శ్రీగర్వాపహారాష్టకమ్ Lyrics in Telugu:
స్థూలం విలోక్య వపురాత్మభువాం సమూహం
జాయాం ధనాని కుపథే పతితాని భూయః ।
కిం తోషమేషి మనసా సకలం సమాప్తే
పుణ్యే వృథా తవ భవిష్యతి మూఢబుద్ధే ॥ ౧॥
ఈశం భజాన్ధ వినియుఙ్క్ష్య బన్ధనాని తత్ర
సాధూన్సమర్చ పరిపూజయ విప్రవృన్దమ్ ।
దీనాన్ దయాయుతదృశా పరిపశ్య నిత్యమ్
నేయం దశా తవ దశాననతో విశిష్టా ॥ ౨॥
ధనాని సఙ్గృహ్య నిగృహ్య రసం విగృహ్య నిగృహ్య లోకం పరిగృహ్య మోహే ।
దేహం వృథా పుష్టమిమం విధాయ న సాధవో మూఢ సభాజితాః కిమ్ ॥ ౩॥
న నమ్రతా కృష్ణజనేఽతికృష్ణధనే పరం నైవ దయాతిదీనే ।
కుటుమ్బపోషైకమతే సదా న తే విధేహి బుద్ధౌ చ విమర్షమన్తః ॥ ౪॥
నైతే హయా నైవ రథా న చోష్ట్రా న వారణా నేతరవాహనాని ।
విహాయ దేహం సమయే గతే తే పరమ్ప్రపాతస్య త సాధనాని ॥ ౫॥
కృష్ణస్య మాయామవగత్య మాయా సమూఢతాన్తం హృదయే విధాయ ।
తదర్థమేవాఖిలలౌకికం తే విదేహిరే వైదికమప్యశేషమ్ ॥ ౬॥
ఆయుః ప్రయాతి న హి యాతి సుతాదిరాత్మా
రాయోఽఖిలా అపి విహాయ మృతం వ్రజన్తి ।
ఇత్థం విచిన్త్య విషయేషు విసృజ్య సక్తిం
భక్తిం హరేః కురు పరాం కరుణార్ణవస్య ॥ ౭॥
విధాయ మహదాశ్రయం సమవహాయ సక్తిం సృతే-
ర్నిధాయ చరణామ్బుజం హృది హరేః సుఖం సంవిశ ।
కిమర్థమతిచఞ్చలం ప్రకురుషే మనః సమ్పదో
విలోక్య న హితాశ్చలాః సుఖయితుం క్షమా దుర్మద ॥ ౮॥
ఇతి శ్రీహరిరాయగ్రథితం శ్రీగర్వాపహారాష్టకం సమాప్తమ్ ॥
