ശ്രീഗിരിരാജധാര്യഷ്ടകം Lyrics in Malayalam:
ഭക്താഭിലാഷാചരിതാനുസാരീ ദുഗ്ധാദിചൌര്യേണ യശോവിസാരീ ।
കുമാരതാനന്ദിതഘോഷനാരീ മമ പ്രഭുഃ ശ്രീഗിരിരാജധാരീ ॥ 1॥
വ്രജാങ്ഗനാവൃന്ദസദാവിഹാരീ അങ്ഗൈര്‍ഗൃഹാങ്ഗാരതമോഽപഹാരീ ।
ക്രീഡാരസാവേശതമോഽഭിസാരീ മമ പ്രഭുഃ ശ്രീഗിരിരാജധാരീ ॥ 2॥
വേണുസ്വനാനന്ദിതപന്നഗാരീ രസാതലാനൃത്യപദപ്രചാരീ ।
ക്രീഡന്വയസ്യാകൃതിദൈത്യമാരീ മമ പ്രഭുഃ ശ്രീഗിരിരാജധാരീ ॥ 3॥
പുലിന്ദദാരാഹിതശംബരാരീ രമാസദോദാരദയാപ്രകാരീ ।
ഗോവര്‍ധനേ കന്ദഫലോപഹാരീ മമ പ്രഭുഃ ശ്രീഗിരിരാജധാരീ ॥ 4॥
കലിന്ദജാകൂലദുകൂലഹാരീ കുമാരികാകാമകലാവിതാരീ ।
വൃന്ദാവനേ ഗോധനവൃന്ദചാരീ മമ പ്രഭുഃ ശ്രീഗിരിരാജധാരീ ॥ 5॥
വ്രജേന്ദ്രസര്‍വാധികശര്‍മകാരീ മഹേന്ദ്രഗര്‍വാധികഗര്‍വഹാരീ ।
വൃന്ദാവനേ കന്ദഫലോപഹാരീ മമ പ്രഭുഃ ശ്രീഗിരിരാജധാരീ ॥ 6॥
മനഃകലാനാഥതമോവിദാരീ വംശീരവാകാരിതതത്കുമാരിഃ ।
രാസോത്സവോദ്വേല്ലരസാബ്ധിമാരീ മമ പ്രഭുഃ ശ്രീഗിരിരാജധാരീ ॥ 7॥
മത്തദ്വിപോദ്ദാമഗതാനുകാരീ ലുഠത്പ്രസൂനാപ്രപദീനഹാരീ ।
രാമോരസസ്പര്‍ശകരപ്രസാരീ മമ പ്രഭുഃ ശ്രീഗിരിരാജധാരീ ॥ 8॥
ഇതി ശ്രീമദ്വല്ലഭാചാര്യവിരചിതം ശ്രീഗിരിരാജധാര്യഷ്ടകം സമ്പൂര്‍ണം ।
