શ્રીગણેશાષ્ટકમ્ Lyrics in Gujarati:
શ્રીગણેશાય નમઃ ।
ગણપતિ-પરિવારં ચારુકેયૂરહારં
ગિરિધરવરસારં યોગિનીચક્રચારમ્ ।
ભવ-ભય-પરિહારં દુઃખ-દારિદ્રય-દૂરં
ગણપતિમભિવન્દે વક્રતુણ્ડાવતારમ્ ॥ ૧॥
અખિલમલવિનાશં પાણિના ધ્વસ્તપાશં var હસ્તપાશં
કનકગિરિનિકાશં સૂર્યકોટિપ્રકાશમ્ ।
ભવભવગિરિનાશં માલતીતીરવાસં
ગણપતિમભિવન્દે માનસે રાજહંસમ્ ॥ ૨॥
વિવિધ-મણિ-મયૂખૈઃ શોભમાનં વિદૂરૈઃ
કનક-રચિત-ચિત્રં કણ્ઠદેશેવિચિત્રં ।
દધતિ વિમલહારં સર્વદા યત્નસારં
ગણપતિમભિવન્દે વક્રતુણ્ડાવતારમ્ ॥ ૩॥
દુરિતગજમમન્દં વારણીં ચૈવ વેદં
વિદિતમખિલનાદં નૃત્યમાનન્દકન્દમ્ ।
દધતિ શશિસુવક્ત્રં ચાઽઙ્કુશં યો વિશેષં
ગણપતિમભિવન્દે સર્વદાઽઽનન્દકન્દમ્ ॥ ૪॥
ત્રિનયનયુતભાલે શોભમાને વિશાલે
મુકુટ-મણિ-સુઢાલે મૌક્તિકાનાં ચ જાલે ।
ધવલકુસુમમાલે યસ્ય શીર્ષ્ણઃ સતાલે
ગણપતિમભિવન્દે સર્વદા ચક્રપાણિમ્ ॥ ૫॥
વપુષિ મહતિ રૂપં પીઠમાદૌ સુદીપં
તદુપરિ રસકોણં યસ્ય ચોર્ધ્વં ત્રિકોણમ્ ।
ગજમિતદલપદ્મં સંસ્થિતં ચારુછદ્મં
ગણપતિમભિવન્દે કલ્પવૃક્ષસ્ય વૃન્દે ॥ ૬॥
વરદવિશદશસ્તં દક્ષિણં યસ્ય હસ્તં
સદયમભયદં તં ચિન્તયે ચિત્તસંસ્થમ્ ।
શબલકુટિલશુણ્ડં ચૈકતુણ્ડં દ્વિતુણ્ડં
ગણપતિમભિવન્દે સર્વદા વક્રતુણ્ડમ્ ॥ ૭॥
કલ્પદ્રુમાધઃસ્થિત-કામધેનું
ચિન્તામણિં દક્ષિણપાણિશુણ્ડમ્ ।
બિભ્રાણમત્યદ્ભુતચિત્તરૂપં યઃ
પૂજયેત્ તસ્ય સમસ્તસિદ્ધિઃ ॥ ૮॥
વ્યાસાષ્ટકમિદં પુણ્યં ગણેશસ્તવનં નૃણામ્ ।
પઠતાં દુઃખનાશાય વિદ્યાં સંશ્રિયમશ્નુતે ॥ ૯॥
॥ ઇતિ શ્રીપદ્મપુરાણે ઉત્તરખણ્ડે વ્યાસવિરચિતં ગણેશાષ્ટકં સમ્પૂર્ણમ્ ॥
