ଶ୍ରୀଗୋକୁଲେଶାଷ୍ଟକମ୍ ୩ Lyrics in Oriya:
ୟତିଵଶଧରଣୀଶେ ଧର୍ମଲୋପପ୍ରଵୃତ୍ତେ
ହରିଚରଣସହାୟୋ ୟଃ ସ୍ଵଧର୍ମଂ ଜୁଗୋପ ।
ଵିହିତଭଜନଭାରୋ ଧର୍ମରକ୍ଷାଵତାରଃ
ସ ଜଗତି ଜୟତି ଶ୍ରୀଵଲ୍ଲଭୋ ଗୋକୁଲେଶଃ ॥ ୧॥
ଅସଦୁଦିତଵିଦାରୀ ଵେଦଵାଦାନୁସାରୀ
ୟଦୁଚିତହିତକାରୀ ଭକ୍ତିମାର୍ଗପ୍ରଚାରୀ ।
ରୁଚିରତିଲକଧାରୀ ମାଲଧାରୀ ତୁଲସ୍ୟାଃ
ସ ଜୟତି ଜୟତି ଶ୍ରୀଵଲ୍ଲଭୋ ଗୋକୁଲେଶଃ ॥ ୨॥
ବହୁଵିଧିଜନନର୍ମପ୍ରୋକ୍ତିବାଣୈରଧର୍ମଃ
ପ୍ରକଟମୟତି ମର୍ମସ୍ଫୋଟମାରାଦ୍ଵିଧାୟ ।
ଵପୁଷି ଭଜନଵର୍ମ ପ୍ରାପ୍ୟ କଲ୍ୟାଣଧର୍ମଃ
ସ ଜୟତି ନଵକର୍ମା ଗୋକୁଲେ ଗୋକୁଲେଶଃ ॥ ୩॥
ନିଗମଜନିତଧର୍ମଦ୍ରୋହିଣି କ୍ଷୋଣିନାଥେ
ସକଲସହଜଵେଶସ୍ତତ୍ସମୀପଂ ସମେତ୍ୟ ।
ତଦୁଚିତମଦମତ୍ୟା ଦତ୍ତଵାନୁତ୍ତରଂ ୟଃ
ସ ଜୟତି ଜନଚିତ୍ତାନନ୍ଦକୋ ଗୋକୁଲେଶଃ ॥ ୪॥
ଅଧିକୃତୟୁଗଧର୍ମେ ଵର୍ଧମାନେ ସମନ୍ତା-
ଦନିତଶରଣୋଽସୌ ଵେଦଧର୍ମୋ ସଦାଭୂଽତ୍ । check
ତଦିହ ଶରଣମାଗାଦ୍ୟଃ ସଦୈକଃ ଶରଣ୍ୟଂ
ସ ଜୟତି ଜନଵନ୍ଦ୍ୟୋ ଗୋକୁଲେ ଗୋକୁଲେଶଃ ॥ ୫॥
କଲିଵୃଷଲଭୟାପ୍ତୌ ତତ୍କଲିଂ ସନ୍ନିଗୃହ୍ୟ
କ୍ଷିତିପତିରଵିତାଽଽସୀଦ୍ୟସ୍ୟ ପୂର୍ଵଂ ପରୀକ୍ଷିତ୍ ।
ଇହ ହି ନୃପତିଭୀତୌ ତସ୍ୟ ଧର୍ମସ୍ୟ ନିତ୍ୟଂ
ସ ଜୟତି ଭୁଵି ଗୋପ୍ତା ଗୋକୁଲେ ଗୋକୁଲେଶଃ ॥ ୬॥
ପ୍ରଥମମିହ ପରୀକ୍ଷିଦ୍ରକ୍ଷିତୋ ଵର୍ଣଧର୍ମଃ
ପୁନରପି କଲିକଲ୍ପକ୍ଷୁଦ୍ରଭିକ୍ଷୁକ୍ଷତୋଽଭୂତ୍ ।
ଅଭୟପଦମିଦଂ ୟଂ ଶାଶ୍ଵତଂ ଚାଭ୍ୟୁପେତଃ
ସ ଜୟତି ନିଜଭକ୍ତାହ୍ଲାଦକୋ ଗୋକୁଲେଶଃ ॥ ୭॥
ୟ ଇହ ସକଲଲୋକେ କେଵଲଂ ନ ସ୍ଵକୀୟେ
ପ୍ରଭୁଜନନବଲେନ ସ୍ଥାପୟାମାସ ଧର୍ମମ୍ ।
ସକଲସୁଖଵିଧାତା ଗୋକୁଲାନନ୍ଦଦାତା
ସ ଜୟତି ନିଜତାତାରାଧକୋ ଗୋକୁଲେଶଃ ॥ ୮॥
ଶ୍ରୀଵଲ୍ଲଭାଷ୍ଟକମିଦଂ ପଠତି ପ୍ରପନ୍ନୋ
ୟଃ କୃଷ୍ଣରାୟକୃତମିତ୍ୟୁଷସି ସ୍ଵଚିତ୍ତଃ ।
ସୋଽୟଂ ସୁଦୁର୍ଲଭତମାନପି ନିଶ୍ଚୟେନ
ପ୍ରାପ୍ନୋତି ଵୈ ଵିନିହିତାନଖିଲାନ୍ ପଦାର୍ଥାନ୍ ॥ ୯॥
ଇତି ଶ୍ରୀକୃଷ୍ଣରାୟଵିରଚିତଂ ଶ୍ରୀଗୋକୁଲେଶାଷ୍ଟକଂ ସମ୍ପୂର୍ଣମ୍ ।