Templesinindiainfo

Best Spiritual Website

Shri Gokuleshashayanashyakam Lyrics in Bengali | শ্রীগোকুলেশশয়নাষ্টকম্

শ্রীগোকুলেশশয়নাষ্টকম্ Lyrics in Bengali:

প্রাতঃ স্মরামি গুরুগোকুলনাথসংজ্ঞং
সংসারসাগরসমুত্তরণৈকসেতুম্ ।
শ্রীকৃষ্ণচন্দ্রচরণাম্বুজসর্বকাল-
সংশুদ্ধসেবনবিধৌ কমলাবতারম্ ॥ ১॥

প্রস্বাপ্য নন্দতনয়ং প্রণয়েন পশ্চা-
দানন্দপূর্ণনিজমন্দিরমভ্যুপেতম্ ।
স্থূলোপধানসহিতাসনসন্নিষণ্ণং
শ্রীগোকুলেশমনিশং নিশি চিন্তয়ামি ॥ ২॥

অভ্যগ্রভক্তকরদত্তসিতাভ্রয়ুক্তং
তাম্বূলপূর্ণবদনং সদনং রসাব্ধেঃ ।
আবেষ্টিতং পরিত আত্মজনৈরশেষৈঃ
শ্রীগোকুলেশমনিশং নিশি চিন্তয়ামি ॥ ৩॥

জাতে তথা প্রভুকথাকথনে তদানী-
মুত্থাপিতে পরিচয়েণ পৃথূপধানে ।
গন্তুং গৃহায় সুহৃদঃ স্বয়মুক্তবন্তং
শ্রীগোকুলেশমনিশং নিশি চিন্তয়ামি ॥ ৪॥

নিত্যোল্লসন্নবরসৌঘনিবাসরূপং
সৌন্দর্যনির্জিতজগজ্জয়িকামভূপম্ ।
স্বপ্রেয়সীজনমনোহরচারুবেষং
সঞ্চিন্তয়ামি শয়নে নিশি গোকুলেশম্ ॥ ৫॥

কস্তূরিকাদিতনুলেপবিসারিগন্ধং
পুষ্পস্রগন্তরলসত্তনুমৌলিবন্ধম্ ।
সংবাহিতাঙ্ঘ্রিয়ুগলং নিজমুখ্যভক্তৈঃ
সঞ্চিন্তয়ামি শয়নে নিশি গোকুলেশম্ ॥ ৬॥

সপ্রেমহাস্যবচনৈঃ কতিচিত্স্বকীয়ান্
স্থিত্বা ক্ষণং নিজগৃহায় নিদিষ্টবন্তম্ ।
শয়্যোপবেশসময়োচিত্তবেষভাজং
সঞ্চিন্তয়ামি শয়নে নিশি গোকুলেশম্ ॥ ৭॥

নিদ্রাগমাত্ প্রথমতো নিজসুন্দরীভিঃ
সংসেবিতং তদখিলেন্দ্রিয়বৃত্তিভাগ্যম্ ।
শৃঙ্গারসারমধিরাজমুদারবেষং
সঞ্চিন্তয়ামি শয়নে নিশি গোকুলেশম্ ॥ ৮॥

স্বচ্ছোপরিচ্ছদলসচ্ছয়নোপবিষ্টং
সস্নেহভক্তসুখসেবিতপাদপদ্মম্ ।
নিদ্রাবধূস্বসময়েপ্সিতসঙ্গসৌখ্যং
সঞ্চিন্তয়ামি শয়নে নিশি গোকুলেশম্ ॥ ৯॥

শ্রীগোকুলেশশয়নাষ্টকমাদরেণ
শ্রীকৃষ্ণরায়রচিতং সরসার্থপদ্যম্ ।
সঞ্চিন্তিতাখিলফলপ্রদমিষ্টসিদ্‍ধ্যৈ
সঞ্চিন্তয়ন্তু নিশি তচ্চরণৈকচিত্তাঃ ॥ ১০॥

ইতি শ্রীকৃষ্ণরায়বিরচিতং শ্রীশয়নাষ্টকং সম্পূর্ণম্ ।

Shri Gokuleshashayanashyakam Lyrics in Bengali | শ্রীগোকুলেশশয়নাষ্টকম্

Leave a Reply

Your email address will not be published. Required fields are marked *

Scroll to top