ಶ್ರೀಗರ್ವಾಪಹಾರಾಷ್ಟಕಮ್ Lyrics in Kannada:
ಸ್ಥೂಲಂ ವಿಲೋಕ್ಯ ವಪುರಾತ್ಮಭುವಾಂ ಸಮೂಹಂ
ಜಾಯಾಂ ಧನಾನಿ ಕುಪಥೇ ಪತಿತಾನಿ ಭೂಯಃ ।
ಕಿಂ ತೋಷಮೇಷಿ ಮನಸಾ ಸಕಲಂ ಸಮಾಪ್ತೇ
ಪುಣ್ಯೇ ವೃಥಾ ತವ ಭವಿಷ್ಯತಿ ಮೂಢಬುದ್ಧೇ ॥ 1॥
ಈಶಂ ಭಜಾನ್ಧ ವಿನಿಯುಂಕ್ಷ್ಯ ಬನ್ಧನಾನಿ ತತ್ರ
ಸಾಧೂನ್ಸಮರ್ಚ ಪರಿಪೂಜಯ ವಿಪ್ರವೃನ್ದಮ್ ।
ದೀನಾನ್ ದಯಾಯುತದೃಶಾ ಪರಿಪಶ್ಯ ನಿತ್ಯಮ್
ನೇಯಂ ದಶಾ ತವ ದಶಾನನತೋ ವಿಶಿಷ್ಟಾ ॥ 2॥
ಧನಾನಿ ಸಂಗೃಹ್ಯ ನಿಗೃಹ್ಯ ರಸಂ ವಿಗೃಹ್ಯ ನಿಗೃಹ್ಯ ಲೋಕಂ ಪರಿಗೃಹ್ಯ ಮೋಹೇ ।
ದೇಹಂ ವೃಥಾ ಪುಷ್ಟಮಿಮಂ ವಿಧಾಯ ನ ಸಾಧವೋ ಮೂಢ ಸಭಾಜಿತಾಃ ಕಿಮ್ ॥ 3॥
ನ ನಮ್ರತಾ ಕೃಷ್ಣಜನೇಽತಿಕೃಷ್ಣಧನೇ ಪರಂ ನೈವ ದಯಾತಿದೀನೇ ।
ಕುಟುಮ್ಬಪೋಷೈಕಮತೇ ಸದಾ ನ ತೇ ವಿಧೇಹಿ ಬುದ್ಧೌ ಚ ವಿಮರ್ಷಮನ್ತಃ ॥ 4॥
ನೈತೇ ಹಯಾ ನೈವ ರಥಾ ನ ಚೋಷ್ಟ್ರಾ ನ ವಾರಣಾ ನೇತರವಾಹನಾನಿ ।
ವಿಹಾಯ ದೇಹಂ ಸಮಯೇ ಗತೇ ತೇ ಪರಮ್ಪ್ರಪಾತಸ್ಯ ತ ಸಾಧನಾನಿ ॥ 5॥
ಕೃಷ್ಣಸ್ಯ ಮಾಯಾಮವಗತ್ಯ ಮಾಯಾ ಸಮೂಢತಾನ್ತಂ ಹೃದಯೇ ವಿಧಾಯ ।
ತದರ್ಥಮೇವಾಖಿಲಲೌಕಿಕಂ ತೇ ವಿದೇಹಿರೇ ವೈದಿಕಮಪ್ಯಶೇಷಮ್ ॥ 6॥
ಆಯುಃ ಪ್ರಯಾತಿ ನ ಹಿ ಯಾತಿ ಸುತಾದಿರಾತ್ಮಾ
ರಾಯೋಽಖಿಲಾ ಅಪಿ ವಿಹಾಯ ಮೃತಂ ವ್ರಜನ್ತಿ ।
ಇತ್ಥಂ ವಿಚಿನ್ತ್ಯ ವಿಷಯೇಷು ವಿಸೃಜ್ಯ ಸಕ್ತಿಂ
ಭಕ್ತಿಂ ಹರೇಃ ಕುರು ಪರಾಂ ಕರುಣಾರ್ಣವಸ್ಯ ॥ 7॥
ವಿಧಾಯ ಮಹದಾಶ್ರಯಂ ಸಮವಹಾಯ ಸಕ್ತಿಂ ಸೃತೇ-
ರ್ನಿಧಾಯ ಚರಣಾಮ್ಬುಜಂ ಹೃದಿ ಹರೇಃ ಸುಖಂ ಸಂವಿಶ ।
ಕಿಮರ್ಥಮತಿಚಂಚಲಂ ಪ್ರಕುರುಷೇ ಮನಃ ಸಮ್ಪದೋ
ವಿಲೋಕ್ಯ ನ ಹಿತಾಶ್ಚಲಾಃ ಸುಖಯಿತುಂ ಕ್ಷಮಾ ದುರ್ಮದ ॥ 8॥
ಇತಿ ಶ್ರೀಹರಿರಾಯಗ್ರಥಿತಂ ಶ್ರೀಗರ್ವಾಪಹಾರಾಷ್ಟಕಂ ಸಮಾಪ್ತಮ್ ॥
