୀ ॥
ତତୋ ଵିଘ୍ନାଃ ପଲାୟନ୍ତେ ଵୈନତେୟାଦ୍ୟଥୋରଗାଃ ।
ଗଣେଶ୍ଵରପ୍ରସାଦେନ ମହାଜ୍ଞାନୀ ଭଵେଦ୍ଧ୍ରୁଵମ୍ ॥
ପୁତ୍ରାର୍ଥୀଂ ଲଭତେ ପୁତ୍ରଂ ଭାର୍ୟାର୍ଥୀଂ ଵିପୁଲାଂ ସ୍ତ୍ରିୟାମ୍ ।
ମହାଜଡଃ କଵୀନ୍ଦ୍ରଶ୍ଚ ଵିଦ୍ୟାଵାଂଶ୍ଚ ଭଵେଦ୍ଧ୍ରୁଵମ୍ ॥
ଇତି ବ୍ରହ୍ମଵୈଵର୍ତେ ଵିଷ୍ଣୁପଦିଷ୍ଟଂ ଗଣେଶନାମାଷ୍ଟକଂ
ସ୍ତୋତ୍ରଂ ସମ୍ପୂର୍ଣମ୍ ॥
