শ্রীগর্বাপহারাষ্টকম্ Lyrics in Bengali:
স্থূলং বিলোক্য বপুরাত্মভুবাং সমূহং
জায়াং ধনানি কুপথে পতিতানি ভূয়ঃ ।
কিং তোষমেষি মনসা সকলং সমাপ্তে
পুণ্যে বৃথা তব ভবিষ্যতি মূঢবুদ্ধে ॥ ১॥
ঈশং ভজান্ধ বিনিয়ুঙ্ক্ষ্য বন্ধনানি তত্র
সাধূন্সমর্চ পরিপূজয় বিপ্রবৃন্দম্ ।
দীনান্ দয়ায়ুতদৃশা পরিপশ্য নিত্যম্
নেয়ং দশা তব দশাননতো বিশিষ্টা ॥ ২॥
ধনানি সঙ্গৃহ্য নিগৃহ্য রসং বিগৃহ্য নিগৃহ্য লোকং পরিগৃহ্য মোহে ।
দেহং বৃথা পুষ্টমিমং বিধায় ন সাধবো মূঢ সভাজিতাঃ কিম্ ॥ ৩॥
ন নম্রতা কৃষ্ণজনেঽতিকৃষ্ণধনে পরং নৈব দয়াতিদীনে ।
কুটুম্বপোষৈকমতে সদা ন তে বিধেহি বুদ্ধৌ চ বিমর্ষমন্তঃ ॥ ৪॥
নৈতে হয়া নৈব রথা ন চোষ্ট্রা ন বারণা নেতরবাহনানি ।
বিহায় দেহং সময়ে গতে তে পরম্প্রপাতস্য ত সাধনানি ॥ ৫॥
কৃষ্ণস্য মায়ামবগত্য মায়া সমূঢতান্তং হৃদয়ে বিধায় ।
তদর্থমেবাখিললৌকিকং তে বিদেহিরে বৈদিকমপ্যশেষম্ ॥ ৬॥
আয়ুঃ প্রয়াতি ন হি য়াতি সুতাদিরাত্মা
রায়োঽখিলা অপি বিহায় মৃতং ব্রজন্তি ।
ইত্থং বিচিন্ত্য বিষয়েষু বিসৃজ্য সক্তিং
ভক্তিং হরেঃ কুরু পরাং করুণার্ণবস্য ॥ ৭॥
বিধায় মহদাশ্রয়ং সমবহায় সক্তিং সৃতে-
র্নিধায় চরণাম্বুজং হৃদি হরেঃ সুখং সংবিশ ।
কিমর্থমতিচঞ্চলং প্রকুরুষে মনঃ সম্পদো
বিলোক্য ন হিতাশ্চলাঃ সুখয়িতুং ক্ষমা দুর্মদ ॥ ৮॥
ইতি শ্রীহরিরায়গ্রথিতং শ্রীগর্বাপহারাষ্টকং সমাপ্তম্ ॥
