ଶ୍ରୀଗୋକୁଲେଶାଷ୍ଟକମ୍ ୨ Lyrics in Oriya:
ପ୍ରାଣାଧିକପ୍ରେଷ୍ଠଭଵଜ୍ଜନାନାଂ ତ୍ଵଦ୍ଵିପ୍ରୟୋଗାନଲତାପିତାନାମ୍ ।
ସମସ୍ତସନ୍ତାପନିଵର୍ତକଂ ୟଦ୍ରୂପଂ ନିଜଂ ଦର୍ଶୟ ଗୋକୁଲେଶ ॥ ୧॥
ଭଵଦ୍ଵିୟୋଗୋରଗଦଂଶଭାଜାଂ ପ୍ରତ୍ୟଙ୍ଗମୁଦ୍ୟଦ୍ଵିଷମୂର୍ଚ୍ଛିତାନାମ୍ ।
ସଞ୍ଜୀଵନଂ ସମ୍ପ୍ରତି ତାଵକାନାଂ ରୂପଂ ନିଜଂ ଦର୍ଶୟ ଗୋକୁଲେଶ ॥ ୨॥
ଆକସ୍ମିକତ୍ଵଦ୍ଵିରହାନ୍ଧକାରସଞ୍ଛାଦିତାଶେଷନିଦର୍ଶନାନାମ୍ ।
ପ୍ରକାଶକଂ ତ୍ଵଜ୍ଜନଲୋଚନାନାଂ ରୂପଂ ନିଜଂ ଦର୍ଶୟ ଗୋକୁଲେଶ ॥ ୩॥
ସ୍ଵମନ୍ଦିରାସ୍ତୀର୍ଣଵିଚିତ୍ରଵର୍ଣଂ ସୁସ୍ପର୍ଶମୃଦ୍ଵାସ୍ତରଣେ ନିଷଣ୍ଣମ୍ ।
ପୃଥୂପଧାନାଶ୍ରିତପୃଷ୍ଠଭାଗଂ ରୂପଂ ନିଜଂ ଦର୍ଶୟ ଗୋକୁଲେଶ ॥ ୪॥
ସନ୍ଦର୍ଶନାର୍ଥାଗତସର୍ଵଲୋକଵିଲୋଚନାସେଚନକଂ ମନୋଜ୍ଞମ୍ ।
କୃପାଵଲୋକହିତତତ୍ପ୍ରସାଦଂ ରୂପଂ ନିଜଂ ଦର୍ଶୟ ଗୋକୁଲେଶ ॥ ୫॥
ୟତ୍ସର୍ଵଦା ଚର୍ଵିତନାଗଵଲ୍ଲୀରସପ୍ରିୟଂ ତଦ୍ରସରକ୍ତଦନ୍ତମ୍ ।
ନିଜେଷୁ ତଚ୍ଚର୍ଵିତଶେଷଦଂ ଚ ରୂପଂ ନିଜଂ ଦର୍ଶୟ ଗୋକୁଲେଶ ॥ ୬॥
ପ୍ରତିକ୍ଷଣଂ ଗୋକୁଲସୁନ୍ଦରୀଣାମତୃପ୍ତିମଲ୍ଲୋଚନପାନପାତ୍ରମ୍ ।
ସମସ୍ତସୌନ୍ଦର୍ୟରସୌଘପୂର୍ଣଂ ରୂପଂ ନିଜଂ ଦର୍ଶୟ ଗୋକୁଲେଶ ॥ ୭॥
କ୍ଵଚିତ୍କ୍ଷଣଂ ଵୈଣିକଦତ୍ତକର୍ଣଂ କଦାଚିଦୁଦ୍ଗାନକୃତାଵଧାନମ୍ ।
ସହାସଵାଚଃ କ୍ଵ ଚ ଭାଷମାଣଂ ରୂପଂ ନିଜଂ ଦର୍ଶୟ ଗୋକୁଲେଶ ॥ ୮॥
ଶ୍ରୀଗୋକୁଲେଶାଷ୍ଟକମିଷ୍ଟଦାତୃଶ୍ରଦ୍ଧାନ୍ଵିତୋ ୟଃ ପଠିତୀତି ନିତ୍ୟମ୍ ।
ପଶ୍ୟତ୍ପଵଶ୍ୟଂ ସ ତଦୀୟରୂପଂ ନିଜୈକଵଶ୍ୟଂ କୁରୁତେ ଚ ହୃଷ୍ଟଃ ॥ ୯॥
ଇତି ଶ୍ରୀକୃଷ୍ଣରାୟଵିରଚିତଂ ଶ୍ରୀଗୋକୁଲେଶାଷ୍ଟକଂ ସମାପ୍ତମ୍ ।
