শ্রীগিরিধার্যষ্টকম্ Lyrics in Bengali:
ত্র্যৈলোক্যলক্ষ্মীমদভৃত্সুরেশ্বরো য়দা ঘনৈরন্তকরৈর্ববর্ষ হ ।
তদাকরোদ্যঃ স্ববলেন রক্ষণং তং গোপবালং গিরিধারিণং ব্রজে ॥ ১॥
য়ঃ পায়য়ন্তীমধিরুহ্য পূতনাং স্তন্যং পপৌ প্রাণপরায়ণঃ শিশুঃ ।
জঘান বাতায়িতদৈত্যপুঙ্গবং তং গোপবালং গিরিধারিণং ব্রজে ॥ ২॥
নন্দব্রজং য়ঃ স্বরুচেন্দিরালয়ং চক্রে দিবীশাং দিবি মোহবৃদ্ধয়ে ।
গোগোপগোপীজনসর্বসৌখ্যকৃত্তং গোপবালং গিরিধারিণং ব্রজে ॥ ৩॥
য়ং কামদোগ্ঘ্রী গগনাহৃতৈর্জলৈঃ স্বজ্ঞাতিরাজ্যে মুদিতাভ্যষিঞ্চত্ ।
গোবিন্দনামোত্সবকৃদ্ব্রজৌকসাং তং গোপবালং গিরিধারিণং ভজে ॥ ৪॥
য়স্যাননাব্জং ব্রজসুন্দরীজনা দিনক্ষয়ে লোচনষট্পদৈর্মুদা ।
পিবন্ত্যধীরা বিরহাতুরা ভৃশং তং গোপবালং গিরিধারিণং ভজে ॥ ৫॥
বৃন্দাবনে নির্জরবৃন্দবন্দিতে গাশ্চারয়ন্যঃ কলবেণুনিঃস্বনঃ ।
গোপাঙ্গনাচিত্তবিমোহমন্মথস্তং গোপবালং গিরিধারিণং ভজে ॥ ৬॥
য়ঃ স্বাত্মলীলারসদিত্সয়া সতামাবিশ্চকারাঽগ্নিকুমারবিগ্রহম্ ।
শ্রীবল্লভাধ্বানুসৃতৈকপালকস্তং গোপবালং গিরিধারিণং ভজে ॥ ৭॥
গোপেন্দ্রসূনোর্গিরিধারিণোঽষ্টকং পঠেদিদংয়স্তদনন্যমানসঃ ।
সমুচ্যতে দুঃখমহার্ণবাদ্ভৃশং প্রাপ্নোতি দাস্যং গিরিধারিণে ধ্রুবম্ ॥ ৮॥
প্রণম্য সম্প্রার্থয়তে তবাগ্রতস্ত্বদঙ্ঘ্রিরেণুং রঘুনাথনামকঃ ।
শ্রীবিঠ্ঠ্লানুগ্রহলব্ধসন্মতিস্তত্পূরয়ৈতস্য মনোরথার্ণবম্ ॥ ৯॥
॥ ইতি শ্রীরঘুনাথপ্রভুকৃতং সমাপ্তমিদং শ্রীগিরিরাজধার্যষ্টকম্ ॥
