ಶ್ರೀಗಿರಿಧಾರ್ಯಷ್ಟಕಮ್ Lyrics in Kannada:
ತ್ರ್ಯೈಲೋಕ್ಯಲಕ್ಷ್ಮೀಮದಭೃತ್ಸುರೇಶ್ವರೋ ಯದಾ ಘನೈರನ್ತಕರೈರ್ವವರ್ಷ ಹ ।
ತದಾಕರೋದ್ಯಃ ಸ್ವಬಲೇನ ರಕ್ಷಣಂ ತಂ ಗೋಪಬಾಲಂ ಗಿರಿಧಾರಿಣಂ ವ್ರಜೇ ॥ 1॥
ಯಃ ಪಾಯಯನ್ತೀಮಧಿರುಹ್ಯ ಪೂತನಾಂ ಸ್ತನ್ಯಂ ಪಪೌ ಪ್ರಾಣಪರಾಯಣಃ ಶಿಶುಃ ।
ಜಘಾನ ವಾತಾಯಿತದೈತ್ಯಪುಂಗವಂ ತಂ ಗೋಪಬಾಲಂ ಗಿರಿಧಾರಿಣಂ ವ್ರಜೇ ॥ 2॥
ನನ್ದವ್ರಜಂ ಯಃ ಸ್ವರುಚೇನ್ದಿರಾಲಯಂ ಚಕ್ರೇ ದಿವೀಶಾಂ ದಿವಿ ಮೋಹವೃದ್ಧಯೇ ।
ಗೋಗೋಪಗೋಪೀಜನಸರ್ವಸೌಖ್ಯಕೃತ್ತಂ ಗೋಪಬಾಲಂ ಗಿರಿಧಾರಿಣಂ ವ್ರಜೇ ॥ 3॥
ಯಂ ಕಾಮದೋಗ್ಘ್ರೀ ಗಗನಾಹೃತೈರ್ಜಲೈಃ ಸ್ವಜ್ಞಾತಿರಾಜ್ಯೇ ಮುದಿತಾಭ್ಯಷಿಂಚತ್ ।
ಗೋವಿನ್ದನಾಮೋತ್ಸವಕೃದ್ವ್ರಜೌಕಸಾಂ ತಂ ಗೋಪಬಾಲಂ ಗಿರಿಧಾರಿಣಂ ಭಜೇ ॥ 4॥
ಯಸ್ಯಾನನಾಬ್ಜಂ ವ್ರಜಸುನ್ದರೀಜನಾ ದಿನಕ್ಷಯೇ ಲೋಚನಷಟ್ಪದೈರ್ಮುದಾ ।
ಪಿಬನ್ತ್ಯಧೀರಾ ವಿರಹಾತುರಾ ಭೃಶಂ ತಂ ಗೋಪಬಾಲಂ ಗಿರಿಧಾರಿಣಂ ಭಜೇ ॥ 5॥
ವೃನ್ದಾವನೇ ನಿರ್ಜರವೃನ್ದವನ್ದಿತೇ ಗಾಶ್ಚಾರಯನ್ಯಃ ಕಲವೇಣುನಿಃಸ್ವನಃ ।
ಗೋಪಾಂಗನಾಚಿತ್ತವಿಮೋಹಮನ್ಮಥಸ್ತಂ ಗೋಪಬಾಲಂ ಗಿರಿಧಾರಿಣಂ ಭಜೇ ॥ 6॥
ಯಃ ಸ್ವಾತ್ಮಲೀಲಾರಸದಿತ್ಸಯಾ ಸತಾಮಾವಿಶ್ಚಕಾರಾಽಗ್ನಿಕುಮಾರವಿಗ್ರಹಮ್ ।
ಶ್ರೀವಲ್ಲಭಾಧ್ವಾನುಸೃತೈಕಪಾಲಕಸ್ತಂ ಗೋಪಬಾಲಂ ಗಿರಿಧಾರಿಣಂ ಭಜೇ ॥ 7॥
ಗೋಪೇನ್ದ್ರಸೂನೋರ್ಗಿರಿಧಾರಿಣೋಽಷ್ಟಕಂ ಪಠೇದಿದಂಯಸ್ತದನನ್ಯಮಾನಸಃ ।
ಸಮುಚ್ಯತೇ ದುಃಖಮಹಾರ್ಣವಾದ್ಭೃಶಂ ಪ್ರಾಪ್ನೋತಿ ದಾಸ್ಯಂ ಗಿರಿಧಾರಿಣೇ ಧ್ರುವಮ್ ॥ 8॥
ಪ್ರಣಮ್ಯ ಸಮ್ಪ್ರಾರ್ಥಯತೇ ತವಾಗ್ರತಸ್ತ್ವದಂಘ್ರಿರೇಣುಂ ರಘುನಾಥನಾಮಕಃ ।
ಶ್ರೀವಿಠ್ಠ್ಲಾನುಗ್ರಹಲಬ್ಧಸನ್ಮತಿಸ್ತತ್ಪೂರಯೈತಸ್ಯ ಮನೋರಥಾರ್ಣವಮ್ ॥ 9॥
॥ ಇತಿ ಶ್ರೀರಘುನಾಥಪ್ರಭುಕೃತಂ ಸಮಾಪ್ತಮಿದಂ ಶ್ರೀಗಿರಿರಾಜಧಾರ್ಯಷ್ಟಕಮ್ ॥
